Korɛntsika reè jɔ̀naà 10:13 - Bible Dzùùngoo Unicode

¹³ Àwà dzuunbwey pɛn na na ye mà, nìi na adamàdzin mòdzin tar'la waa. Ŋà Ŋaabla vusootsi. À fa à to dzuunbwey yè ye tàrà nìi nà geren ye fàan bɛ̀r'la tsɛ waa. Dzuunbweè ye na, à nà boma dzii sin ye ra, ye yè bà ni dzi à ku.

Korɛntsika reè jɔ̀naà 10:13 ပူးပေါင်းရင်းမြစ်များ

Matsiyù 6:13

Maà à to Sùtana yè dzi mùn dzuun mìn fabɛy goo fa. Mùn tsi à ra. [Tɔ̀ fa, kàtsu màsàbee, ko dzibaabee, ko blàbee sapɛ wo rìì laa kudɛyn. Àmiinà !]"»

Lukì 11:4

Mùn ne gooɲaantsiɛ mɛɛy bo mùn vu ra. Àwà, nìì reè goo faa ɲe ra, ɲe sa e yɛrɛ toò twɛy tsìfa ì rè. Maà à to Sùtana yè dzi mùn dzuun, à to mìn fabɛy goo fa."»

Lukì 16:26

Tɔ̀ nìn yè bo à ra, kòngon bla rii ni ye ko ɲe fi. Tɔ̀ ɲan, à kɛ̀nsɛɛn ye ba ni ɲe duùn, kòngon nee kamà, mòò na dzia bo ɲe re mìin è bè ye re mɔn. Mòò to na dzia bo ye re mɔn, è nà ɲe re mìin."

Lukì 22:46

È dzin è ra tɔ̀un ci: «Ye ciɛ̀ feera ? Ye fù, ye Ŋaablà mafyɛ̀n, dzuunbwey mà nà e tarà waa.»

Kɛɛradzin neè faadziɛ 27:44

Dzyee rèè, ci twɛy yè e bɛɛ̀y konkor'na gɔ̀ɔ pàpàr'lèè ko konkor'na gɔ̀ɔ̀ fɛr'nèè swey mà, yè e gban jɔ̀nà dzin neè kpɛyn. Mòdzian sapɛ kpee kaa kuun tɔ̀ rii tsuru, è sapɛ wuu yeè bo.

Korɛntsika reè jɔ̀naà 1:9

Ŋaablà riì ye kiriu, è ye ko e Dzin Kpiri Yesù Kirisà, mùn Tsìfaà bà gè soo, tɔ vusootsi.

Korɛntsika reè fiiraa 1:10

Wò rii ɲe tsiu tɔ̀ san brìsià rà, à to ɲe tsià arì she. Ɔ̀ɔn, wò rii ɲe tsiu, ɲe si to xɔ à tsɛ ci à nà ɲe tsi kɔn.

Tesalonikika reè jɔ̀naà 5:24

Ye kiribaà vusootsi, wò rii nà tɔ̀ sa bo e shi tsɛ.

Tesalonikika reè fiiraa 3:3

Ŋà Tsìfaà vusootsi. À nà fààn wɔ ye ɲan, è ye tààn ɲaan mà.

Tsìmotè fiiraa 4:18

Tsìfaà nà mun tsi bo gooɲaan sapɛ ɲan, è mun dɔ̀n e re jìrànxɔɔ̀ màsàbee doùn. Arì she, nɔɔrɔɔ̀ sapɛ dzyeèma yeè ɲɛn à tsɛ, waatsi sen ɲɛn waatsi tsɛ. Àmiinà !

Dzyèèsìbee mòdzin neè 10:23

Mùn ci mùn si xɔ nìi tsɛ, mùn mà bo tɔ̀ tsɛ waa, kàtsu, Ŋaablà riì làyir'là seòn mùn ne, tɔ vusootsi.

Dzyèèsìbee mòdzin neè 11:11

Nìi Saràn, tɔ̀ sa ɲɛunmaà kamà Ŋaablà ra, à ko e re dzin kerebɛybeè sa, à dziu don sen, è dzin kere, tɔ̀ to y'à tàrà, à sìà na gereon dzin kere ma. Àwà, Saràn na à tɔ̀, mòò riì làyir'lèe seòn, tɔ̀ yeè bà Ŋaablà, tɔ vusootsi.

Dzyèèsìbee mòdzin neè 12:4

Ye ni sikun niì rà ko gooɲaan ka, ye na tɔ̀ sikuan fa, è bè suu fɔ saàn dzu ŋe waa.

Dzyèèsìbee mòdzin neè 6:18

Àwà, làyir'là ko kɛ̀ɛ̀, twɛy goo blà bla fiɛ̀ na dzia lakere waa. Ŋaablà to yè bà ni doò dè è doùn, tɔ̀ na dzia fa waa. Ɲe nìì reè vwɛ̀rɔɔ̀n ɲe yè e kungɔ mɛnɛn Ŋaablà re, tɔ̀ goò ɲe màxɔ̀ɔn cèreoma, à y'à to ɲe ye e si xɔbe arì she Ŋaablà re làyiri seunmaà tsɛ ɲe re.

Piyɛrì jɔ̀naà 4:19

Tà tsuru, nìì reè byɛɛn è kòrò Ŋaablà saɔ ka, twɛy yè e kɛɛ̀yfa Ɲɛnbaà mà, tɔ̀ niì vusootsi, yè geren goowuu faa rè.

Piyɛrì fiiraa 2:9

Tɔ̀ y'a kpàdèe ci nìì reè shia Ŋaablà jɔun, Tsìfaà twɛy tsiu'n kuru tɔ e byɛɛn goo rèè rà, è bà terenbɛy reè to tsùuŋnà, è bà ni è byɛn kitsia jisee sii sèè.

Yùxanà jɔ̀naà 1:9

Mìn ba e tsiɛ à ra ci gooɲaantsiɛ ni mùn vu ra, à vusootsi è bà tereòn. À nà e yɛrɛ to mùn ne, è mùn fòò bo e re terenbɛy goo sapɛ ɲan.

Goo kpàdèuma rèè 19:11

Tà shɔ̀ùn, min jìrànxɔɔ̀ dzii saunma jà. Shù fyɛ sɔn yeè bo. Mòò riì tèroòn à tsɛ, tɔ̀ tsoò Vusootsi, ko Sààbèntsi. À kitsia kùn'na terenbe tsɛ, è bà kaà faa ko terenbe ka.

Goo kpàdèuma rèè 2:10

Byɛnbe niì nà wo tàrà, maà shi tɔ̀ jɔun waa. Sànwɔbaà nà ye swey ji kàso doùn, è bà ni ye dzuun bo. Tà doùn, ye nà bwèy tsyeùn byɛnbe fa. Bà vusootsi è bè suu fɔ saàn dzu. Tà tsuru, mun nà jaamabee màsà baanflaa sìn wo ra.

Goo kpàdèuma rèè 3:10

Wo y'à mɔɲɔn niì fau w'e to mun ne goomaa tsɛ, mun sa nà wo màrà dzɔ̀nxɔɔ̀ tsɛ byɛnbe nakɔɔn jɔun, tɔ̀ niì nà dziɲaan ko e kur'la mòdzian sapɛ tarà, è dzuun bo.