Korɛntsika reè jɔ̀naà 13:4 - Bible Dzùùngoo Unicode

⁴ Mɔ̀ɲɔn ni kɛ̀nbààbee ɲàn, wùu n'a ɲan, à na mòò jaaɲininbeè, à na e yɛrɛ deè, à to na e yɛrɛblabee.

Korɛntsika reè jɔ̀naà 13:4 ပူးပေါင်းရင်းမြစ်များ

Matsiyù 27:18

Àwà Pilatsì na à tɔ̀, ci Yesù jaaɲininbe rìì kamà, y'à wɔɔ wò suun.

Kɛɛradzin neè faadziɛ 7:9

Tà doùn, nìi Yusufù, Yàkubà dzin nèè mòò sɔɔ̀n, tɔ̀ jaaɲininbe yè e tsinà rèè kun, y'à gɔɔ, è bè bà jòn Misiran jamaan nɔn. Ŋà, Ŋaablà bàu ni Yusufù rè.

Ɔ̀rɔ̀mùnka reè 1:29

È ɲan tsyɛɔ̀n terenbɛybe goo kaatsià sapɛ ka, ɲanbee, kur'la goo ɲaan neè, jaaɲininbeè, mòdzìn vua, kaà, jàànfaà, ɲaan kaatsià sapɛ. È tsoo bar'la faa.

Ɔ̀rɔ̀mùnka reè 13:13

Mìn re jaamabee fa fyɛu tsɛ, a ci bwèytaaruɔ̀n ni nìi tsuru. È bà jaamabe, ɲwɛyn ɲɔn na ni nìi ɲàn baragooma, dɔ̀ɔ̀kɔ̀ɔ̀nbe to na ni à ɲan. Ɲànmɔ̀ɔ̀be na ni nìi ɲàn, kɛ̀kɛ̀ɛ̀ybe to na ni à ɲan. Kaa na ni nìi ɲàn, jaaɲininbe to na ni à ɲan.

Korɛntsika reè jɔ̀naà 3:3

È ɲɛn à tsɛ arì she, dziɲaan goo rèè ni ye ɲan. È jaaɲininbeè ko kaà to ye fi, tɔ̀ na à kpàdèe ci dziɲaan goo rèè ni ye ɲan, ye juɔ yè bà mòdzìn juu ɔ ?

Korɛntsika reè jɔ̀naà 4:18

Àwà, swey y'à kɛ̀sɛɛ̀ nìi fa ci mun na naà wɔ ye re mɔn waa, tɔ bàu saabu twɛy yè e yɛrɛ blabe.

Korɛntsika reè jɔ̀naà 4:6

Àwà n neema ì, ye rìì kamà, mun twɛy goo rèè ka jaa kpadey fau è ɲɛn mun yɛ̀r'la ko Apolɔsì tsɛ. Mun tɔ̀ fau gè riì ni à to, ye yè kàràn tàrà bo ɲe re è kòrò nèe gooma ree ka, nìi yɛ ci «Goo pɛn mà geren sɛbɛunmaà tsɛ waa», tɔ mà nà bà saabu ye e yɛrɛ blabe, ye sɔn fyanbe sɔn ma waa.

Korɛntsika reè jɔ̀naà 5:2

Arì she ye to yè e yɛrɛ blabee ŋe. N ci tɔ̀ na wù è bà taamaŋununbe brìsi rìì ye re, nìi nà bà saabu mòò riì tɔ̀ goò faɔ̀, ye tɔ̀ kaa bo e fi !

Korɛntsika reè jɔ̀naà 8:1

Àwà nìi ɲɔ̀n saaka rèè shuà raa kàjaa, à sààben, mùn y'a tɔ̀ ci twɛ̀ɛ ni mùn sapɛ ɲan. Ŋà twɛ̀ɛ gè riì, tɔ mòdziìn blàbee e yɛr'le. Kɛ̀nbààbee rìì fààn wɔɔ̀ mòò ɲàn.

Korɛntsika reè fiiraa 12:20

Mun shiɔ̀ nìi jɔun, tɔ̀ rii yɛ mun mà wɔ ye re mɔn, min ye jà jàu'n kur'la, mun na nìi gaa waa, ye tsu to mà mun jà jàu'n kur'la, ye na ni gaa waa. Mun na à gaa min bè kaa jà ye fi, min jaaɲininbe jà ye fi, min vununta jà ye fi, min si sɔɔn ja ye fi, min si tsoo bara ja ye fi, min si shɔun de ja ye fi, min yɛ̀rɛ̀blàbe jà ye fi, min goo gbiimaunma ì jà ye fi waa.

Korɛntsika reè fiiraa 6:6

Mùn y'a kpàdèe duun fyɛɛ̀ doùn, twɛ̀ɛ, mɔ̀ɲɔɔn, wùɔ, Ŋaablà re Dzi Fɛnɛɛ baraka rɔ̀n, ko kɛ̀nbààbe fyɛumaà.

Galatsika reè 5:26

N mà e yɛrɛ blabe waa, n mà e si dzu gaa waa, mùn to mà e si jaaɲininbe waa.

Efɛsika reè 4:2

Ye e majàà, ye e vunun mà cin, ye e mɔɲɔn. Ye e si re goo ku kɛ̀nbààbe doùn.

Efɛsika reè 4:32

Ye wùù fa e si ra, ye màtsuru e si ra. Ye yɛrɛ to e si re, a ci Ŋaablà sa yeè e yɛrɛ tou ye re nìi tsuru, Kirisà baraka rɔ̀n.

Filipika reè 1:15

À kpɛ̀yn sààben, swey Kirisà gooma deè è ɲɛn jaaɲininbe ko kaa tsɛ, ŋà swey sa y'à dèe ko ŋɛ̀nɛ̀ɲan wuu ka.

Kolosika reè 1:11

È fààn wɔ ye ɲan kàjaa sapɛ tsɛ e re dzibaabee nɔɔrɔmaa baraka rɔ̀n, ye sàn yè bà ni gban, ye mɔ̀nɲɔunma yè to dzuunbwey rèè doùn. Taamadzibe ka,

Kolosika reè 2:18

E maà à to mòò pɛn yè e bo e re sàrà tàr'làmaà tsɛ, ci wò majàaŋnà, tàmafa ci wo mɛ̀rɛ̀kɛ rèè rìì jàa wò yeè è blàbe waa. Nìì reè ni tɔ̀ tsɛ, yɛ̀rɛ̀blàbe ni è ɲan, è kɛ̀sɛmàà yè bà adamàdzin mòdzin kɛsɛmà.

Kolosika reè 3:12

Tà doùn, ye nìì reè Ŋaablà jaara bouma rèè, à re mòò rèè ko à re kɛ̀niunma rèè, y'a to màtsuru brisi yè bà ni e ɲan, wùù yeè bà ni e ɲan, màjaa yeè bà ni e ɲan, vununmacin yè bà ni e ɲan, ko mɔ̀ɲɔn.

Tesalonikika reè jɔ̀naà 5:14

Neema reè, mìn maxɔ̀ɔn nìi rà, tɔ̀ rii yɛ, nìì reè pìrìpàrà modzìn, ye e latsi. Nìì reè vyɛ̀rɔɔ̀n, ye è kùùn xɔbe. Ye fààn bɛy reè dzun kun, ye e mɔɲɔn mòdzian sapɛ tɛyn.

Tsìmotè jɔ̀naà 6:4

tɔ mòdzin, nìi tsyɛɔ̀n yɛ̀rɛ̀blàbeè rà, à na gèsɔn pɛn tɔ̀. Sɔ̀swɛy gɔ̀r'la ko gooma ì kùùn kaa, twɛy rìì ɲinin ni à ra. Twɛy rìì nàa jaaɲininbeè, ko kaà, ko tsoo bar'la, ko ŋɛ̀nɛ̀ɲàn ɲaan,

Tsìmotè fiiraa 2:25

Sɔ̀swɛ̀y fa reè, è twɛy kàràn ko vununmacin ka. Gè sɔ̀n ge Ŋaabla dzia cinan è mà, yè e re jaamabee lakere, yè sààbeen tɔ̀.

Tsìmotè fiiraa 3:10

Ŋà nìi wo, wo mun sàn siin kàjaa sapɛ tsɛ, wo y'à gban mun kpɛyn. Kàr'nà kàjaa tsɛ, jìì saàn kàjaa tsɛ, goo farama rèè kàjaa tsɛ, ɲɛynaà kàjaa tsɛ, mɔ̀ɲɔɔn kàjaa tsɛ, kɛ̀nbààbee kàjaa tsɛ, ɲànshia kàjaa tsɛ.

Tsìmotè fiiraa 4:2

ci waatsi wuu sen ɲɛn waatsi ɲaan tsɛ, e Ŋaablà re Goomaa dè, a tsi à tsɛ. Doò dzuun bo, mòdzian sɔ̀ɔ̀n dè, e màxɔ̀n. Mɔ̀ɲɔn brisi doùn, yè kàràn.

Tsitè 3:3

È ɲɛn à tsɛ, dan ɲe sa na mòdzin akiribɛy ì, mòdzin mabaunma ì, mòdzin firiuma ì. Ɲe na kur'la goo ɲaan ko dzibee goo kaatsià sapɛ re jòn. Ɲe na ni jaamabee rà ɲanbee ɲàn, ɲe jaàn yè bà na boò gèè sapɛ re. Ɲe kinin naà ni mòò rà dɛ, ɲe goo yè bà na xɔ e si mà.

Yàkubà 4:5

À deò Ŋaablà re goomaa doùn ci: «Ŋaabla Dzi niì jiɔ̀ mùn ɲan, à gaa tɔ̀ ra fɔ è bè geren nìi fa, à sào ni mùn yeè bà tɔ̀ soo pe raa.» Tɔ̀ gooma niì yɛ, y'a siɛ̀n ci à deò maana ni gbɛ ?

Piyɛrì jɔ̀naà 2:1

Tà doùn, ye san bo ɲanbee kaatsià sapɛ ɲan, sànbè goo kaatsià sapɛ, duungoofiibeè, jaaɲininbeè ko mòdzìn tsòò bar'la.

Piyɛrì jɔ̀naà 3:8

Àwà tà sapɛ shɔùn, e sapɛ yeè byɛ̀n soo ma, ye e taa to e si re, ye si kɛ̀n neemabe doùn, ye màtsuru e si ra, ye e majàà e si re.

Piyɛrì jɔ̀naà 4:8

Goò sapɛ jɔun, ye e si kɛ̀n cɛyn. È ɲɛn à tsɛ, kɛ̀nbààbee saabu ɲan, gooɲaantsii gir'lì mɛɛ̀.

Piyɛrì fiiraa 1:7

ye neemabee bà Ŋaablà jɔun shiɲaanbeè tɛ̀y, ye kɛ̀nbààbee bà neemabee tɛ̀y.

Yùxanà jɔ̀naà 4:11

Mun ne kɛ̀niunma rèè, Ŋaablà ye ba mùn kɛ̀niun tɔ̀ tsuru, à wù mùn sa yeè e si kɛ̀n !