အွန်လိုင်း သမ္မာကျမ်းစာ

« အရင်

နောက်တစ်ခု »

Korɛntsika reè jɔ̀naà 15:2 - Bible Dzùùngoo Unicode

² Tɔ̀ rii baraka sa ɲan ye tsià, e kpɛynto ye to à tsɛ a ci mun y'à dèu ye ra nìi tsuru. Tà boshɔ̀ùn, kùn fa bà ni e re ɲɛynaà nà waa.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Korɛntsika reè jɔ̀naà 15:2
31 ပူးပေါင်းရင်းမြစ်များ

Lukì 8:13

Shìmàndzin neè tɔrɔnmàà bèu kòrò faa gane riì ka, mòdzin neè swey ni tɔ̀ faa ganee rìì tsuru. Yè e toro wɔɔ̀ Ŋaablà re Goomaa rè yè e tsiì à ra ko taamadzibe ka. Tɔ̀ to y'à tàrà à na dɔɔ̀n è ɲan cɛyn waa. È dzia ɲɛn Ŋaablà ra tà tsuru waatsi dɛɛnin bàsɔùn doùn. Ŋà, kùùngoo ye è ji nìi tsuru, tɔ̀ yeè è sèè bouma Ŋaablà kpɛyn.

အခန်းကိုကြည့်ပါ။

Kɛɛradzin neè faadziɛ 2:47

Kudɛyn, è na tsoo dzi ɲɛɛn Ŋaablà tsɛ, è goo to na dzi mòdzian sapɛ ra. Sii sa see, Tsìfaà na mòdzin tsiuma rèè bàa è kur'la tɛ̀y.

အခန်းကိုကြည့်ပါ။

Kɛɛradzin neè faadziɛ 8:13

Tɔ̀un, Shimɔ̀n yɛ̀r'la sa yeè ɲɛn à ra, è tsiì y'à jaara foò Ŋaablà re shia goo rèè rà. Shimɔ̀n jaara fòoŋ, à na to bo Fìlipù kpɛyn dɛ. Fìlipù na kabagoo goo niì reè faa, tɔ̀ na jiɔ̀ Shimɔ̀n sa dzii tsɛ fɔ è bè geren.

အခန်းကိုကြည့်ပါ။

Ɔ̀rɔ̀mùnka reè 1:16

Àwà Kùnàgoo Dziɔ̀ seey na ni mun na waa, kàtsu à Ŋaablà re dzibaabe rii, sànko nìì reè sapɛ ɲɛɛn Ŋaablà ra, yè dzi tsi. È jɔ̀n Dzyèèsìbee mòdzin neè tsɛ, è suu kun kpɛrɛ mòdzin neè rà.

အခန်းကိုကြည့်ပါ။

Ɔ̀rɔ̀mùnka reè 11:22

Tà doùn, a taa to ci Ŋaablà wù è bà ɲan sa. Nìì reè mɛrɔɔn, à re ɲanbee ni twɛy kàjaa tsɛ, wo kàjaa tsɛ, à re wùbee yè bà ni ŋà fɔ wo ye ba too tɔ̀ wùbee tsɛ, tà boshɔ̀ùn, wo sa nà kùnùn bo mɔn nì.

အခန်းကိုကြည့်ပါ။

Korɛntsika reè jɔ̀naà 1:18

Nìì ree ni e bar'la gè doùn, Yesù gbaàn gɔɔ̀ goomaa fàkɔ̀ɔ̀nbe rìì twɛy jaa ra. Ŋà, ɲe nìì re ni e tsia shia tsɛ, ɲe re, à Ŋaablà re dzibaabe rii.

အခန်းကိုကြည့်ပါ။

Korɛntsika reè jɔ̀naà 1:21

Àwà, dziɲaan ko e raa akiritsifabee na dzi Ŋaablà tɔ nìi fa e raa akiritsifabee doùn, gbaàn gɔɔ̀ raa waajibia fàkɔ̀ɔ̀nbee, Ŋaablà tɔ̀ rii seun à ka ɲɛynamoo rèè tsi.

အခန်းကိုကြည့်ပါ။

Korɛntsika reè jɔ̀naà 11:2

Mun tsoo dzi ɲɛɛn ye tsɛ, è ɲɛn à tsɛ, goo gè o ge, ye taa ni mun mà, mun to kàr'nìi sìun ye ra, y'a màraɔ̀ a ci m'a sìun ye ra nìi tsuru.

အခန်းကိုကြည့်ပါ။

Korɛntsika reè jɔ̀naà 15:14

Kirisà to ma ba sèè kpunaun, tɔ̀ y'a kpàdèe ci mùn waajibi riì faa tɔ maana, ye re ɲɛynaà sa ye bà maana.

အခန်းကိုကြည့်ပါ။

Korɛntsika reè fiiraa 2:15

Ɔ̀ɔn, nìì reè ni bar'la gè doùn, ko nìì reè ni tsià gè doùn, ɲe ni Ŋaablà re a ci Kirisà rè ɲinin kinin dziù twɛy fi.

အခန်းကိုကြည့်ပါ။

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

အခန်းကိုကြည့်ပါ။

Galatsika reè 3:4

Ye tɔ̀maà nìi sapɛ bou, tɔ̀ ni ba goo maana ɔ ? À yɛ̀rɛ̀ to ye ba na goo maana kɛ !

အခန်းကိုကြည့်ပါ။

Efɛsika reè 2:8

Àwà ye tsiɔ Ŋaablà ɲanwùɔ rìì baraka ɲan, ɲɛynaà saabu rɔ̀n. Tɔ̀ na boo ye yɛ̀r'leè ɲàn waa, à Ŋaablà re kwɛ̀y rii.

အခန်းကိုကြည့်ပါ။

Kolosika reè 1:23

Ŋà, fɔ ye sàn gbaunma yè to ɲɛynaà tsɛ, goo sɔn pɛn mà dzi ye bo e shɔùn waa. Ye si to xɔ nìi tsɛ Kùnàgoo Dziɔ̀ doùn, e maà e bon wɔ tɔ̀ ra waa, e tɔ̀ Kùnàgoo Dziù rìi goomaa myɛ̀un, è bà dèu gè ɲɛunmaà sapɛ ra dziɲantsiɛ min niì sapɛ. Mun Polì, min bà bàu à faagoofabaa.

အခန်းကိုကြည့်ပါ။

Tesalonikika reè fiiraa 2:15

Tà doùn neema ì, e san gbaunma yè to. Mùn goo nìì reè kàraun e ra gooma doùn, tàmafa sɛbɛn kauma ka, ye twɛy kun gban gban.

အခန်းကိုကြည့်ပါ။

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

အခန်းကိုကြည့်ပါ။

Dzyèèsìbee mòdzin neè 10:23

Mùn ci mùn si xɔ nìi tsɛ, mùn mà bo tɔ̀ tsɛ waa, kàtsu, Ŋaablà riì làyir'là seòn mùn ne, tɔ vusootsi.

အခန်းကိုကြည့်ပါ။

Dzyèèsìbee mòdzin neè 2:1

Àyìwà tɔ̀ kamà, mùn twɛy goo nìì reè myɛ̀un fɔ mùn yeè è kun e sɔbɛn ka, sànko, mùn mà nà bè shi tsɛ, nìi nà bà mùn mà ɲaan waa.

အခန်းကိုကြည့်ပါ။

Dzyèèsìbee mòdzin neè 3:14

Àwà, mùn ɲɛun Ŋaablà ra nìi tsuru fɔ à dziikuan, mùn ye to tɔ̀ tsɛ è bè suu fɔ à lataan dzu, mùn kpɛ̀yn Ŋaablà Jaara Modzìàn dzyèèsi rèè.

အခန်းကိုကြည့်ပါ။

Dzyèèsìbee mòdzin neè 3:6

Nìi Ŋaablà Jaara Modzìàn, à re dzin kpiribee doùn, tɔ̀ sa vusootsi à tsùuŋmaà doùn Fà Ŋaablà re mòò rèè sapɛ kuùn. Mùn kpɛ̀ynto à re mòò rèè, Ŋà, fɔ mìn to goo soo tsɛ, à wù mùn akiri yè bà tsùuŋnà, mùn si yè bà xɔ à tsɛ, tɔ̀ riì mùn wàsaà goò.

အခန်းကိုကြည့်ပါ။

Dzyèèsìbee mòdzin neè 4:14

Tà doùn, Saaka Jɔundzin bla ni ɲe re, nìi ni dzyee rèè sapɛ kuùn, è bà ŋaablaxɔɔ̀ fi shɛun è bè fɔ Ŋaablà re. Tɔ̀ Saaka Jɔundzin blaa rìì Yesù, Ŋaablà Dzin Kpir'la. Tɔ̀ gàneè kamà, mùn ɲɛɔ̀n goo nìi rà, mìn to tsùù tà tsɛ m'a kun gban gban.

အခန်းကိုကြည့်ပါ။

Yàkubà 2:14

N neema ì, à fee wùbee mòò mà è dzin ci: «Ɲɛynaà ni mun ne», à to na à kpàdeò e faadziɛ ɲàn waa. Tɔ̀ ɲɛynaà ni dzi à tsi ɔ ?

အခန်းကိုကြည့်ပါ။

Yàkubà 2:17

Ɲɛynaà sa tɔ̀ rii tsuru. È ba à bàsɔùn, faadziɛ mà bà ni à ɲan, à saɔn rìì.

အခန်းကိုကြည့်ပါ။

Yàkubà 2:26

Tɔ̀ doùn, xɔn ma ba ni gɔɔ̀n rà tɔ bàa saɔn nìi tsuru, faadzii ma ba ni ɲɛynaà ɲàn, tɔ̀ sa bàa saɔn tɔ̀ rii tsuru.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ