Korɛntsika reè jɔ̀naà 1:30 - Bible Dzùùngoo Unicode

³⁰ Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè jɔ̀naà 1:30 ပူးပေါင်းရင်းမြစ်များ

Matsiyù 1:21

À nà dzin kpir'li kere. À ye kere, a tsoo wɔ ci Yesù, kàtsu wò rii nà e re mòò rèè tsi bo e re gooɲaantsiɛ ɲàn.»

Lukì 11:49

Tɔ̀ rii y'à to, Ŋaablà re akiriblabeè doùn, è bà na à deò nèe tsuru ci: "Mun nà n ne kɛɛra ì, ko kɛɛradzin ì ka bè è re. È nà swey vu, yè swey byɛn."»

Lukì 21:15

Tà doùn, mun yɛ̀r'la rìì nà akiri goòmà ì wɔ ye dzu, nìi nà à to ye ɲan rèè fa dzi goomaa latsi ye dzu, yè nà dzin ci yè ye sɔ̀swɛy.

Yùxanà 1:18

Mòò pɛn jaa na ɲɛn ja Ŋaablà ma ŋe waa. Ŋà, dzin kpiri soo riì bou Ŋaablà ɲan, à Ŋaablà, è bà ni tsuù Fà Ŋaablà tɛyn, tɔ̀ y'a tou mùn y'a tɔ̀.

Yùxanà 14:6

Yesù yè dzin à ra ci: «A y'a myɛ̀n shia ko sààbeen ko jaamabee, tɔ mun nì. Mòò pɛn na dzia nà Fà Ŋaablà ma nàu'n kuru pɛn na, è bà mun shɛn too waa.

Yùxanà 17:26

Mun y'à tou yè wo tɔ̀, mun to nà à to yè wo tɔ̀ arì she ŋe, sànko wo mun kɛ̀niɔ̀n kɛ̀nìùn'n kur'liì rà, tɔ̀ kɛ̀nbààbee yè bà ni è ɲan, mun sa yeè bà ni è ɲan.»

Yùxanà 17:8

Y'à tɔ̀u, kàtsu mun gooma niì reè dèu è ra, è ɲɛun è ra, ci wo rìì yè è dèu mun na è to yè e tsiì è ra. Àwà, y'à tɔ̀u, ci sààben na, mun daɔn min bo wo rìì lè, è to ɲɛun à ra, ci wo rìì mun ka naɔ.

Yùxanà 8:12

Tà shɔ̀ùn, Yesù yè e vu bo jàmaà nà kɔn ci: «Mun nì dziɲantsiɛ vyevyeè, mòò riì ye e gban mun kpɛyn, tɔ̀ fa jìì tsitsiɛ̀ ɲàn dɛ, ŋà, à tsìfa nà jaamabee vyevyeè tàrà.»

Kɛɛradzin neè faadziɛ 26:18

Mun wo ka bèe è re, sànko wo yè bè è jaa dzii san, yè bo tsitsiì rɔ̀n, yè nà vyevyeè ɲàn. Sùtana fààn niì ɲinaɔn è mà, yè bo tɔ̀ ɲan, yè nà Ŋaablà ra, sànko yè ɲɛn mun na, è re gooɲaan tsìɛ̀ yè mɛɛy bo vu ra. Nìì reè to Ŋaablà raa, tɔ shɛn nìi kuru, è sa yeè tɔ̀ tàrà, nìi yɛ, yè bà Ŋaablà raa."»

Ɔ̀rɔ̀mùnka reè 1:17

Ŋaablà re terenbee kpàdeò è bo Kùnàgoo Dziɔ̀ rìì ɲàn. Tɔ̀ terenbee tàr'la ɲɛynaà soo ko e soo rii baraka ɲan a ci à yɛ sɛbɛɔ̀n Ŋaablà re Goomaa doùn nìi tsuru ci: «Mòò riì tereòn, tɔ nà jaamabee fa ɲɛynaà nì baraka ɲan.»

Ɔ̀rɔ̀mùnka reè 11:36

È ɲɛn à tsɛ, gè sapɛ boo wò rii ɲàn, gè sapɛ ni wò rii baraka ɲan, gè sapɛ to wò rii laa. Nɔɔrɔ yè ɲɛn à tsɛ waatsi sen ɲɛn waatsi tsɛ. Àmiinà !

Ɔ̀rɔ̀mùnka reè 12:5

Tɔ̀ soo tsuru, ɲe sa giri, ŋà Kirisà ɲàn mùn gɔnkungɔ soo rii, mùn soo sookɔɔn sapɛ yeè bà e si gɔɔ̀n gàneè sɔn.

Ɔ̀rɔ̀mùnka reè 16:11

Ye tswɛ̀y sin Erodziyɔ̀n nà, mun kunsia. Narikusì raa gbàdòùndzin niì reè ni Tsìfaà ɲàn, ye tswɛ̀y sin twɛy ra.

Ɔ̀rɔ̀mùnka reè 16:7

Ye tswɛ̀y sin Andoronikusì ko Zhiniyasì rà, twɛy nìi reè mun kunsi reè, mùn sa ye bà kàsoò fau esire. È kɛɛradzinbe tsoo bou, yè bà bàu Kirisà raa mun jɔun.

Ɔ̀rɔ̀mùnka reè 4:25

À dɔ̀un dziira mùn ne fìrìgoo rèè rìì kamà, è sèè kpunan bo saàn ɲàn, è kpadè ci mùn tereòn.

Ɔ̀rɔ̀mùnka reè 4:6

Tɔ̀ soo sa tsuru, Ŋaabla mòò riì daàn tereunma, à to na à faadziɛ fyɛ̀ waa, màsà kpiri Dawudà dzii wɔɔ tɔ̀ raa xɛɛrɛɛ̀ goomaa tsɛ ci:

Ɔ̀rɔ̀mùnka reè 5:19

Mòò sɔn ne Ŋaablà dzugoomaa shi jiìbɛ̀ybeè to bàu nìi tsuru saabu mòò giri yè bà gooɲaantsiitsi, tɔ̀ soo tsuru, mòò sɔn ne Ŋaablà dzugoomaa shi jiiŋmaà bàu saabu, mòò giri sa yeè kpàdè tereunma.

Ɔ̀rɔ̀mùnka reè 5:21

Tɔ fau nì, gè riì ni à to gooɲaan bàu nìi tsuru saabu saàn yè dzi tarà, tɔ̀ soo tsuru, terenbee baraka rɔn, Ŋaablà ɲanwùɔ sa yeè dzi tarà è ɲɛn jaamabe dziù dòbɛɛ tsɛ, mùn Tsìfa Yesù Kirisà baraka rɔ̀n.

Ɔ̀rɔ̀mùnka reè 8:1

Dòònuùn kpɛ̀yn, nìì reè ni Yesù Kirisà ɲàn, kitsi pɛn na mɛɛ̀ twɛy tsɛ dɛ.

Ɔ̀rɔ̀mùnka reè 8:23

À na gè ɲɛunma rèè bàsɔùn ŋmunankɔɔn waa, arì mùn nìì reè Ŋaablà re Dzia kwɛ̀ygè jɔnaa tàrau, mùn sa byɛɔ̀n e yɛrɛ duùn, mìn bà e re Ŋaabla dzinbee dzii tsyɛɛn màshua, mùn gɔɔ̀n yè tsi.

Ɔ̀rɔ̀mùnka reè 8:9

Àwà nìi to ye, ye na ni gɔɔ̀n raa fàan dzuun waa, fɔ Ŋaablà re Dzia raà, è ɲɛn à tsɛ, Ŋaablà re Dzia tsùuŋnà ye ɲan. Kirisà rè Dzia na ni mòò riì ɲàn fyeu, tɔ̀ tsìfa na à raa waa.

Korɛntsika reè jɔ̀naà 1:2

nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

Korɛntsika reè jɔ̀naà 1:24

Ŋà, Ŋaabla nìì reè kiriɔ, Dzyèèsìbee mòdzin sen ɲɛn Gɛ̀rɛ̀ki tsɛ, Kirisà Ŋaablà re dzibaabee ko à re akiritsifabee rìì twɛy jaa ra.

Korɛntsika reè jɔ̀naà 12:18

Ŋà, Ŋaabla gɔɔ̀n gàneè soo soo sapɛ tsuuŋ nì, a ci à dzibeu à ra nìi tsuru.

Korɛntsika reè jɔ̀naà 12:27

Àwà, ye rìì Kirisà gɔɔ̀n, ye soo sookɔɔn sapɛ yeè bà gɔn nèe gàneè sɔn.

Korɛntsika reè jɔ̀naà 12:8

Akiritsifabe goòmàà, Ŋaablà re Dzia tɔ̀ sìan sɔn na. Twɛ̀ɛ goomaa, è tɔ̀ sìn sɔn na tɔ̀ Dzi soo rìì baraka ɲan.

Korɛntsika reè jɔ̀naà 4:15

Àwà, arì kàrànfa gbaakoron tsyeùn nì yè bà na ni ye re Kirisà ɲàn, fà giri na ni ye re waa. Kùnàgoo Dziɔ̀ baraka rɔ̀n, mun nì ye kereu Yesù Kirisà ɲàn.

Korɛntsika reè jɔ̀naà 6:11

Àwà ye swey na ni tɔ̀ rii tsuru. Ŋà ye fòoŋ, ye yè fɛnɛbe ye bà Ŋaablà raa, è kpàdè ci ye tereòn Tsìfa Yesù Kirisà tsoò baraka rɔ̀n, ko mùn ne Ŋaablà re Dzia baraka rɔ̀n.

Korɛntsika reè fiiraa 12:2

Àwà mun kpiri sɔn tɔ, nìi ni Kirisà ɲàn. Ŋaablà na tɔ̀ kpir'la sen fu dɔ̀n beò jìrànxɔɔ̀ zhììgìraa doùn, à jii teeŋ naàlen yɛ. À sen fu bèu gɔɔ̀n rìì ɲàn sa wà, à to yɛ̀rɛ̀ na gɔɔ̀n ɲàn sa wà, mun kpɛ̀yn na tɔ waa, ŋà Ŋaablà y'a tɔ̀.

Korɛntsika reè fiiraa 4:6

È ɲɛn à tsɛ, Ŋaablà riì dziun ci: «Vyevyeè yè den tsitsiɛ̀ fi», wò rii deun ɲe dùsùkun neè tsɛ, gè riì ni à to è bà ni e nɔɔrɔɔ̀ twɛ̀ɛ vyevyeè bo, tɔ̀ niì den deèn Kirisà jaakɔrɔun.

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

Galatsika reè 3:13

Kirisà ɲe kùngɔ màbou sàrìyaa dangaa suun, à yɛ̀r'la yè bà danga ɲe kamà, kàtsu à sɛbɛɔ̀n ci: «Mòò o moò nà gban gɔɔ̀ rà, tɔ̀ yeè danga.»

Efɛsika reè 1:10

Tɔ̀ làtigɛɛ doùn, à nà nìi fa, tɔ̀ rii yɛ, tɔ̀ waatsia dzii ye tsyɛn waatsi riì bwèy, è jìrànxɔ̀ dòùn gee sapɛ, ko dzɔ̀nxɔ̀ tsɛ̀ gee sapɛ ladzyèè soo, kùntsii soo yeè bà ni è sapɛ re, nìi Yesù Kirisà.

Efɛsika reè 1:14

Tɔ̀ Dzia rìì ɲe re shɛɛ̀n gè jɔun gèè, è kpàdè ci nìì reè bàu Ŋaablà raa, à nà twɛy kùngɔ màbo, yè bà ni blàbe ɲɛn à nɔɔrɔɔ̀ tsɛ.

Efɛsika reè 1:7

À ɲan, mùn kùngɔ mabou à tsìɛn baraka rɔ̀n, mùn ne gooɲaantsii reè yè mɛɛy bo mùn vu ra è kòrò à ɲanwùù brisià ka.

Efɛsika reè 2:10

È ɲɛn à tsɛ, ɲe Ŋaablà sifyɛ̀ɛ̀ rìì. À ɲe ɲɛun Yesù Kirisà ɲàn goowuu faa rìì kamà, à na tɔ̀ niì lamɔnɔ̀n tsùuŋnà nòn, mìn bà ni na à shi jiì.

Efɛsika reè 4:30

E maà Ŋaablà re Dzi Fɛnɛɛ taama ŋununbe waa, à tɔ̀ riì tsùuŋnà tàànmàshɛn ye tsɛ, ye kùngɔ màbo jisee kamà.

Efɛsika reè 5:26

À tɔ̀ fau, è bà ni à fɛnɛbe, à fòoŋmaà shɔ̀ùn è fyɛ, yuà ko Ŋaablà re goomaa baraka rɔ̀n.

Filipika reè 3:9

Tà ko, min jà à ɲan. Tɔ̀ na mun yɛ̀r'la raa terenbee baraka ɲan waa, tɔ̀ niì boo sàrìyaa ɲàn, ŋà, Kirisà rà ɲɛynaà terenbee baraka ɲan, tɔ̀ niì boo Ŋaablà ɲan, è bà gbaɔn ɲɛynaà tsɛ.

Kolosika reè 1:14

Dzin Kpir'liì baraka ɲan, à mùn kùngɔ màbou, è mùn ne gooɲaantsiɛ mɛɛy bo mùn vu ra.

Kolosika reè 3:16

Kirisà rè goomaa yè e tsuù e ɲan, è buu. Ye e si kàràn, ye e si lasɔnmin akiriblabeè sapɛ ka ko ye ì ka: zàbùrù ye ì, màkìrì ye ì ko Ŋaa blabe ye ì. Ye è cèè Ŋaablà re ko e dusùkuan sapɛ ka è kòrò à ɲanwùɔ ka.

Tesalonikika reè jɔ̀naà 5:23

Arì she, jaanciàn tsìfa Ŋaablà yeè e ko e kur'la fɛnɛbe. À yè e akir'là, ko e xɔɔn, ko e gɔɔ̀n sapɛ ladzyèèmaa màrà, jààma mà jà è ra, mùn Tsìfa Yesù Kirisà nà sii sèè waa.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Dzyèèsìbee mòdzin neè 9:12

À dɔ̀n jaa soo pe rii fau tɔ̀ bùù gba vyamaa gànè fɛnɛ fɛnɛɛ doùn, tɔ̀ yeè bà à dàn. À dɔ̀nkɔɔn, à na dɔn bàkɔrɔ ì tsììn ka è tɔ̀ sìn, à to na dɔn nìì tor'la ì tsììn ka è tɔ̀ sìn. À dɔ̀un e yɛr'la tsìɛn nì ka è tɔ̀ sìn, è tɔ̀ ka mùn tsi bo e re gooɲaantsiɛ ɲàn waatsia sapɛ doùn.

Yàkubà 1:5

Akiriblabeè to ye e sɔn fɔn, à y'à gaa Ŋaablà re. À nà à sìn à tsìfa ra. À nà tɔ̀ fa, kàtsu Ŋaabla kaarià è mòdzian sapɛ kɔ, à na a sɔn dèe waa.

Piyɛrì jɔ̀naà 1:2

Fà Ŋaabla na ye nìì reè bo tsùuŋnà bɔrɔɔ e jaara è kòrò à ɲan twɛ̀ɛ ka, è bà ye fɛnɛbeu ye yè bà à raa à re Dzia baraka rɔ̀n, ye yè bà ni Yesù Kirisà vu kun tà ko tɔ̀ tsìɛn kounmaà yè ye fòò fyɛ, arì she, à ɲanwùɔ ko jaanciàn, è twɛy sìn e ra giri !

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Yùxanà jɔ̀naà 5:6

Àwà mòò riì nàu yuà ko tsìɛn baraka ɲan, tɔ Yesù Kirisà rìì. À na yuà bàsɔùn waa, ŋà à yuà ko tsìɛn sa rii. Ŋaablà re Dzia tɔ̀ shɛɛrɛbe boò, kàtsu Ŋaabla re Dzia sààben.

Goo kpàdèuma rèè 14:4

Àwà, twɛy mòdzin neè na e yɛrɛ noo taan ì ka waa, è tou tààn tɔ̀ bɛy. Sààtòmòìriɛ bèe min o min, è gbaɔn à kpɛyn. Ye rìì bàu kùngɔ màbouma jɔ̀na rèè mòdzian ɲàn, yè bà Ŋaablà ko Sààtòmòìriɛ raa.

Goo kpàdèuma rèè 5:9

È na ye yeu sɔn cee ci: «Ɔ̀ɔn, wo rìì dzia sɛbɛn nee tsi, wo y'à tàànmàshɛn neè waraka, kàtsu, wo vuu, wo yè bà saaka, mòdzin neè swey kùngɔ mà yè bo wo tsìɛn ka, yè bà Ŋaablà raa. Dziɲantsiɛ tsua sapɛ mòdzin ì ni è ɲan, kungoòmà rèè sapɛ modzin ì ni è ɲan, jàmàan rèè sapɛ modzin ì ni è ɲan, kuan sapɛ modzin ì yè bà ni è ɲan.