Korɛntsika reè jɔ̀naà 12:8 - Bible Dzùùngoo Unicode

⁸ Akiritsifabe goòmàà, Ŋaablà re Dzia tɔ̀ sìan sɔn na. Twɛ̀ɛ goomaa, è tɔ̀ sìn sɔn na tɔ̀ Dzi soo rìì baraka ɲan.

Korɛntsika reè jɔ̀naà 12:8 ပူးပေါင်းရင်းမြစ်များ

Matsiyù 13:11

Yesù ci è ra ci: «Mun tɔ̀ faa, kàtsu e Ŋaablà re Màsàbee gòndoo tɔ̀, tɔ̀ twɛ̀ɛ siɔ̀n ye rìì là. Ŋà dzyee rèè, à na siɔ̀n twɛy rà waa.

Kɛɛradzin neè faadziɛ 6:3

Tɔ̀ kamà, mùn kòòsi kàràndzin ì, mùn nà à gaa e re, ye mòkun ɲɛɛ̀nun bo e ɲan, e ɲɛɔ̀n nìi reè rà, Ŋaablà re Dzia yè bà ni è ɲan, è akiri yè bà blà. Tɔ̀ tsuru, mùn nà ɲwɛɛ̀n raa faagoò to twɛy suun.

Ɔ̀rɔ̀mùnka reè 15:14

Mun neema reè, nìi mun yɛ̀r'la, mun ɲɛɔ̀n à ra è fyɛ, ci nìi ye, ye ɲan tsyɛɔ̀n ŋɛ̀nɛ̀ɲan wuɔ rà, twɛ̀ɛ sapɛ ni ye ɲan, ye yè bà dzia e si latsi.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè jɔ̀naà 1:5

Ɔ̀ɔn, Yesù Kirisà ɲàn, Ŋaabla ye bàu gètsi kàjaa sapɛ tsɛ. Goomaa kàjaa tsɛ, twɛ̀ɛ kàjaa tsɛ.

Korɛntsika reè jɔ̀naà 13:2

Mun to kɛ̀nsɛɛn ye ba dzia kɛɛrabee fa, min bà gòndo reè sapɛ tɔ, twɛ̀ɛ sapɛ yeè bà ni mun ɲan, ɲɛyna yè bà ni mun ɲan arì nìi dzia jèn nèè bo e shɔùn, kɛ̀nbààbe ma ba ni mun ɲan, mun na gèsɔn pɛn waa.

Korɛntsika reè jɔ̀naà 13:8

Kɛ̀nbààbee fa mɛɛy jà waa. Kɛɛrabe goòmà rèè nà dò, kun kpɛrɛ goòmà rèè dèè dzii yè bà, twɛ̀ɛ yè dò.

Korɛntsika reè jɔ̀naà 14:26

Tà doùn n neema ì, fee rìì wù è fa ? Ye ye e ladzyèè, sɔn dzia ye ceè, sɔn yeè mòò kàràn tàmafa è goò sɔn kpadè. Sɔn yeè gooma kun kpɛrɛ goòmà ì ɲàn, tàmafa à y'à dzuun de. Goò sapɛ yeè fa rii, è ka fààn wɔ mòdzian sapɛ ɲan.

Korɛntsika reè jɔ̀naà 14:6

Àwà neema ì, dòonen ɲan, min bè bo ye kpà, min gooma kun kpɛrɛ goòmà ì ɲàn. Mun ne goomaa ma goò sɔn kpadè ye ra, à mà twɛ̀y sin ye ra, à mà kɛɛrabe goòmà dè ye ra, à to mà kàràn sìn ye ra, mun nàfaà nà bà kɛ̀n ye ma ?

Korɛntsika reè jɔ̀naà 2:11

Tsì rii soo ni adamàdzin mòdzin neè ɲàn, ci wò y'a tɔ̀ nìi ni adamàdzin mòdzin ɲan fɔ akir'lìi ni à tsìfa ɲan ? Tɔ̀ soo tsuru, nìi ni Ŋaablà ɲan, mòò pɛn na dzia tɔ̀ tɔ̀, fɔ à re Dzia.

Korɛntsika reè jɔ̀naà 2:16

Àwà à sɛbɛɔ̀n Ŋaablà re Goomaa doùn ci: «Tsì rii dziu Tsìfaà kɛ̀sɛmàà tɔ̀, è bà ni kàràn sìn à ra ?» Tɔ̀ to y'à tàrà, Kirisà raa kɛ̀sɛmàà ni ɲe re.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Korɛntsika reè fiiraa 11:6

Arì mun kɛ̀nsɛɛn ma ba gooma jaa tɔ̀, à na twɛ̀ɛ kàjaa tsɛ waa. Ɲe tɔ̀ kpàdeu ye ra kpàdèù'n kuru gir'la, goo giri doùn.

Korɛntsika reè fiiraa 2:14

Baraka yè sìn Ŋaablà ra, wò riì mùn bàa dzibaa e ka waatsia sapɛ doùn Kirisà baraka rɔ̀n, à y'à to ɲe saabu rɔ̀n Kirisà yè tɔ̀ min niì sapɛ, a ci ɲinin kinin dziù.

Korɛntsika reè fiiraa 4:6

È ɲɛn à tsɛ, Ŋaablà riì dziun ci: «Vyevyeè yè den tsitsiɛ̀ fi», wò rii deun ɲe dùsùkun neè tsɛ, gè riì ni à to è bà ni e nɔɔrɔɔ̀ twɛ̀ɛ vyevyeè bo, tɔ̀ niì den deèn Kirisà jaakɔrɔun.

Korɛntsika reè fiiraa 6:6

Mùn y'a kpàdèe duun fyɛɛ̀ doùn, twɛ̀ɛ, mɔ̀ɲɔɔn, wùɔ, Ŋaablà re Dzi Fɛnɛɛ baraka rɔ̀n, ko kɛ̀nbààbe fyɛumaà.

Korɛntsika reè fiiraa 8:7

Àwà ye gètsi kàjaa sapɛ tsɛ. Ɲɛynaà kàjaa tsɛ, goomaa kàjaa tsɛ, twɛ̀ɛ kàjaa tsɛ, sɔ̀bɛ̀nbee kàjaa tsɛ, kɛ̀nbààbee kàjaa tsɛ, ye tɔ̀ riì tàrau ɲe re. Tɔ̀ soo tsuru, ye bà gètsi si for'la sa kajaa tsɛ, nèe goo rèe doùn.