Korɛntsika reè jɔ̀naà 16:1 - Bible Dzùùngoo Unicode

¹ Àyìwà, nìi sitɛy goo raa kàjaa, tɔ̀ niì wù è bè sìn Ŋaa re mòdzin neè rà è ka è dzwɛ̀ma, mun shi niì reè kpàdèu Galatsi mar'la ɲɛynamoo kur'lèè rà tɔ̀ kàjaa tsɛ, e sa y'a shi jiì tɔ̀ tsuru.

Korɛntsika reè jɔ̀naà 16:1 ပူးပေါင်းရင်းမြစ်များ

Kɛɛradzin neè faadziɛ 11:28

Mòò sɔn na ni è ɲan, tɔ̀ tsoo yè bà ci Agabusì. Tɔ̀ yeè fù, è dzin Ŋaablà re Dzia baraka rɔ̀n, ci sani dɛyn, dzu bla nà ji dziɲantsiɛ min niì sapɛ. Tɔ̀ dzu rèe nàu ji Ɔ̀rɔmùn màsà kpiri blà sɔn ni naa waatsi ɲan, nìi tsoo ci Kloodzì.

Kɛɛradzin neè faadziɛ 11:30

È to tɔ̀ rii fau. Yè e si ji e si tsɛ tɔ̀un, y'à sìn Barinabasì ko Sɔlì rà, ci yè b'a sìn Yude mar'la kàràndzìn kur'là jɔundzin neè rà.

Kɛɛradzin neè faadziɛ 16:6

Àyìwà, à na ni Polì ko e jiìfàsi rèè duùn, ye yè Azhi jamaan mòdzian toro kɔ̀ Kùnàgoo Dziɔ̀ goomaa nà, ŋà, Ŋaablà re Dzi Fɛnɛɛ na e tsiì tɔ̀ ra waa. Tɔ̀un, Firizhi jamaan, tà ko jàmàan sɔn ni, ci Galatsi, yè dɔ̀n bo twɛy jàmaan rèè doùn.

Kɛɛradzin neè faadziɛ 18:23

Tɔ̀un, è waatsi dɛyn fa mɔn. À bou mɔn, è dɔ̀n be Galatsi mar'la ɲàn. È bo mɔn, è dɔ̀n be Firizhi mar'la ɲàn. Tɔ̀ sapɛ ɲan, è ɲantsyeere beè kàràndzin neè tsɛ, è màxɔ̀n beè, gè riì ni à to yè fààn tarà, è ɲɛunmaà doùn Yesù rà.

Kɛɛradzin neè faadziɛ 24:17

Àwà, mun jii giri fau, mun na wɔ Yerusalɛmùn waa. Tɔ̀ rii shɔ̀ùn, mun sèè nau, min nà wɔ ɲe re kuan mòdzin neè rà ɲɛyn ka, min saaka sa bo Ŋaablà re.

Kɛɛradzin neè faadziɛ 9:13

Tsìfa Yesù rè goomaa shɔ̀ùn, Ananiyasì yè dzin ci: «Ee Tsìfaà, mun to gooma giri myɛɔ̀n kpir'lee tsɛ dɛ ! À gooɲaan niì sapɛ fau wo re kàràndzin neè rà Yerusalɛmùn, mòò giri tɔ̀ lakɛrɔun mun na.

Kɛɛradzin neè faadziɛ 9:41

Piyɛrì y'à si kun, è wɔ à ra, è fù. Tà shɔ̀ùn, è kòmànà kàràndzin neè ko fùnshɔ̀ùntaan rèè sèè kiri e shɔùn, è taàn jaama kpadè è ra.

Ɔ̀rɔ̀mùnka reè 12:13

Ŋaablà re mòdzin neè màgoo ni nìi rà, ye è dzwɛ̀ma tɔ̀ ka, ye bà ni tɔnɔn ladɔɔn ɲan tsuù ɲàn.

Korɛntsika reè jɔ̀naà 11:34

Dzu ye ba ni mòò rà, è ɲwɛyn ɲɔn e re tsii, gè riì ni à to e ma nà e ladzyèè ye kitsi mɛɛy e yɛrɛ tsɛ waa. Nìi goo dzyee reè, min na wɔ mɔn, mun nà twɛy jaa bo.

Korɛntsika reè jɔ̀naà 16:15

Àwà neema reè, y'a tɔ̀ ci Sitefanasì ko e re mòdzìnbee rìì bàu Akayi mar'la ɲɛynamoo jɔ̀na rèè, è to yè e shiu faagoò rà Ŋaa re mòdzin neè rè. Tà doùn mun nà nìi gaa ye re, tɔ̀ rii yɛ,

Korɛntsika reè jɔ̀naà 4:17

Tɔ̀ rii kamà, mun Tsìmotè kaà ye re, mun dzin kpiri kɛniunmaà, è bà vusootsi Tsìfaà ɲàn. Mun yè n ne jaamabee shi jiɛ nìi tsuru Kirisà ɲàn, a ci mun y'à kàr'na nìi tsuru min niì sapɛ, ɲɛynamoo kur'lèè sapɛ re, à nà ye taa to tɔ̀ re.

Galatsika reè 1:2

Nèe sɛbɛn, mun ko n neema niì reè sapɛ ni mun ka, ɲe nìi kaà Galatsi mar'la ɲɛynamoo kur'lèè rè.

Galatsika reè 2:10

È nìi bàsɔùn gaaŋ ɲe re, tɔ̀ rii yɛ ci ɲe yè e taa to gbakɔɔn reè rè. Mun sa to yè n ɲanshìu tɔ̀ faa rà.

Filemɔ̀n 1:5

È ɲɛn à tsɛ, wo re kɛ̀nbààbee ko wo re ɲɛynaà nìi boo Tsìfa Yesù ko Ŋaa re mòdzin neè kàjaa tsɛ, mun tɔ̀ myɛ̀ɛn.

Filemɔ̀n 1:7

Àwà Filemɔ̀n, wo ɲan kɛ̀nbààbee kamà, mun taama dzibeu cɛyn, min fààn tarà, è ɲɛn à tsɛ, wo baraka ɲan, n neema kpiri, Ŋaa re mòdzin neè vunun ciun.

Dzyèèsìbee mòdzin neè 6:10

Mòdzin niì reè Ŋaablà raa, ye goo faa twɛy rè, ye yè bà tɔ̀ faa arì she. Twɛy goo rèè y'à kpàdèe, ci ye y'à kɛ̀niɔ̀n. Àwà, Ŋaabla tereòn, à taa fa myɛ̀n twɛy goo fauma rèè rè waa.

Yùxanà jɔ̀naà 3:17

Dziɲan nafor'la ni mòò riì suun, tɔ̀ ye e neemasia byɛunma jà, à to na matsuru à ra waa, Ŋaablà kɛnbààbe ni tɔ̀ ɲan dzùrù ?