Korɛntsika reè jɔ̀naà 1:2 - Bible Dzùùngoo Unicode

² nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

Korɛntsika reè jɔ̀naà 1:2 ပူးပေါင်းရင်းမြစ်များ

Kɛɛradzin neè faadziɛ 10:36

Ŋaablà yeè e re goomaa dèu Isirayɛlì mòdzin neè rà, nìi Kùnàgoo Dziɔ̀. À tɔ̀ xɛɛrɛ goòmàà dèu è ra, è bo à Jaara moo Yesù rìì ɲàn, tɔ̀ riì mòdzian sapɛ tsifaà.

Kɛɛradzin neè faadziɛ 15:9

À ɲe ko twɛy sa bau soo, kàtsu twɛy ɲɛn niì fau à ra, à yè è duùn fyɛu tɔ̀ kamà.

Kɛɛradzin neè faadziɛ 18:1

Àwà, twɛy goo rèè shɔ̀ùn, Polì yè bo Atɛnìn wɔ̀ rɔ̀n, è dɔ̀n be wɔ̀ sɔn ɲan, ci Korɛntsì.

Kɛɛradzin neè faadziɛ 22:16

Àwà dòònuùn, maà dzin ci wo gèsɔn màshua dɛ waa. Fù, a to a jaara yeè fòò Ŋaablà re shia goo rèè rà, a re gooɲaan tsìɛ̀ yè mɛɛy bo a vu ra Tsìfa Yesù tsoò baraka rɔ̀n."

Kɛɛradzin neè faadziɛ 26:18

Mun wo ka bèe è re, sànko wo yè bè è jaa dzii san, yè bo tsitsiì rɔ̀n, yè nà vyevyeè ɲàn. Sùtana fààn niì ɲinaɔn è mà, yè bo tɔ̀ ɲan, yè nà Ŋaablà ra, sànko yè ɲɛn mun na, è re gooɲaan tsìɛ̀ yè mɛɛy bo vu ra. Nìì reè to Ŋaablà raa, tɔ shɛn nìi kuru, è sa yeè tɔ̀ tàrà, nìi yɛ, yè bà Ŋaablà raa."»

Kɛɛradzin neè faadziɛ 9:13

Tsìfa Yesù rè goomaa shɔ̀ùn, Ananiyasì yè dzin ci: «Ee Tsìfaà, mun to gooma giri myɛɔ̀n kpir'lee tsɛ dɛ ! À gooɲaan niì sapɛ fau wo re kàràndzin neè rà Yerusalɛmùn, mòò giri tɔ̀ lakɛrɔun mun na.

Kɛɛradzin neè faadziɛ 9:14

Tɔ̀ nìn yè bo à ra, mòò o moò màfyɛɛ̀n faa wo tsoò ka, Saaka Jɔundzin neè y'à shi wɔ naɔ à suun mìin, ci è twɛy sapɛ kun.»

Kɛɛradzin neè faadziɛ 9:21

Nìì reè sapɛ na à re goomaa lamyɛɛ̀n, à goò na jiɔ̀ twɛy sapɛ dzii tsɛ, yè dziàn ci: «Nìì reè sapɛ na màfyɛɛ̀n faa Yesù tsoò ka Yerusalɛmùn, kpir'liì na fù jiɔ̀ twɛy kpɛyn è byɛɛn, à na nèe gbɛ ! À naà naɔ̀ mìin, è nà twɛy kun shì be Saaka Jɔundzin neè rè rìì ɔ̀ ?»

Ɔ̀rɔ̀mùnka reè 1:7

Ye nìì reè sapɛ ni Ɔ̀rɔmùn wɔ̀ rɔ̀n, Ŋaabla yeè bà ye kɛ̀niɔ̀n, è ye kiri e raa, sɛbɛn nee kaɔ ye rìì lè. Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Ɔ̀rɔ̀mùnka reè 10:12

Tà doùn, dànfaran na ni Dzyèèsìbee mòdzin ko kun kpɛrɛ mòdzin fi waa, è ɲɛn à tsɛ, Tsìfa soo rìì ni è sapɛ re, nìi gètsi, è bà e tsoò kiribaa rèè sapɛ magoo wubee.

Ɔ̀rɔ̀mùnka reè 3:22

Ɲɛynaà nì baraka ɲan Yesù Kirisà rà, Ŋaablà ye e re terenbee kpàdèe mòdzian sapɛ kajaa tsɛ. À tɔ̀ tsuru, è ɲɛn à tsɛ Ŋaablà na mòò boò mòò ɲàn waa.

Ɔ̀rɔ̀mùnka reè 8:28

Mùn y'a tɔ̀ sa, ci goò sapɛ faagoò faa esire, è goowùù fa Ŋaablà kɛnbaa rèè rà, nìì reè sapɛ kiriɔ è kòrò à re goo sɔ̀n byɛunmaà ka.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè jɔ̀naà 10:32

E maà bà mòò pɛn sàn nà baan kpàà. A ci à Dzyèèsìbee mòdzin o, à kun kpɛrɛ mòdzin o, à to Ŋaablà re ɲɛynamoo kur'là rìì ò, e maà bà mòò pɛn sàn nà baan kpàà.

Korɛntsika reè jɔ̀naà 12:27

Àwà, ye rìì Kirisà gɔɔ̀n, ye soo sookɔɔn sapɛ yeè bà gɔn nèe gàneè sɔn.

Korɛntsika reè jɔ̀naà 8:6

Ŋà ɲe re, Ŋaablà soo pe rii ni, nìi Fàà, gè sapɛ boo tɔ̀ niì ɲan, mùn yeè bà à raa, ko Tsìfa soo pe, nìi Yesù Kirisà, gè sapɛ ni tɔ̀ niì baraka ɲan, ɲe sa ni nìi baraka ɲan.

Korɛntsika reè fiiraa 1:1

Àyìwà mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè, nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n, ko nìì reè sapɛ y'a raa Akayi mar'la min niì sapɛ.

Korɛntsika reè fiiraa 4:5

Àwà ɲe na e yɛrɛ gooma deè waa, fɔ Yesù Kirisà, Tsìfaà. Ŋà nìi ɲe, ɲe ci ɲe ye re faagoofadzin ì nì, Yesù kamà.

Galatsika reè 1:2

Nèe sɛbɛn, mun ko n neema niì reè sapɛ ni mun ka, ɲe nìi kaà Galatsi mar'la ɲɛynamoo kur'lèè rè.

Efɛsika reè 5:26

À tɔ̀ fau, è bà ni à fɛnɛbe, à fòoŋmaà shɔ̀ùn è fyɛ, yuà ko Ŋaablà re goomaa baraka rɔ̀n.

Tesalonikika reè jɔ̀naà 1:1

Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni Fà Ŋaablà ɲan, ye yè bà ni Tsìfa Yesù Kirisà ɲàn. Arì she, Ŋaablà ɲanwùɔ ko jaanciàn, twɛy yè bà ni e tsɛ !

Tesalonikika reè jɔ̀naà 4:7

Àwà Ŋaablà na mùn kiri ci mìn re jaamabee fa noo ɲàn waa, ŋà, ci mùn y'a fa fɛnɛbee doùn.

Tesalonikika reè fiiraa 1:1

Nèe mun Polì, ko Silivɛ̀n, ko Tsìmotè rè sɛbɛn, è ka ye Tesalonikì wɔ̀ɔ̀ ɲɛynamoo kur'là rè, ye nìì reè ni mùn Fà Ŋaablà ɲan, ye yè bà ni Tsìfa Yesù Kirisà ɲàn.

Tsìmotè jɔ̀naà 2:8

È ɲɛn tɔ̀ tsɛ, m'a gaa kpir'leè yè Ŋaablà mafyɛ̀n min niì sapɛ, è si rèè fɛnɛuma ɲan ye bà seunà, vununta ko sɔ̀swɛy mà bà ni waa.

Tsìmotè jɔ̀naà 3:15

Tà tsuru mun kɛ̀nsɛɛn ye cin, mòo wù è re goo shi jiì jììŋ'n kur'liì rà Ŋaablà jaamaa rè gbàà doùn, tɔ̀ niì y'à rè ɲɛynamoo kur'là, sààbeen tsindzian ko à sàngbanmaà, wo yè tɔ̀ tɔ̀.

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

Tsìmotè fiiraa 2:19

Tɔ̀ ko e sa ra Ŋaabla dzunbama nìi tsùuŋnà, tɔ ni e shɔùn kpan, nèe gooma ree reè yè bà sɛbɛɔ̀n à tsɛ tàànmàshɛn, nìi yɛ ci: «Tsìfaà yè e raa rèè tɔ̀.» Tà ko «Mòò o moò Tsìfaà tsoo kir'là, è dan gbànbe terenbɛybee rà.»

Tsìmotè fiiraa 2:22

Vwɛ̀yn dzunwɛynbeè kur'la goo reè jɔun. Nìì reè yè e vu boò Tsìfaà rà ko duun fyɛ ka, e terenbee, ko ɲɛynaà, ko kɛ̀nbààbee, ko jaanciàn gaa twɛy ka.

Dzyèèsìbee mòdzin neè 10:10

È bà à kpàdèe sa, ci Ŋaablà Jaara Moo Yesù Ŋaablà saɔ fau. È gɔɔ̀n siun saaka jaa soo pe, à y'à ka mùn fòò fyɛ bo e re gooɲaantsiɛ ɲàn.

Dzyèèsìbee mòdzin neè 13:12

Tɔ̀ kamà, Yesù sa yeè bè byɛn è san wɔ̀ɔ̀ bònè, sànko, à yɛ̀r'la tsìɛn baraka rɔ̀n mòdzian yè fɛnɛbe.

Dzyèèsìbee mòdzin neè 2:11

Àwà, Yesù rìì mòdzian bo jia e si Ŋaablà re, gooɲaantsiɛ yè bo è vu ra. À nìì reè bo jia e si Ŋaablà re, gooɲaantsiɛ yè bo è vu ra, fà soo rii ni à ko twɛy sa re. Tɔ̀ rii kamà, è bà ni è kiri, ci wò neema reè, tɔ̀ seey na ni à ra waa.

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.

Goo kpàdèuma rèè 19:16

Tsoo sɔn sɛbɛɔ̀n à re mɛ̀yɛɛ ko à geen tsɛ, nìi yɛ ci: «Màsa reè raa Màsaa, ko tsìfa rèè raa Tsìfaà.»