Korɛntsika reè jɔ̀naà 1:9 - Bible Dzùùngoo Unicode

⁹ Ŋaablà riì ye kiriu, è ye ko e Dzin Kpiri Yesù Kirisà, mùn Tsìfaà bà gè soo, tɔ vusootsi.

Korɛntsika reè jɔ̀naà 1:9 ပူးပေါင်းရင်းမြစ်များ

Matsiyù 24:35

Ŋaablaxɔɔ̀ ko dzɔ̀nxɔɔ̀ sa nà dɔ̀n bo, ŋà mun naa gooma reè, twɛy fa dɔ̀n bo fyeu.

Yùxanà 17:21

M'a gaa wo re, è sa yeè bà soo. Wo Fà Ŋaabla ni mun ɲan nìi tsuru, mun sa yeè bà ni wo ɲan, m'a gaa a re, yè bà ni mùn ɲan tɔ̀ tsuru, sànko dziɲan modzin neè yè ɲɛn à ra, ci wo rìì mun ka naɔ.

Ɔ̀rɔ̀mùnka reè 11:17

Tà doùn, oliviku takia sààn neè swey jèè boumaà, wo jòon olivikuà sààn sɔn yeè tsyɛ na shì tɔ̀ sààn dzyee touma rèè fi, wo sa yeè bà ni à jiɛ̀ yuà nàfaà tàrà,

Ɔ̀rɔ̀mùnka reè 8:28

Mùn y'a tɔ̀ sa, ci goò sapɛ faagoò faa esire, è goowùù fa Ŋaablà kɛnbaa rèè rà, nìì reè sapɛ kiriɔ è kòrò à re goo sɔ̀n byɛunmaà ka.

Ɔ̀rɔ̀mùnka reè 8:30

À nìì reè jɔ̀na ŋɛnɛ̀ɲan tsuuŋ, à twɛy kiriu sa. À to nìì reè kiriu, è kpàdèu tereunma ì sa. À nìì reè sa kpadèu tereunma ì, à nɔɔrɔ sa ɲɛun twɛy tsɛ.

Ɔ̀rɔ̀mùnka reè 9:24

À ɲan màtsur'la mòdzin neè, à ɲe rìì gooma dekɔɔn, ɲe nìì reè kiri bou Dzyèèsìbee mòdzin neè fi, kun kpɛrɛ mòdzin neè.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè jɔ̀naà 10:13

Àwà dzuunbwey pɛn na na ye mà, nìi na adamàdzin mòdzin tar'la waa. Ŋà Ŋaabla vusootsi. À fa à to dzuunbwey yè ye tàrà nìi nà geren ye fàan bɛ̀r'la tsɛ waa. Dzuunbweè ye na, à nà boma dzii sin ye ra, ye yè bà ni dzi à ku.

Korɛntsika reè jɔ̀naà 10:16

Àwà mùn baraka sìan Ŋaablà ra è ɲɛn dzwɛɛ̀ yukuun niì tsɛ, tɔ̀ na à kpàdèe ci mùn ko Kirisà gè soo à tsìɛn baraka rɔ̀n ɔ̀n ? Mùn to bur'liì tan'nà e si ra, tɔ̀ na à kpàdèe ci mùn gè soo Kirisà gɔɔ̀n baraka rɔ̀n ɔ̀n ?

Korɛntsika reè fiiraa 1:18

Ŋaabla vusootsi, tà gàneè doùn, ɲe re goomaa fa dzi ba ɔ̀ɔn ko ɔ̀ɔɔn ye ra waa.

Galatsika reè 1:15

Ŋà fɔ mun ni n naà duùn, Ŋaabla mun bo jiu n si, è mun kiri e ɲanwùɔ baraka rɔ̀n.

Galatsika reè 2:20

Mun kpɛ̀yn ni jaamabee rà, ŋà à na mun ne jaamabe fakɔɔn dɛ waa, Kirisà rìì ni jaamabee rà mun ɲan. È ɲɛn à tsɛ, mun ni jaamabe riì rà gɔɔ̀n kàjaa tsɛ dòònuùn, mun tɔ̀ faa ɲɛynaà nì baraka ɲan Ŋaablà Dzin Kpir'la ɲàn, tɔ̀ niì mun kɛ̀niun, è yɛrɛ sin mun kamà.

Efɛsika reè 3:6

Tɔ̀ gòndoo rìì yɛ, Yesù Kirisà ɲàn, kun kpɛrɛ mòdzin neè, ko Dzyèèsìbee mòdzin sapɛ bàu e si shɛnsensi. È sa bàu gɔnkungɔ soo, è sa nin yè jà Ŋaablà re làyiri seunmaà ɲàn, Kùnàgoo Dziɔ̀ baraka rɔ̀n.

Kolosika reè 1:24

Àwà dòònuùn, min taama dzibee n ne byɛnbe reè doùn, ye kamà. Nìi to Kirisà fɔɔn e re byɛnbe reè doùn, mun tɔ̀ dzii tsyɛɛn n gɔɔ̀n ɲàn. Mun tɔ̀ faa à gɔɔ̀n kamà, tɔ̀ niì ɲɛynamoo kur'là.

Tesalonikika reè jɔ̀naà 2:12

Ɲe ye màxɔ̀un, ɲe yè fààn wɔ ye ɲan, ɲe y'à gaa ye re gaaŋ'n kur'la sapɛ, ci ye yè e re jaamabee fa a ci Ŋaablà ci è fa nìi tsuru, wò riì ye kir'là ye yè dɔ̀n à re màsàbee doùn, è nɔɔrɔɔ̀ sìn ye ra.

Tesalonikika reè fiiraa 2:14

À ye kiriu ɲe re Kùnàgoo Dziɔ̀ baraka rɔ̀n tɔ̀ rii sa kamà, gè riì ni à to ye nìn yè jà mùn Tsìfa Yesù Kirisà nɔɔrɔɔ̀ ɲàn.

Tesalonikika reè fiiraa 3:3

Ŋà Tsìfaà vusootsi. À nà fààn wɔ ye ɲan, è ye tààn ɲaan mà.

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

Tsìmotè fiiraa 2:13

Ɲe ma ba vusootsi, à vuusootsi, kàtsu, à na dzia e dziira tsɛ e yɛr'la waa.»

Tsitè 1:2

Tà tsuru Ŋaablà riì na doò dèe waa, tɔ jaamabe dziù dòbɛy riì làyiri seòn fɔ dziɲan na ɲɛn ŋe, yè bà ni e si xɔbe tɔ̀ tsɛ.

Dzyèèsìbee mòdzin neè 10:23

Mùn ci mùn si xɔ nìi tsɛ, mùn mà bo tɔ̀ tsɛ waa, kàtsu, Ŋaablà riì làyir'là seòn mùn ne, tɔ vusootsi.

Dzyèèsìbee mòdzin neè 11:11

Nìi Saràn, tɔ̀ sa ɲɛunmaà kamà Ŋaablà ra, à ko e re dzin kerebɛybeè sa, à dziu don sen, è dzin kere, tɔ̀ to y'à tàrà, à sìà na gereon dzin kere ma. Àwà, Saràn na à tɔ̀, mòò riì làyir'lèe seòn, tɔ̀ yeè bà Ŋaablà, tɔ vusootsi.

Dzyèèsìbee mòdzin neè 2:17

Tɔ̀ rii kamà, à na wù, è bà e neema reè tsuru mòdzin kàjaa sapɛ tsɛ, sànko, è bà Saaka Jɔundzin, wùù ni nìi ɲàn, è bà vusootsi Ŋaablà re faagoò doùn. Tɔ̀ na wù è fa, sànko è mòdzian rè gooɲaantsii reè bo è vu ra.

Dzyèèsìbee mòdzin neè 3:1

Tɔ̀ rii kamà n neema ì, Ŋaabla ye nìì reè kiriɔ è ye bà e raa, m'a gaa, ye e akiri to Yesù tsɛ, wò rii Ŋaablà re kɛɛraa è bà Saaka Jɔundzin, Ŋaablà re shia doùn, mùn tɔ̀ niì goo dèe.

Dzyèèsìbee mòdzin neè 3:14

Àwà, mùn ɲɛun Ŋaablà ra nìi tsuru fɔ à dziikuan, mùn ye to tɔ̀ tsɛ è bè suu fɔ à lataan dzu, mùn kpɛ̀yn Ŋaablà Jaara Modzìàn dzyèèsi rèè.

Dzyèèsìbee mòdzin neè 6:18

Àwà, làyir'là ko kɛ̀ɛ̀, twɛy goo blà bla fiɛ̀ na dzia lakere waa. Ŋaablà to yè bà ni doò dè è doùn, tɔ̀ na dzia fa waa. Ɲe nìì reè vwɛ̀rɔɔ̀n ɲe yè e kungɔ mɛnɛn Ŋaablà re, tɔ̀ goò ɲe màxɔ̀ɔn cèreoma, à y'à to ɲe ye e si xɔbe arì she Ŋaablà re làyiri seunmaà tsɛ ɲe re.

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

Yùxanà jɔ̀naà 1:3

Ɲe nìi jàu, tà ko ɲe y'à myɛ̀n, ɲe tɔ̀ gooma deè ye sa ra gè riì ni à to ye yè bà ni ɲe re dzyèè doùn, tɔ̀ dzyèè rìi, ɲe ko Fà Ŋaabla ni à ra ko à Dzin Kpiri Yesù Kirisà.

Yùxanà jɔ̀naà 1:7

Ŋà mìn ba jìɛ vyevyeè ɲàn a ci à sa ni vyevyeè ɲàn nìi tsuru, mùn bàa e si dzyèèsi ì, à Dzin Kpiri Yesù tsìɛn yè bà mùn fòò boò e re gooɲaantsiɛ ɲàn.

Yùxanà jɔ̀naà 4:13

M'à tɔ̀ nìi rà ci à ni mùn ɲan, mùn sa yeè bà ni à ɲan, tɔ̀ rii yɛ, è re Dzia sɔn siun mùn na.

Goo kpàdèuma rèè 19:11

Tà shɔ̀ùn, min jìrànxɔɔ̀ dzii saunma jà. Shù fyɛ sɔn yeè bo. Mòò riì tèroòn à tsɛ, tɔ̀ tsoò Vusootsi, ko Sààbèntsi. À kitsia kùn'na terenbe tsɛ, è bà kaà faa ko terenbe ka.