Korɛntsika reè jɔ̀naà 13:7 - Bible Dzùùngoo Unicode

⁷ È yɛrɛ toò goo sapɛ ra, à ɲɛɛn goo sapɛ ra, à si xɔ goo sapɛ tsɛ à to goo sapɛ tsià e ma.

Korɛntsika reè jɔ̀naà 13:7 ပူးပေါင်းရင်းမြစ်များ

Matsiyù 10:22

Mun tsoò kamà, ye goo nà xɔbe mòdzian sapɛ ma. Ŋà mòò riì sàn gbaunma nà to è bè suu fɔ à lataan dzu, tɔ nà tsi.

Marikì 9:23

Yesù ci à ra ci: «Wo ci: "E ba dzia." Àwà mòò riì ɲɛɔ̀n Ŋaablà ra, goo sɔn pɛn na tɔ̀ jaan waa.»

Ɔ̀rɔ̀mùnka reè 15:1

Àwà ɲe nìì reè fàan blà ɲɛynaà ɲàn, ɲe wù ɲe yè nìì fa, tɔ̀ rii yɛ nìì reè fàan dzyɛ̀n, ɲe yè twɛy raa fààn bɛ̀y goo reè sen, ɲe mà à gaa ɲe yè e dzibee goo fa waa.

Ɔ̀rɔ̀mùnka reè 8:24

Àwà, mùn kpɛ̀yn tsiu tɔ sààben, ŋà tɔ faɔ̀ rìì ci mùn si xɔ à tsɛ. A si to xɔ goo rìi tsɛ, e dzi tɔ̀ jà nòn, tɔ̀ na kir'la ci a si xɔ à tsɛ dɛ. A goo nìi jàa nòn, a si xɔbee tɔ̀ tsɛ dzùrù kɔn ?

Korɛntsika reè jɔ̀naà 13:4

Mɔ̀ɲɔn ni kɛ̀nbààbee ɲàn, wùu n'a ɲan, à na mòò jaaɲininbeè, à na e yɛrɛ deè, à to na e yɛrɛblabee.

Korɛntsika reè jɔ̀naà 9:12

À shi ye ba ni swey suun yè tɔ̀ goò shi jiì ye tsɛ, ɲe do, à shi na ni ɲe suun è geren twɛy tsɛ fyeu ɔ ? Tà ko e sa ra, ɲe na tɔ̀ shi jiiŋnà ye tsɛ waa, ŋà ɲe goò sapɛ rii tsiɔ e ma gè riì ni à to goo sɔn pɛn mà Kirisà rè Kùnàgoo Dziɔ̀ jɔun shu waa.

Galatsika reè 6:2

Ye e si re seyn sen. Tà tsuru ye nà Kirisà rè sàrìyaa dzii tsyɛn.

Tesalonikika reè fiiraa 1:4

Tà tsuru, ye baɔ̀ ɲe yɛ̀rɛ̀blàbè kun Ŋaablà re ɲɛynamoo kur'lèè doùn. È ɲɛn à tsɛ, ye ɲanshiɔ̀, ye yè bà ni ɲɛynaà tsɛ. Dzuunbweè ko byɛnbee ni ye tsɛ, ŋà ye tɔ̀ sapɛ kuɔ e ɲan.

Tsìmotè fiiraa 2:24

Tɔ̀ to y'à tàrà, Tsìfaà rè faagoofadzian na wù è bà kaafabaa waa, ŋà è bà mòdzin, nìi vunun ma dzi mòdzian sapɛ ka, à dzia kàràn sian nà, è bà dzia goo ku e ɲan.

Tsìmotè fiiraa 3:11

Goo xɔ xɔù nìì reè ko byɛnbe niì reè sapɛ mun tàrau Antsiyɔshì ko Ikoniyɔmùn ko Lisìrì wɔ̀ rèè ɲàn, twɛy yè bà à tɛ̀y. Tɔ̀ goo xɔù kɛ̀n ni ci mun na à tsi n ma ! Ŋà Tsìfaà mun tsi bou tɔ̀ sapɛ ɲan.

Tsìmotè fiiraa 4:5

Ŋà nìi wo, goò sapɛ doùn, bà mòdzin, nìi akiri ni e yɛr'le. Byɛnbee ku a ɲan, e Kùnàgoo Dziɔ̀ dè. A re faagoò fa, a dzii tsyɛn.

Dzyèèsìbee mòdzin neè 13:13

Tà doùn, mùn sa yeè bo b'a ra mɔn wɔ̀ɔ̀ bònè, seey rìi y'à tàrau, tɔ̀ yeè mùn sa tarà.

Yàkubà 1:12

Àwà, mòò riì byɛnbee tsià e ma e sɔn màsiinkɔɔn waatsi rɔn, tɔ̀ tsìfa raà wùbeu. À raà wùbeu, kàtsu à sɔ̀n màsiin dòumaà shɔ̀ùn, Ŋaabla nìi làyiri seòn e kɛnbaa rèè rè, tɔ̀ yeè bà jaamabe dziù dòbɛɛ màsà baanflaa, à nà tɔ̀ tàrà.

Piyɛrì jɔ̀naà 2:24

À yɛ̀r'la ɲe re gooɲaantsiɛ seun gbaàn gɔɔ̀ rà e gɔɔ̀n ɲàn, gè rii n'a to mùn saunmaà gooɲaan kàjaa tsɛ, mìn jaamabee fa terenbee kàjaa tsɛ. À màà ɲuun neè rìì saabu ɲan, ye cɛrɛmabeu.

Piyɛrì jɔ̀naà 4:8

Goò sapɛ jɔun, ye e si kɛ̀n cɛyn. È ɲɛn à tsɛ, kɛ̀nbààbee saabu ɲan, gooɲaantsii gir'lì mɛɛ̀.