ଜାକୁବ 5:16 - ବ୍‌ଡ଼୍ ହ୍‌ର୍‌ଜା ବାଇବଲ

¹⁶ ତୁମି କ୍‌ରିରିଲା ପାପ୍‌ସ୍‌ବୁ ନିଜାର୍ ନିଜାର୍ ବିତ୍‌ରେ ମାନା, ତାର୍ ହ୍‌ଚେ ନିଜାର୍ ନିଜାର୍ ହାଇଁ ପାର୍‌ତେନା କ୍‍ରା, ଇଶ୍ଵର୍ ଜ୍‌ନ୍‌କ୍‌ରି ତୁମୁକ୍‌ମ୍‌ନ୍ ବ୍‌ଲ୍‌କ୍‍ରି ଦ୍‌ଇଦ୍। ଦ୍‌ରମି ଲକାର୍‌ ପାର୍‌ତେନା ସ୍‌ବୁ ସାଦନ୍ କ୍‍ରି ହ୍‌ରେଦ୍‌

ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

¹⁶ ତଃବେ, ଏକ୍‌ ଆରେକାର୍‌ ଚଃମେ ଅଃହ୍‌ଣା ଅଃହ୍‌ଣାର୍‌ ହାହ୍‌ ମାନିଜଃହା, ଆରେକ୍‌ ଉଜ୍‌ ଅଃଉଁକେ ଏକ୍‌ଆରେକାର୍‌ ଗିନେ ପାର୍ତନା କଃରା । ଦଃର୍ମି ଲକାର୍‌ ପାର୍ତ୍‌ନା ଗାଦେକ୍‌ କାମ୍‌ ସାଦୁନ୍‌ କଃରୁ ହାରେ ।

ଜାକୁବ 5:16 ပူးပေါင်းရင်းမြစ်များ

ମାତିଉ 21:22

ଆରେକ୍‌, ବିଶ୍‌ବାସ୍‌ କ୍‍ରି ପାର୍‌ତେନା କ୍‍ରା ଯାଇରି ହେଁ ମାଗାସ୍, ସେ ସ୍‍ବୁ ହାଉଆସ୍।”

ମାତିଉ 3:6

ଆରେକ୍‌ ନିଜାର୍ ନିଜାର୍ ପାପ୍ ମାନ୍‍ଲାକେ ଯୋହନ୍ ସେମ୍‍ନ୍‍‍କେ ଯର୍ଦନ୍ ଗାଡେ ଡୁବେନ୍ ଦିଲା।

ମାର୍କ 1:5

ସେଡେବ୍‍ଳ୍ ସ୍‍ବୁ ଯିହୁଦା ଜିଲା ଆର୍ ସ୍‍ବୁ ଯିରୁଶାଲମ୍‌ ସ୍‍ହର୍‍ ଲ୍‌ଗେ ହ୍‍ଣି ବେସିଲକ୍ ବାରିଆସି ଯହନାର୍ ପର୍‍ଚାର୍ ଶୁଣୁକେ ବାଲିଆ ବ୍‍ଟାଲ୍‌ଗେ ଆସୁକେ ଲାଗ୍‍ଲାଇ, ଜ୍‌ଡେବ୍‌ଳ୍ ସେମ୍‍ନ୍ ନିଜାର୍ ପାପ୍‌କେ ମାନ୍‍ଲାଇ ସେଡେବ୍‍ଳ୍ ଯୋହନ୍ ସେମ୍‍ନ୍‍‍କେ ଯର୍ଦନ୍ ଗାଡେ ଡୁବେନ୍ ଦିଲା।

ଲୁକ ଲେକ୍‌ଲା ଜିସୁ କ୍ରିସ୍ଟର୍‌ ନିକ କବୁର୍‌ 9:6

ସେଡେବ୍‍ଳ୍ ହ୍‌ଟାଇଲା ଲକ୍‍ମ୍‍ନ୍ ସେତିହ୍‍ଣି ଗ୍‍ଲାଇ, ଆର୍ ଗାମ୍ ଗାମ୍‍କେ ବୁଲି ବୁଲିକ୍‍ରି ଇଶ୍ବରାର୍‌ ସୁବ୍‌କ୍‌ବର୍ ପର୍‍ଚାର୍ କ୍‌ଲାଇ, ଆର୍ ସ୍‍ବୁ ଜାଗାଇ ରଗିମ୍‍ନ୍‍କେ ନିକା କ୍‌ଲାଇ।

ଜହନ୍‌ 9:31

ଅମିମ୍‍ନ୍ ଜାଣୁନ୍ଦ୍ ଯେ ଇଶ୍ୱର୍‌ ପାପିମ୍‍ନ୍‌‍କାର୍ କ୍‌ତା ନ୍‍ଶୁଣେ। ମ୍‍ତର୍ ବକ୍ତ ଲକ୍ ଇଶ୍ଵର୍‍କେ ଡିର୍‍ତି ଆର୍ ତାର୍ ଇଚାହର୍ କାମ୍ କ୍‌ର୍‌ତି, ସେମ୍‍ନ୍‍କାର୍ କ୍‌ତା ହ୍‌କା ସେ ଶୁଣେଦ୍।

ପେରିତ୍‌ 10:38

ବଲେକ୍ ତୁମିମ୍‍ନ୍ ନାଜରିତିୟ ଯୀଶୁର୍ କ୍‌ତା, କ୍‍ନ୍‍କ୍‍ରି ଇଶ୍ୱର୍‌ ତାକେ ପବିତର୍ ଆତ୍ମା ଆର୍ ତାର୍ ଶ୍‌କ୍‌ତି ଦ୍‌ଇରିଲା। ଆର୍ ସେ ବ୍‌ଲ୍‌କାମ୍ ସ୍‌ବୁ କ୍‍ରି କ୍‍ରି, ଶଇତାନାର୍ ଜାଲେ ହ୍‌ଡିରିଲା ଲକ୍‌ମ୍‍ନ୍‌କେ ସ୍‍ବୁହାକ୍ ବୁଲି ବୁଲି ବ୍‌ଲ୍‌କ୍‍ଲା, କାଇତାକ୍ ଇଶ୍ୱର୍‌ ତାର୍‌ସ୍‍ଙ୍ଗ୍‍ ରିଲା ଲାଗି।

ପେରିତ୍‌ 19:18

ଆରେକ୍‌ ବିଶ୍‍ବାସିମ୍‌ନ୍‌କାର୍ ବିତ୍‌ରେ ବେସି ଲକ୍‍ମ୍‍ନ୍ ଆସି ନିଜାର୍ ନିଜାର୍ କ୍‍ରାପ୍ କାମ୍ ମାନ୍‌ଲାଇ ଆର୍ ଜାଣାଇ କ୍‍ରି କଇଲାଇ,

ପେରିତ୍‌ 8:24

ସେତାର୍‌ଲାଗି ଶିମୋନ୍ ଉତର୍‍ଦିଲା, “ତୁମିମ୍‍ନ୍ ଜୁଇରି ଜୁଇରି କଇଲାସ୍ ସେତାର୍ କାଇ ବିଷଇ ଜ୍‌ନ୍‌କ୍‌ରି ମର୍‌ହାଇଁ ଗ୍‌ଟିନ୍‌କେରେ, ସେତାର୍‌ଲାଗି ତୁମିମ୍‍ନ୍ ମର୍‌ହାଇଁ ମାପ୍‌ରୁର୍ ତ୍‌ଇ ପାର୍‌ତେନା କ୍‍ରା।”

ରୋମୀୟ 3:10

ଜ୍‌ନ୍‌କ୍‌ରି ଲେକାଆଚେ “ଦ୍‌ର୍‌ମି ଲକ୍ କେ ନାଇ, ଏକ୍‌ଲା ହେଁ ନାଇ,

ରୋମୀୟ 5:19

ଗଟେକ୍ ଲକ୍ ଇଶ୍ୱର୍‌କେ ନ୍‌ମାନ୍‌ଲା ଆର୍ ବେସିଲକ୍ ପାପି ଅଇଗ୍‌ଲାଇ। ମ୍‍ତର୍ ସେନ୍‌କାର୍ ଗଟେକ୍ ଲକ୍ ଇଶ୍ୱର୍‌କେ ମାନ୍‌ଲା ଆର୍ ବେସିଲକ୍ ଦ୍‌ର୍‌ମି ଅଇଜାତି।

କଲସୀୟ 1:9

ସେତାର୍‍ଗିନେ ତୁମାର୍ ବିଷୟ୍ ଶୁଣ୍‌ଲା ଦିନ୍‌ହ୍‌ଣି ଅମି ତୁମାର୍ ଗିନେ ପାର୍‌ତେନା କ୍‌ରୁଲୁ। ପବିତର୍ ଆତ୍ମା ଦ୍‌ଇରିଲା ସ୍‌ବୁ ଗ୍ଯାନ୍ ଆର୍ ବୁଜ୍‌ତାର୍‌ ଶ୍‌କ୍‌ତିର୍‌ ସ୍‌ଙ୍ଗ୍ ତୁମିମ୍‍ନ୍ ଇଶ୍ଵରାର୍ ଇଚା ସ୍‌ବୁ ଜାଣୁ ହାରୁଲାସ୍।

୧ ତେସଲନିକି 5:17

ସ୍‌ବୁବ୍‌ଳ୍ ପାର୍‌ତେନା କ୍‍ରା।

୧ ତେସଲନିକି 5:23

ଇଶ୍ଵର୍ ଲ୍‌ଗେ ଅମି ଇରି ପାର୍‌ତେନା କ୍‌ରୁନ୍ଦ୍ ଯେ ସେ ଶାନ୍‌ତିର୍ ଇଶ୍ଵର୍ ତୁମୁକ୍‌ମ୍‌ନ୍ ପବିତର୍‌ କ୍‌ର ଆର୍ ହୁରା ବାବ୍‌ରେ ତାର୍ ନିଜାର୍ କ୍‍ରି ନେଅ, ଅମି ପାର୍‌ତେନା କ୍‌ରୁନ୍ଦ୍ ଯେ, ଅମାର୍ ମାପ୍‌ରୁ ଯୀଶୁ ଖ୍ରୀଷ୍ଟ ଆସ୍‌ତାବ୍‌ଳ୍ ତୁମାର୍‌ମ୍‌ନାର୍‌ ସ୍‌ବୁ ଆତ୍ମା, ଜୀବନ୍ ଆର୍ ଗ୍‌ଗାଳ୍ ଦସିନ୍‌ରିଲା ଲକ୍ ହ୍‌ର୍ ର୍‌କ୍ଷା ଅଉଅ।

୧ ତେସଲନିକି 5:25

ଏ ମର୍ ବାଇ ଆର୍ ବେଣିମ୍‌ନ୍ ଅମାର୍ ହାଇଁ ପାର୍‌ତେନା କ୍‍ରା।

ଏବ୍ରି 11:4

ବିଶ୍ବାସାର୍ ଲାଗି ହେବଲ୍ କଇନାର୍ ତ୍‌ଇହ୍‌ଣି ବ୍‍ଲ୍ ବେଟିଦାନ୍ ଇଶ୍ଵର୍‍କେ ଦେଇରିଲା, ତାର୍ ବିଶ୍ବାସ୍ ଲାଗି ସେ ଦାର୍‌ମିକ୍ ଲକ୍‌ବ୍‌ଲି ଜାଣା ହ୍‌ଳ୍‌ଲା, କାଇତାକ୍ ଇଶ୍ଵର୍ ନିଜେ ତାର୍ ବେଟିଦାନ୍ ମ୍‌ନ୍ କ୍‌ରିରିଲା, ତାର୍ ବିଶ୍ବାସ୍ ଲାଗି ହେବଲ୍ ମ୍‌ରି ରିଲେକ୍ ହେଁ ଅବେହ୍‌ତେକ୍ ଜୀବନ୍ ଆଚେ।

ଏବ୍ରି 11:7

ବିଶ୍ବାସ୍ ଲାଗି ନୋହ ନ୍‍ଦେକ୍‍ତା ଗଟଣାର୍ ବିଷୟେ ଇଶ୍ଵରାର୍ ତ୍‌ଇହ୍‌ଣି ଜାଗ୍‌ରତ୍ ଅଉତା କ୍‌ତା ଶୁଣିରିଲା, ସେ ଇଶ୍ଵରାର୍ ଆଦେଶ୍ ମାନିକ୍‌ରି ଗଟେକ୍ ଜାଜ୍ ତିଆର୍ କ୍‌ରିରିଲା। ସେତି ସେ ଆର୍ ତାର୍ ଗ୍‍ରାର୍ ଲକ୍‍ମ୍‍ନ୍ ଉଦାର୍‌ ହାଇରିଲାଇ, ମ୍‌ତର୍ ନୋହ ଜ୍‍ଗତ୍‌କେ ଚାଡି ତାର୍ ବିଶ୍ବାସ୍ ଲାଗି ଦ୍‌ର୍‌ମାର୍ ଇନାମ୍ ହାଇଲା।

ଏବ୍ରି 12:13

ଆରେକ୍‌ ସିଦାବାଟେ ଇଣ୍ତା ତ୍‌ବେ ଚଟା ଗଡ୍ କାଇ ନଇକ୍‌ରି ବ୍‍ଲ୍ ର୍‌ଇଦ୍।

ଏବ୍ରି 13:18

ଅମାର୍ ଗିନେ ପାର୍‌ତେନା କ୍‍ରା, କାଇତାକ୍ ଅମାର୍ ମ୍‌ନ୍ ନିର୍‌ମୁଳ୍ ଆଚେ ଇରି ଅମି ନିଜ୍‌କ୍‌ରି ଜାଣୁଲୁ, ଅମିମ୍‌ନ୍ ସ୍‌ବୁବ୍‌ଳ୍ ସ୍‌ତ୍‌କାମ୍ କ୍‌ରୁକେ ଇଚା କ୍‌ରୁଲୁ।

1 ପିତର୍ 2:24

କୁର୍‍ଶକାଟ୍ ଉହ୍‌ରେ ଯୀଶୁ ଅମାର୍ ପାପ୍‌ସ୍‌ବୁ ନିଜାର୍ ଗ୍‌ଗାଳ୍ ଉହ୍‌ରେ ବଇ ନିଲା। ସେ ଇରି କ୍‍ଲା ଜ୍‌ନ୍‌କ୍‌ରି ଅମି ପାପ୍ ହାଇଁ ମ୍‌ରୁନ୍ଦ୍‌, ଜାଇରି ସ୍‌ତ୍ ତାର୍ ହାଇଁ ଜୀବନ୍ ରେମା। ଯୀଶୁର୍ ଗ୍‌ଗାଳ୍ କ୍‌ଣ୍ତିଆ କାବ୍‍ରା ଅଇଲାକେ ତୁମିମ୍‍ନ୍ ବ୍‍ଲ୍ ଅଇଲାସ୍।

୧ ଜହନ୍‌ 3:22

ଅମି ଜାଇରି ତାର୍ ତ୍ଇହ୍‍ଣି ମାଗୁନ୍ଦ୍, ସେରି ଅମି ତାର୍ ତ୍ଇହ୍‍ଣି ହାମ୍‌ନ୍ଦ୍‌। ଅମି ତାର୍ ଆଦେଶ୍ ମାନୁନ୍ଦ୍‌ ଆରେକ୍‌ ଅମି ସେ କାମ୍ କ୍‌ରୁନ୍ଦ୍, ଜାଇରି ତାକେ ସ୍‌ର୍‌ଦା କ୍‍ରେଦ୍।