Korɛntsika reè jɔ̀naà 2:7 - Bible Dzùùngoo Unicode

⁷ Ŋà Ŋaablà raa akiritsifabee, ɲe tɔ̀ rii gooma deè. Tɔ̀ akiritsifabee na gòndo mɛnɛn tsùuŋma, Ŋaabla na nìi ŋɛ̀nɛ̀ɲaɔ̀n sani dziɲan ye ɲɛn, è bà ni à ka nɔɔrɔ ɲɛn ɲe tsɛ.

Korɛntsika reè jɔ̀naà 2:7 ပူးပေါင်းရင်းမြစ်များ

Matsiyù 11:25

Tɔ̀ waatsia ɲàn, Yesù yè dzin ci: «Mun Fà Ŋaablà, ŋaablaxɔɔ̀ ko dzɔ̀nxɔɔ̀ sa Tsifaà, mun tsoo dzi ɲɛɛn wo tsɛ, kàtsu wo nèe goo rèe rèè mɛnɛun mòdzin akiribla reè ko akiridzi reè mà, wo y'à kpàdè dziinkòòmɛ̀yn neè rà.

Matsiyù 13:35

Tɔ fau nì, sànko Ŋaablà re kɛɛraa rè gooma de dɔ̀unma sɔn yeè bo e shi tsɛ, nìi yɛ ci: «Mun nà gooma è ka gooma bɔɔ ì ɲàn. Goo o goo mɛnɛɔn fɔ dziɲaan jɔ̀n bwey, min twɛy dè è ra.»

Ɔ̀rɔ̀mùnka reè 11:25

Àwà neema ì, mun sàò na ni ye to nèe gòndo ree tɔ̀ bɛy tɔ̀ yeè nà bà saabu ye yè e yɛrɛ ja akiritsi ì waa. Tɔ̀ rii yɛ, ci Isirayɛlidzin neè swey dùsùkuan nà xɔbe to, fɔ nìì reè na Dzyèèsìbee mòdzin ì waa, twɛy tsibaa rèè sapɛ dzyeèmaa yè bè tsi dò.

Ɔ̀rɔ̀mùnka reè 8:29

È ɲɛn à tsɛ, à nìì reè tɔ̀u jɔ̀na, à twɛy jɔ̀na sa ŋɛnɛ̀ɲan tsuuŋ, è bà e Dzin Kpir'la bosi, gè riì n'a to tɔ̀ yeè bà dzin jɔna kereumaà neema giri fi.

Ɔ̀rɔ̀mùnka reè 8:30

À nìì reè jɔ̀na ŋɛnɛ̀ɲan tsuuŋ, à twɛy kiriu sa. À to nìì reè kiriu, è kpàdèu tereunma ì sa. À nìì reè sa kpadèu tereunma ì, à nɔɔrɔ sa ɲɛun twɛy tsɛ.

Korɛntsika reè jɔ̀naà 2:1

Àwà neema reè, mun bèu ye kpà waatsi riì bwèy, min bè Ŋaablà re gòndoo gooma de ye ra, mun na be gooma tɔ brisi ka, mun to na be akiritsifabe ka.

Efɛsika reè 1:4

Sani dziɲaan yè ɲɛn, à na ɲe ɲankɛrɛn boo nòn Kirisà ɲàn e jaara, gè riì ni à to ɲe yè bà fɛnɛ ì ko jààkìbɛy ì à jaa dzuun, à re kɛ̀nbààbee doùn.

Efɛsika reè 3:10

Tɔ̀ yeè fa, gè riì ni à to, jìrànxɔ rɔ̀n kùntsii rèè ko fààntsi rèè y'à tɔ̀ dòònuùn ɲɛynamoo kur'là baraka rɔ̀n, Ŋaablà ɲan akiriblabee kaatsià giribee nìi boò.

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

Dzyèèsìbee mòdzin neè 1:2

Ŋà dòònuùn, nèe waatsi latan nee doùn, à goomau mùn ka, è bo e Dzin Kpir'la ɲàn. Àwà, Ŋaabla gè sapɛ ɲɛun è bo wò rii ɲàn, à to gè sapɛ tsifàbe wɔɔ wò rii suun.

Dzyèèsìbee mòdzin neè 11:3

Mùn ɲɛɔ̀n Ŋaablà ra nìi fa, tɔ̀ rii y'à tou m'a tɔ̀, ci goomaa nì baraka ɲan, Ŋaabla dziɲan ɲɛun. Tà tsuru, mùn jaa ni gè o ge rà dziɲan doùn, Ŋaabla twɛy sapɛ ɲɛun, è bo gè ɲàn, jaadzin na nìi jàa waa.

Piyɛrì jɔ̀naà 1:11

Àwà Kirisà nà byɛn byɛun'n kur'liì rà, tà shɔ̀ùn nɔɔrɔ yè ɲɛn à tsɛ, Kirisà rè Dzi riì ni è ɲan, tɔ̀ na tɔ̀ gooma de tsùuŋnà è ra nòn. Twɛy goo rèè nà fa waatsi riì tà ko è nà fa fau'n kur'liì rà, è na tɔ̀ ɲan gaa cɛyn, y'à tɔ̀.

Piyɛrì jɔ̀naà 5:1

Àwà bɔɔ nìì reè ni ye fi, min vu boò twɛy rìì là dòònuùn, min màxɔ̀n. Mun sa yeè è tsuru bɔɔ, nìi Kirisà rè byɛnbe goo reè shɛɛrɛ. Nɔɔrɔ nìi nà nà e kpadè, mun sa nin ni tɔ̀ ɲan.

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

Piyɛrì fiiraa 1:3

Goo nìì reè baraka ɲan mùn jaamabee faa, Ŋaablà jɔun shiɲaanbe yè bà ni mùn ɲan, à re ŋaablabee dzibaabee twɛy sìun mùn na, à y'à to mìn kiribaà tɔ̀, tɔ̀ niì mùn kiriu e yɛr'la nɔɔrɔɔ̀ ko e re wùɔ baraka rɔ̀n.

Goo kpàdèuma rèè 13:8

Dzɔ̀nxɔɔ̀ tsɛ mòdzian sapɛ nà à blàbe. Sààtòmòìrii riì bàu saaka, nìì reè tsoo sɛbɛɔ̀n tɔ̀ re jaamabee sɛbɛɛn doùn fɔ dziɲaan jɔ̀n bwey, twɛy bàsɔùn nì fa à blàbe waa.