Korɛntsika reè jɔ̀naà 13:13 - Bible Dzùùngoo Unicode

¹³ Arì she, nèe gè zhììgi ree ni tsuù: ɲɛynaà, ko sixɔbemaà, ko kɛ̀nbààbee. Ŋà è sapɛ ɲan blàa, tɔ kɛ̀nbààbee rìì.

Korɛntsika reè jɔ̀naà 13:13 ပူးပေါင်းရင်းမြစ်များ

Lukì 10:27

È dzin Yesù rà ci: «Àwà, sàrìyaa doùn, à sɛbɛɔ̀n nèe tsuru ci: "À wù, e mùn Tsìfa Ŋaablà kɛn, kɛ̀n'n kur'la sapɛ ra. A to, à goò yè bà ni à vunun tsɛ, è bà ni a xɔɔn tsɛ. A goò kun a faan sapɛ ka, a kɛsɛmàà sapɛ yeè bà ni à tsɛ. Tà shɔ̀ùn, a moò sia kɛ̀n jàci a yɛr'la."»

Lukì 22:32

Ŋà, mun Ŋaablà mafyɛɔ̀n wo re, sànko wo ɲɛn niì faɔ̀ Ŋaablà ra, tɔ mà bo wo ɲan waa. Wo ye na bà a yɛr'laa waatsi riì bwèy, wo yè sèè na mun na, a koòsì dzyee reè màxɔ̀n.»

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Korɛntsika reè jɔ̀naà 14:1

Ye kɛ̀nbààbee gaa gaaŋ'n kur'la sapɛ. Ye sɔ̀ɔ̀n Ŋaablà re Dzia rè goo rèè sa kpɛyn, kɛɛrabe goòmà rèè dèè raà yè bè geren.

Korɛntsika reè jɔ̀naà 16:14

Ye goò sapɛ fa ko kɛ̀nbààbe ka e fi.

Korɛntsika reè jɔ̀naà 3:14

Mòò riì rè gbà jiuma ma dzi bara, tɔ nà sàrà tàrà.

Korɛntsika reè jɔ̀naà 8:1

Àwà nìi ɲɔ̀n saaka rèè shuà raa kàjaa, à sààben, mùn y'a tɔ̀ ci twɛ̀ɛ ni mùn sapɛ ɲan. Ŋà twɛ̀ɛ gè riì, tɔ mòdziìn blàbee e yɛr'le. Kɛ̀nbààbee rìì fààn wɔɔ̀ mòò ɲàn.

Korɛntsika reè jɔ̀naà 8:3

Ŋà mòdzian sɔn ye ba Ŋaablà kɛniɔ̀n, à tɔ̀ tsìfa tɔ̀.

Korɛntsika reè fiiraa 5:10

È ɲɛn à tsɛ, fɔ mùn sapɛ rii yè e tsiì Kirisà rè kitsikununmaà jaaterema mùn dzuun ye bo, mùn soo sookɔɔn sa yeè sàrà è kòrò mùn faadziɛ ka. E ba wùù faɔ̀ à y'a to gɔn nèe ɲan, e sàrà wùù ka. A to ye ba ɲaan ni faɔ̀ à y'à to gɔn nèe ɲan, e sàrà ɲaan ka.

Korɛntsika reè fiiraa 5:15

À saun mòdzian sapɛ kamà, gè riì ni à to jaama reè mà jaamabee fa e yɛrɛ kamà dɛ, ŋà mòò riì saun è sèè kpunan è kamà, y'à fa tɔ̀ kamà.

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Filipika reè 1:9

Mun Ŋaablà mafyɛ̀ɛn nìi rà, tɔ̀ rii yɛ ci sɔn yeè bà beè ye re kɛ̀nbààbee tɛ̀y kudɛyn, twɛ̀ɛ ko akiritsifabee sapɛ ni nìi ɲàn,

Kolosika reè 1:27

Ŋaablà sao ni twɛy y'à tɔ̀, tɔ̀ gòndoo nɔɔrɔɔ̀ nàfor'la nìi boò kun kpɛrɛ mòdzin neè fi, nìi yɛ Kirisà yè bà ni ye ɲan, tɔ goo nìi ye si xɔbee ci ye nà nɔɔrɔ nàkɔɔn tàrà.

Kolosika reè 1:5

Ye si xɔ nìi tsɛ, tɔ̀ yeè bà màrà tsùuŋnà ye re jìrànxɔɔ̀ doùn, tɔ̀ rii y'à saabu. Ye si to xɔ tɔ̀ niì tsɛ, ye tɔ̀ gooma myɛn dɔ̀un bɔrɔɔ sààbeen goomaa nì baraka ɲan, nìi Kùnàgoo Dziɔ̀.

Kolosika reè 3:14

È geren tɔ̀ sapɛ tsɛ, ye kɛ̀nbààbee ji e ma, tɔ̀ niì ye shìù'n kuru wubee e si ra cɛyn.

Tesalonikika reè jɔ̀naà 1:3

Ye re ɲɛynaà faagoò nìi boò, ko ye re kɛ̀nbààbee faagoò byɛnbee, ye si to xɔ nìi tsɛ, ye yè bà e shiɔ̀ à ra mùn Tsìfa Yesù Kirisà ɲàn, ɲe taa ni tɔ̀ mà kudɛyn mùn Fà Ŋaablà jaa ra.

Tesalonikika reè jɔ̀naà 5:8

Ŋà mùn nìì reè bwèè raa, mùn akiri yè bà ni e yɛr'le. Mìn ɲɛynaà ko kɛ̀nbààbee myɛ̀ɛ̀n jɔ̀ɔ̀nshuraà ji e ma. Mùn si to xɔ e tsi rìi tsɛ, tɔ̀ yeè bà mùn ne myɛ̀ɛ̀n baanfla.

Tsìmotè jɔ̀naà 1:5

Tɔ̀ goo dèumaà kùàn na pɛn waa, à kɛ̀nbààbee rìì, kɛ̀nbààbe riì ni duun fyɛ tsɛ, ko kɛ̀sɛmà wùù, ko ɲɛyna fyɛuma.

Tsìmotè fiiraa 1:7

È ɲɛn à tsɛ Ŋaabla Dzi riì siɔ̀n ɲe ra, à na shiɲaanbeè Dzi waa, ŋà à dzibaabee Dzi rii, kɛ̀nbààbee Dzi, ko yɛ̀rɛ̀kuan Dzi.

Dzyèèsìbee mòdzin neè 10:35

Ye e si xɔbe niì faɔ̀ Ŋaablà tsɛ, e maà bo tɔ̀ tsɛ waa, kàtsu sàrà blà rii ni tɔ̀ doùn.

Dzyèèsìbee mòdzin neè 10:39

Nìi ɲe, nìi reè sèe e dzun ne, yè bè fìrì dɔn bè, ɲe na twɛy sɔn waa. Ŋà, nìì reè ɲɛɔ̀n Ŋaablà ra, yè bà ni tsi, ɲe ni twɛy rìì ka.

Dzyèèsìbee mòdzin neè 6:11

Ɲe nìi gaa, tɔ̀ rii yɛ, ci ye soo sookɔɔn sa yeè e maxɔbe fɔ à lataan, ye si xɔ nìi tsɛ, tɔ̀ dziitsyɛunma yè bo e shi tsɛ.

Dzyèèsìbee mòdzin neè 6:19

Ɲe si xɔbeò tɔ̀ niì tsɛ, tɔ ɲe dɔ̀ɔn fɔ vyaà kɛ̀yn, Ŋaabla ni min niì. À ɲe xɔɔn kun tsùuŋnà kpan fɔ tɔ̀ vyaà kɛ̀yn, a ci myɛ̀ɛ̀n kunun gbanàkàntàn nìi shiɔ̀ konkor'na nà, è bà ka à tsìɛ.

Piyɛrì jɔ̀naà 1:21

Wò rii baraka ɲan, ye ɲɛɔ̀n Ŋaablà ra, wò riì y'à kpunan bou saàn ɲàn è nɔɔrɔɔ̀ sìn à ra, ye yè bà ni ɲɛn Ŋaablà ra, ye si yè bà xɔ à tsɛ.

Yùxanà jɔ̀naà 2:10

Mòò riì yè e neemaa kɛ̀niɔ̀n, tɔ ni vyevyeè ɲàn, goo sɔn pɛn to na ni à ɲan, nìi nà à neemaa sàn nà ban è mɛɛy waa.

Yùxanà jɔ̀naà 2:14

Ɔ̀ɔn dziniin ì, mun nèe sɛbɛn nee sìun ye ra, kàtsu ye Fà Ŋaablà tɔ. Ɔ̀ɔn fa ì, mun nèe sɛbɛn nee sìun ye ra, kàtsu mòò riì ni fɔ dan, ye tɔ̀ tɔ̀. Ɔ̀ɔn dzunwɛyn neè, mun nèe sɛbɛn nee sìun ye ra, kàtsu fàan ni ye ɲan, Ŋaablà re Goomaa ni tsuù ye ɲan, ye yè bà dzi tarau gè ɲaan tsɛ.

Yùxanà jɔ̀naà 2:24

Nìi ye, e nìi myɛ̀un fɔ à dziikunma nɔ̀n, tɔ̀ yeè to e ɲan. Ye nìi myɛ̀un fɔ à dziikunma nɔ̀n, tɔ̀ ye to ye ɲan, ye sa nà to Dzin Kpir'la ko Fàà sa ɲan.

Yùxanà jɔ̀naà 3:3

Mòò o moò si xɔ à tsɛ, è ɲɛn tɔ̀ tsɛ, tɔ̀ yeè e yɛrɛ fɛnɛbeè a ci à sa fɛnɛ nìi tsuru.

Yùxanà jɔ̀naà 3:9

Mòò o moò kere bou Ŋaablà re, tɔ̀ na gooɲaan faa waa, kàtsu Ŋaablà re gètsua ni à ɲan. À na dzia gooɲaan fa waa kàtsu à kere boo Ŋaablà re.