Korɛntsika reè jɔ̀naà 1:10 - Bible Dzùùngoo Unicode

¹⁰ Àwà neema ì, mun ye màxɔ̀ɔn nìi rà, tɔ̀ rii yɛ, ci mùn Tsìfa Yesù Kirisà tsoò kamà, ye e vuà ji soo, e fi mà vyɛ̀ waa. Kɛ̀sɛmà soo yeè bà ni e sapɛ re, ko akiri soo.

Korɛntsika reè jɔ̀naà 1:10 ပူးပေါင်းရင်းမြစ်များ

Matsiyù 9:16

Mòò pɛn na vya ye ka vya bɔrɔɔ tsyɛɛ̀rɛɛ waa. Tɔ̀ ye fa, yeu riì ka bɔrɔɔ tsyɛ̀ɛ̀rɛɔ̀, tɔ bɔrɔɔ sɔ̀ɔ̀n vyɛ̀ɛ, à vyɛ̀maà si yè tsi.

Marikì 2:21

Yesù yè dzin kɔn ci: «Mòò pɛn na vya ye ka vya bɔrɔɔ tsyɛɛ̀rɛɛ waa. Tɔ̀ ye fa, vya yee vya bɔrɔɔ sɔ̀ɔ̀n vyɛ̀ɛ kpɛrɛ, à vyɛ̀maà si yè tsi.

Marikì 3:24

Màsàbee gè o ge ye dzi fu e yɛrɛ kpɛyn nòn è tara, tɔ barau nì.

Yùxanà 10:19

Twɛy gooma reè kamà, Dzyèèsìbee mòdzin neè yè tara kɔn.

Yùxanà 17:23

Tà doùn, mun ni è ɲan, wo sa yeè bà ni mun ɲan. Yè bà soo ɲaun, sànko dziɲan y'a tɔ̀ tɔ̀ tsuru, ci wo rìì mun ka naɔ, wo to yè è kɛ̀niɔ̀n, a ci wo mun kɛ̀niɔ̀n nìi tsuru.

Yùxanà 7:43

Yesù kamà, jàmaà yè tara kuru fii tɔ̀un.

Yùxanà 9:16

Faridziɲɛn rèè swey yè dzin tɔ̀un ci: «Nèe kpir'lee na Ŋaablà re mòdzin waa, kàtsu, à na ɲànwɔsiɛ̀ latsuuŋnà waa.» Swey ci: «Gooɲaanfabaa kɛ̀n ni dzia nèe tsuru kabagoo goo ì fa ?» Tà goò yè bà saabu, yè tara kuru fii.

Kɛɛradzin neè faadziɛ 4:32

Àyìwà, Yesù rè kàràndzin neè sapɛ yeè byɛ̀n soo ma, è sa dzyeèmaa yè e duungoo bà soo. È pɛn naà e suun ge baà e soo jɔnkwɛ̀y waa, ŋà, è sapɛ na e re gè bàa e si dzyèèmà ge.

Ɔ̀rɔ̀mùnka reè 1:13

Neema reè, mun n'a re y'a tɔ̀, ci m'a gaa jaa giri fau min bè bo ye kpà, ŋà è bè suu fɔ dòònuùn dzu, mun na dzi be ŋe waa. Àwà, mun nìi gaa, tɔ̀ rii yɛ, mun yè n ne faagoò nàfaà tàrà ye re mɔn a ci m'a tàrau kun kpɛrɛ ì sa re nìi tsuru.

Ɔ̀rɔ̀mùnka reè 12:1

Tà doùn, n neema ì, è ɲɛn Ŋaablà re màtsur'la tsɛ, mun ye màxɔ̀ɔn, ci ye e yɛrɛ sin Ŋaablà ra saaka jaama, nìi fɛnɛɔ̀, è bà dzi Ŋaablà ra. Tɔ̀ rii nà bà Ŋaablà blabèù'n kuru taki ye re.

Ɔ̀rɔ̀mùnka reè 12:16

Ye byɛ̀n soo ma. Nìi blà e maà tɔ̀ gaa waa, ŋà nìi majaaŋnà, ye tɔ̀ rii gaa. E maà ba akiritsi ì e yɛrɛ jaa ra waa.

Ɔ̀rɔ̀mùnka reè 15:30

Àwà neema reè, mun nà ye màxɔ̀n nìi rà, tɔ̀ rii yɛ, ci mùn Tsìfa Yesù Kirisà ko Ŋaablà re Dzia rè kɛ̀nbààbee baraka rɔ̀n, ye wɔ n na mìn kaà fa Ŋaabla mafyɛɛ̀n doùn mun ne.

Ɔ̀rɔ̀mùnka reè 16:17

Neema reè, mun ye màxɔ̀ɔn nìi ra, tɔ̀ rii yɛ, ci nìì reè mòdzian fi vyɛɛ̀, yè bà sàn nà baan kpàà ye re kàràn tàraumaà tsɛ, ye e kaàwɔ twɛy ra. Ye e dan gbànbe è ra.

Korɛntsika reè jɔ̀naà 1:11

È ɲɛn à tsɛ n neema ì, Klowè raa mòò rèè swey mun toro kɔ̀u ye kàjaa tsɛ, ci byɛ̀n na ni ye fi waa.

Korɛntsika reè jɔ̀naà 11:18

Soore, mun y'à myɛ̀un ci ye ye e ladzyèè ɲɛynamoo kur'là rè làdzyee koùn, ye fi bàa vyɛɔ̀. Kàjaa sɔn tsɛ, mun dzia ɲɛn tɔ̀ ra.

Korɛntsika reè jɔ̀naà 12:25

À tɔ̀ fau, gè riì ni à to dànbwey mà jà gɔɔ̀n gàne rèè ko e si fi waa, ŋà yè dzyèè, yè e taa to e si re.

Korɛntsika reè jɔ̀naà 3:3

È ɲɛn à tsɛ arì she, dziɲaan goo rèè ni ye ɲan. È jaaɲininbeè ko kaà to ye fi, tɔ̀ na à kpàdèe ci dziɲaan goo rèè ni ye ɲan, ye juɔ yè bà mòdzìn juu ɔ ?

Korɛntsika reè jɔ̀naà 4:16

Tà doùn, mun ye màxɔ̀ɔn, ye bà mun shɔ̀ùnminanbaa ì.

Korɛntsika reè fiiraa 10:1

Àwà mun Polì, mun nìi baɔ̀ mɛ̀nshɛ̀n moo, min ba ni ye ka, mun vu yè bà xɔ ye ka mun dàn ye ba gbàn ye ra, mun ye màfyɛ̀ɛn nì, Kirisà rè vununmaciàn ko à ɲan wùbee kamà.

Korɛntsika reè fiiraa 13:11

Dòònuùn n neema ì, ye taama dzibe, ye fààn wɔ e si ɲan, ye e si màxɔ̀n, ye byɛ̀n soo ma, ye jaamabee fa jaancin doùn. Tɔ̀ tsuru, kɛ̀nbààbee ko jaanciàn Ŋaabla nà bà ni ye ka.

Korɛntsika reè fiiraa 13:9

Àwà ɲe ŋɔ̀n ye ba fyɛn waatsi riì bwèy, fààn ye bà ni ye ɲan, ɲe taama bàa dzi. Ɲe raa màfyɛɛ̀n kùngɔɔ̀ rìì yɛ, ye dzii yè bà tsyɛɔ̀n.

Korɛntsika reè fiiraa 5:20

È geren tɔ̀ sapɛ tsɛ, ɲe Kirisà rè kɛɛradzin ni, à to ni a ci Ŋaablà yɛr'la rìì ye màxɔ̀ɔn, è bo ɲe dzu. Kirisà tsoo ra, ɲe ye màfyɛ̀ɛn nì ye e yɛrɛ to, y'a to e ko Ŋaablà fia la yeè mɔ̀nɔ̀n.

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

Galatsika reè 4:12

Neema reè, mun y'à gaa ye re, ye bà a ci mun, kàtsu mun sa ni a ci ye. Ye na goo terenbɛy fa mun ka kàjaa pɛn tsɛ waa.

Filipika reè 1:27

Ŋà ye e re jaamabee fa rii, a ci Kirisà rè Kùnàgoo Dziɔ̀ ci è fa nìi tsuru. Tà tsuru, mun bèu ye siin ò, mun to na be ò, mun y'à myɛ̀n ci ye san gbaɔn akiri soo ka, ye yè bà ni ɲɛynaà Kùnàgoo Dziɔ̀ sikuan nà esire.

Filipika reè 3:16

Ŋà à bàu dzii o dzii, mùn wɔɔ wɔmà nìi ɲàn, mìn jìɛ̀ fa esire kàjaa soo tsɛ.

Tesalonikika reè jɔ̀naà 5:13

È re faagoò kamà, ye blà wɔ è ɲan cɛyn, ye è kɛ̀n. Y'a to jaancin yè bà ni e ko e si fi.

Tesalonikika reè fiiraa 2:1

Neema reè, nìi mùn Tsìfa Yesù Kirisà sèè na goo, ko mùn ladzyeè goo à ka, ɲe nìi gaa ye re, tɔ rii siin:

Tsìmotè jɔ̀naà 5:21

M'a gaa wo re gaaŋ'n kur'la sapɛ, Ŋaablà ko Yesù Kirisà ko mɛ̀rɛ̀kɛ ɲankɛrɛunma rèè jaa ra, e nèe goo rèe rèè shi jiì, a maà mɛɛy mòò tsɛ, a to mà mòò bo mòò ɲàn.

Tsìmotè fiiraa 4:1

Àyìwà mun y'à dè màxɔbee wo ra Ŋaablà ko Yesù Kirisà jaa ra, tɔ̀ niì nà kitsia kùnùn jaama reè ko fùn nèè sa tsɛ, mun y'à dè màxɔbe à nà jisee ko à re màsàbee tsoo ra,

Piyɛrì jɔ̀naà 2:11

N neema kɛniunma rèè, ye tɔnɔn dɔnbobaa ì dzɔ̀nxɔɔ̀ tsɛ. Tà doùn, m'a gaa e re, ye e yɛrɛ kun gɔɔ̀n kur'la goo ɲaan neè rà. È ɲɛn à tsɛ, twɛy kaa faa xɔɔn ka.

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.