Korɛntsika reè jɔ̀naà 10:14 - Bible Dzùùngoo Unicode

¹⁴ Tɔ̀ kamà mun ne kɛ̀niunma rèè, ye vwɛ̀yn ɲɔ̀n kɔɔ jɔun.

Korɛntsika reè jɔ̀naà 10:14 ပူးပေါင်းရင်းမြစ်များ

Kɛɛradzin neè faadziɛ 15:20

Ŋà, mùn yeè sɛbɛn ni ka è re, mùn y'a dè è ra tà doùn, ci è mà ɲɔ̀n kɔɔ shu tàà waa. Ci yè dzi e re saaniin fɛɛ̀ rà. Ci è mà shu còrò vuuma tàà waa, è to mà shu tsiin ɲɔn waa.

Ɔ̀rɔ̀mùnka reè 12:19

Mun ne kɛ̀niunma rèè, e maà e yɛrɛ wɛyn bo waa, ŋà ye gàne to Ŋaablà re vununtaà rè, kàtsu, Tsìfaà y'à deò e re Goomaa doùn ci: «Wɛyn boo mun nì naa, mun nì nà tsìì sar'la fa.

Korɛntsika reè jɔ̀naà 10:15

Mun goomaa ye ka a ci mòdzin akirima ì, e sa yeè mun ne goomaa doùn gaa siin.

Korɛntsika reè jɔ̀naà 10:19

Mun n'a re min fee dè tɔ̀un ? Ci saaka rìi boo ɲɔ̀ɔ̀n rè, tɔ̀ shuà, tàmafa ɲɔ̀ɔ̀n yɛ̀r'la, ci nàfa ni twɛy ɲàn gbɛ ?

Korɛntsika reè jɔ̀naà 10:7

E maà bà ɲɔ̀nkɔbaa a ci è swey na ni nìi tsuru waa. È kòrò Ŋaablà re Goomaa ka, à sɛbɛɔ̀n nèe tsuru ci: «Jàmaà yè e tsuuŋ yè ɲwɛɛ̀n ɲɔn yè mìɛn fa, yè fù yè ɲuun fa.»

Korɛntsika reè jɔ̀naà 5:11

Ayi, à na twɛy gooma dekɔɔn waa, ŋà mun ye sɛbɛun ci ye mà dzyèè mòò riì ka, tɔ nìi ci wo ye neema, à to ni kɛ̀kɛ̀ɛ̀y goo fyɛ̀ùn, tàmafa à na wasaa, tàmafa à ɲɔ̀nkɔbaa, tàmafa à ni ɲɛ̀ɛn nì fyɛ̀ùn, tàmafa à dɔ̀ɔ̀kɔɔn, tàmafa à jàànfà moo. E maà ɲwɛyn tsu rii ɲɔn tɔ̀ mòdzìn kaatsià ka waa.

Korɛntsika reè fiiraa 11:11

Feera mun tɔ̀ dèe ? Ci mun na ye kɛ̀niɔ̀n gbɛ ? Ŋaablà y'a tɔ̀ kɛ !

Korɛntsika reè fiiraa 12:15

Àwà mun ne, à ni mun mà, min suun gee sìn ye kamà, mun to nà n yɛrɛ ko e kur'la sapɛ rii sìn ye xɔɔn kamà. Min ye kɛ̀n è bè jɔun, mun kɛ̀nbààbee ni dzyɛnbe ye re o ?

Korɛntsika reè fiiraa 12:19

Fɔ waatsi gbaan y'a kɛ̀sɛɛ̀ ci ɲe yè e dzi rìì dèe ye jaa ra. Ayi, à na tɔ̀ tsuru waa. Ɲe goomaa Ŋaablà rii jaaterema, Kirisà ɲàn. Àwà neema kɛniunma rèè, ɲe tɔ̀ sapɛ faa ye rìì yè bà ni fààn tarà.

Korɛntsika reè fiiraa 6:17

È ɲɛn tɔ̀ tsɛ, Tsìfaà ci: «Ye bo è fi, ye e dan gbànbe è ra. E maà e dzyɛn gè nooŋma pɛn na. Tɔ̀un, mun nà n tsiì ye ra.»

Korɛntsika reè fiiraa 7:1

Àyìwà mun ne kɛ̀niunma rèè, è twɛy làyir'lèè seunma to mùn ne, noo ge o ge ni mùn gɔɔ̀n ko mùn akir'la rà, mìn tɔ̀ sapɛ foo fyɛ, mìn e re fɛnɛbee dzii tsyɛn, è kòrò ko Ŋaablà jɔun shiɲaanbeè ka.

Filipika reè 4:1

Tà doùn, mun neema reè, mun ye nìì reè kɛ̀niɔ̀n, ye kuru yè bà ni mun na fɔ è bè geren, ye yè bà mun ne taamadzibeè ko mun ne dzi tar'la màsà baanflaa, e san gbaunma yè to Tsìfaà ɲàn, n ne kɛ̀niunma rèè.

Filemɔ̀n 1:1

Mun Polì, Yesù Kirisà rè kàsòdzian ko Tsìmotè, mùn neema kpir'la, nèe ɲe re sɛbɛn, è sìn wo Filemɔ̀n nà, ɲe re kɛ̀niunmaà, ko ɲe faagoofasià.

Dzyèèsìbee mòdzin neè 6:9

N neema ì, mun ye nìì reè kɛ̀niɔ̀n, nèe sapɛ deumaà ko e raà sa, mùn y'a tɔ̀ nìi ye, ye ni shi wuɔ tsɛ, nìi ye tsià shia.

Piyɛrì jɔ̀naà 2:11

N neema kɛniunma rèè, ye tɔnɔn dɔnbobaa ì dzɔ̀nxɔɔ̀ tsɛ. Tà doùn, m'a gaa e re, ye e yɛrɛ kun gɔɔ̀n kur'la goo ɲaan neè rà. È ɲɛn à tsɛ, twɛy kaa faa xɔɔn ka.

Yùxanà jɔ̀naà 5:21

Dziniin ì, ye e yɛrɛ kaàwɔ ɲɔ̀n rèè rà.

Goo kpàdèuma rèè 13:8

Dzɔ̀nxɔɔ̀ tsɛ mòdzian sapɛ nà à blàbe. Sààtòmòìrii riì bàu saaka, nìì reè tsoo sɛbɛɔ̀n tɔ̀ re jaamabee sɛbɛɛn doùn fɔ dziɲaan jɔ̀n bwey, twɛy bàsɔùn nì fa à blàbe waa.

Goo kpàdèuma rèè 2:14

Ŋà, mun jàaŋnà wo ra dɛyn. Mun jàaŋnà wo ra dɛyn, kàtsu swey ni ye ɲan, twɛy yè e gbaɔn Bàlaamùn naa kàr'nà kpɛyn. Bàlaamùn nì Bàlakì duùn wɔu è bà ni à to Isirayɛlidzin neè yè ɲɔ̀n kɔɔ shu rèè tàà, yè ɲànmɔ̀ɔ̀bè goo fa.

Goo kpàdèuma rèè 21:8

Ŋà nìi shiɲaàn nèè, ko ɲɛynabɛy reè, ko Ŋaablà cɛn goo fa reè, ko mòdzìn vu reè, ko ɲànmɔ̀ɔ̀bè fa reè, ko tɔ̀gòòtsi rèè, ko ɲɔ̀n kɔ reè, ko doo de reè sapɛ, twɛy nà bè sà blàa ko gìrìbià ɲàn, tɔ̀ niì saàn fiiraa.»

Goo kpàdèuma rèè 22:15

Nìì reè nà to da rɔn, twɛy rìì siin: Kɛ̀kɛ̀ɛ̀y gòò fa reè, tɔ̀ gòò fa reè, goo nooŋma fa reè, vui fa reè, ɲɔ̀n gòò fa reè ko nìì reè sapɛ ni doò fyɛ̀ùn.