ପ୍ରକାସିତ୍‌ 6:12 - ବ୍‌ଡ଼୍ ହ୍‌ର୍‌ଜା ବାଇବଲ

¹² ମେଣ୍ଢା ଯେ କି ଯୀଶୁ ଚନ୍‌ବର୍ ସିଲ୍ ବାଙ୍ଗାଉତାର୍ ଦ୍‌କ୍‌ଲେ ସ୍‌ଡେବ୍‌ଳ୍ ମାଇମ୍‌ଦ୍‌ନି ଜ୍‌ବର୍ ଲ୍‌ଦ୍‌ବ୍‌ଦିଗ୍‌ଲି ଆର୍ ବେଳ୍ କ୍‍ଳିଆ ହ୍‌ଚିଆ ହ୍‌ର୍ କ୍‍ଳିଆ ଅଇଲି ଆର୍ ଜନ୍ ହୁରାହୁରି ବାବେ ବ୍‌ନି ହର୍ ର୍‌ତା ଅଇଲି।

ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

¹² ମେଣ୍ଡାହିଲା ଚଅ ଲଃମ୍ବର୍‌ ମୁଦ୍ରା ବାଙ୍ଗାଉତା ବଃଳ୍‌ ମୁୟ୍‌ଁ ଦଃକ୍‌ଲେ, ଦଃର୍ତି ଲଃଦ୍‌ବଃଦ୍‌ଲି, ବେଳ୍‌ ରଃମ୍‌ତଃୟ୍‌ ତିଆର୍‌ ଅୟ୍‌ଲା ଚାଦର୍‌ ହର୍‌ କଃଳିଆ ଅୟ୍‌ଲି ଆର୍‌ ଜଃନ୍ ହୁରାହୁରି ବଃନି ରଃଙ୍ଗ୍ ଅୟ୍‌ଲି ।

ପ୍ରକାସିତ୍‌ 6:12 ပူးပေါင်းရင်းမြစ်များ

ମାତିଉ 11:21

ହାଇ, ଡ୍‌ଣ୍ଡ୍ ହାଉତା କ୍‍ରାଚିନ୍ ଆର୍ ବେଥ୍‍ସାଇଦା ସ୍‌ହରାର୍ ଲକ୍‍ମ୍‍ନ୍, କାଇତାକ୍ ତୁମାର୍ ବିତ୍‌ରେ ଜୁଇସ୍‌ବୁ ଚମ୍‌ତ୍‍କାର୍ କାମ୍‌ମ୍‌ନ୍‌କ୍‌ରି ଆତ୍‍ତି, ସେସ୍‍ବୁ ଯଦି ମୁଇ ସର୍ ଆର୍ ସୀଦନ୍ ସ୍‌ହରେ କ୍‍ରିରେତି, ତ୍‍ବେ ସେମ୍‍ନ୍ ବେସିଦିନ୍‌ ଆଗ୍‍ତୁ ବାସ୍‍ତା ହିନ୍ଦିକ୍‍ରି ଚାର୍ ଉହ୍‍ରେ ବ୍‍ସିକ୍‍ରି ତାକାର୍ ମ୍‌ନ୍‌କେ ବାଦ୍‍ଲାଉତି।

ମାତିଉ 24:29

“ମ୍‍ତର୍ ସେ ଦିନ୍ ମ୍‌ନ୍‌କେ, ବେସି କ୍‌ଷ୍ଟାର୍ ଦିନ୍ ସ୍‌ର୍‌ଲା ହ୍‌ଚେ, ବେଳ୍ ଅନ୍ଦାର୍ ଅଇଦ୍ ଆର୍ ଜନ୍ ଉଜାଳ୍ ଅଇନ୍‌କେରେ, ଆରେକ୍‌, ତାରା ମାଳ୍‌ ଆକାଶେ ହ୍‍ଣି ଅଦୁର୍‍ତି ଆର୍ ଆକାଶାର୍ ଶ୍‌କ୍‌ତି ସ୍‍ବୁ ଦ୍‌ର୍‌ତି।

ମାତିଉ 24:7

କାଇତାକ୍ ଜାତିର୍‌ ବିରୁଦେ ଜାତି ଆର୍ ରାଇଜାର୍ ବିରୁଦେ ରାଇଜ୍ ଉଟେଦ୍, ଆରେକ୍‌, ଜାଗାଇ ଜାଗାଇ ମ୍‍ରଡି ଆର୍ ବୂମିକ୍‍ମ୍ପ ଅଇଦ୍।

ମାତିଉ 27:45

ହ୍‌ଚେ ଦିନ୍ ବାର୍‍ଟା ବ୍‍ଳ୍‍ହ୍‍ଣି ତିନ୍‍ଟା ହ୍‌ତେକ୍ ସ୍‌ବୁ ଦେଶ୍ ଅନ୍ଦାର୍ ଅଇଗ୍‌ଲି।

ମାତିଉ 27:54

ଶଏଗଟ୍ ସେନାର୍ ମୁକିଆ ଆର୍ ତାର୍‌ସ୍‍ଙ୍ଗ୍‍ ଜୁଇ ଲକ୍‍ମ୍‍ନ୍ ଯୀଶୁକେ ଜାଗିରିଲାଇ, ସେମ୍‍ନ୍ ବୂମିକ୍‍ମ୍ପ ଗଟ୍‍ଲାର୍ ଦ୍‍କି ବେସି ଡିର୍‍ଲାଇ ଆର୍ କଇଲାଇ, ସ୍‌ତ୍, ଏ ଇଶ୍ଵରାର୍ ହଇସି ରିଲା।

ମାତିଉ 28:2

ଆରେକ୍‌ ଦ୍‌କା, ବ୍‍ଡ୍ ବୂମିକ୍‍ମ୍ପ ଅଇଲି, କାଇତାକ୍ ଇଶ୍ଵରାର୍ ଗଟେକ୍ ଦୂତ୍ ସ୍‌ର୍‌ଗେ ହ୍‍ଣି ଉତ୍‍ରି ଆସି ସେ ଟେଳାକେ ଗୁଚାଇ କ୍‍ରି ତାର୍ ଉହ୍‍ରେ ବ୍‍ସ୍‍ଲି।

ମାର୍କ 15:33

ଦିନ୍ ବାର୍‍ଟା ବ୍‍ଳ୍ ଦେଶ୍ ଜାକ ଅନ୍ଦାର୍ ଅଇ ସ୍ଞ୍ ତିନ୍‍ଟା ହ୍‌ତେକ୍ ରିଲି।

ପ୍ରକାସିତ୍‌ 11:13

ଟିକ୍ ସେ ସ୍‌ମୟେ ଗଟେକ୍ ବ୍‌ଡ୍ ବୁମିକମ୍ପ ଅଇଲି ଆର୍‌ ସ୍‌ହରାର୍ ଦ୍‌ଶ୍‌ବାଗ୍ ହ୍‌ଣି ଗଟେକ୍ ବାଗ୍ ନ୍‌ଷ୍ଟ ଅଇଗ୍‌ଲି। ସାତ୍ ହ୍‌ଜାର୍ ଲକାର୍ ଜୀବନ୍ ଗ୍‍ଲି। ବାକି ଜୀବନ୍ ରିଲାଲକ୍ ବେସି ଡିର୍‍ଲାଇ ଆର୍ ସେମ୍‌ନ୍ ସ୍‌ର୍‌ଗେ ରେତା ଇଶ୍ଵରାର୍ ମଇମା କ୍‌ଲାଇ।

ପ୍ରକାସିତ୍‌ 16:18

ତାର୍ ହ୍‌ଚେ ବିଜ୍‌ଲି ଉଜାଳ୍ ଚ୍‌ମ୍‍କି ଗ୍‍ଲି, ବିଜ୍‌ଲି ଚଡ୍‌ଚଡ୍‌ଲି, ବାଦୁଳ୍ ଗଡ୍‌ଗଡି ଅଇଲି, ଆର୍ ବୟଙ୍କାର୍ ବୁମିକମ୍ପ ଅଇଲି, ଅନ୍‌କାର୍ କ୍‌ବେ ଅଇନ୍‌ରିଲି।

ପ୍ରକାସିତ୍‌ 16:8

ଚାରି ଲ୍‌ମବ୍‌ର୍ ଦୂତ୍ ତାର୍ ଗିନା ବେଳ୍ ଉହ୍‌ରେ ଡାଳ୍‌ଲା। ସେତାକ୍ ତାକେ ମାନାଇମ୍‌ନ୍‌କେ ଜୟ୍‌ସ୍‌ଙ୍ଗ୍ ହଡାମ୍‌କେ ଶ୍‌କ୍‌ତି ଦିଆଅଇଲି।

ପ୍ରକାସିତ୍‌ 8:12

ଜ୍‌ଡେବ୍‌ଳ୍ ଚାରି ଲମ୍‌ବର୍ ଦୂତ୍ ମରି ହୁକ୍‌ଲା, ତିନ୍‌ବାଗ୍ ହ୍‌ଣି ଗଟେବାଗ୍ ବେଳ୍, ତିନ୍‌ବାଗ୍ ହ୍‌ଣି ଗଟେବାଗ୍ ଜନ୍ ଆର୍ ତିନ୍‌ବାଗ୍ ହ୍‌ଣି ଗଟେବାଗ୍ ତାରାମ୍‌ନ୍ ମାଡ୍ ଆଇ ନ୍‌ଷ୍ଟ ଅଇଲି। ସେତାକ୍ ସେମ୍‌ନ୍‌କାର୍‌ ବିତ୍‌ରେହ୍‌ଣି ତିନ୍‌ବାଗ୍ ହ୍‌ଣି ଗଟେବାଗ୍ ଅନ୍ଦାର୍ ଅଇଗ୍‌ଲି। ଦିନ୍ ଆର୍ ରାତିର୍ ତିନ୍‌ବାଗ୍ ହ୍‌ଣି ଗଟେବାଗ୍ ଉଜାଡ୍ ଅଇନ୍‌କେଲି।

ପ୍ରକାସିତ୍‌ 8:5

ତାର୍ ହ୍‌ଚେ ଦୂତ୍ ସେ ବେଦିର୍ ଜୟ୍ ନ୍‌ଇ ଦୁହ୍‍ନି ତାଳିଲ୍‌ଗେ ବ୍‌ର୍‌ତି କ୍‍ଲା ଆର୍ ସେରି ହୁର୍‌ତିବି ଉହ୍‌ରେ ଡାଳ୍‌ଲା। ତ୍‌ବେ ସେତି ବିଜ୍‌ ମାର୍‌ଲି, ବାଦୁଳ୍‌ ଗଡ୍‌ଗଡି ଅଇଲି, ବିଜ୍‌ଲି ଚଡ୍‌ଚଡ୍‌ଲି, ଆର୍ ବୁମିକମ୍ପ ଅଇଲି।