ପେରିତ୍‌ 8:5 - ବ୍‌ଡ଼୍ ହ୍‌ର୍‌ଜା ବାଇବଲ

⁵ ଆରେକ୍‌ ଫିଲିପ୍ପ ଶମିରୋଣାର୍ ବ୍‍ଡ୍ ସ୍‌ହରେ ଗ୍‍ଲା ଆର୍ ଲକ୍‌ମ୍‌ନ୍‌କାର୍‌ ଲ୍‌ଗେ ଖ୍ରୀଷ୍ଟର୍ ବିଷୟେ ପର୍‍ଚାର୍ କ୍‍ଲା।

ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

⁵ ଆରେକ୍‌ ପିଲିପ୍ ସମିରଣକେ ଜାୟ୍‌ ବଃଡ୍ ବଃଡ୍ ଗଃଳାର୍‌ ଲକ୍‌ମଃନ୍‌କେ କ୍ରିସ୍ଟର୍‌ କଃତା ପର୍ଚାର୍‌ କଃରୁକେ ଦଃର୍ଲାୟ୍‌ ।

ପେରିତ୍‌ 8:5 ပူးပေါင်းရင်းမြစ်များ

ପେରିତ୍‌ 1:8

ମ୍‍ତର୍ ଜ୍‌ଡେବ୍‌ଳ୍ ପବିତର୍ ଆତ୍ମାର୍ ଶ୍‌କ୍‌ତି ତୁମାର୍ ଉହ୍‍ରେ ଆସେଦ୍, ସ୍‌ଡେବ୍‌ଳ୍ ତୁମିମ୍‍ନ୍ ଶ୍‌କ୍‌ତିୟେ ହୁରା ଅଉଆସ୍, ଆର୍ ଯିରୁଶାଲମ୍‌ ସ୍‌ହରେ, ସ୍‌ବୁ ଯିହୁଦା ଜିଲା ଆର୍ ଶମିରୋଣୀୟ ଜିଲା, ଆରେକ୍‌ ହୁର୍‌ତିବିର୍ ବିନ୍‌ସ୍‌ବୁ ଦେଶେ ମର୍ ବିଷୟେ ଲକ୍‌ମ୍‍ନ୍‌କେ କ୍‌ଉଆସ୍।”

ପେରିତ୍‌ 21:8

ତାର୍ ଆରେଗଟ୍ ଦିନ୍ ସେ ଜାଗାଚାଡି ଅମିମ୍‍ନ୍ କାଇସରିୟା ସ୍‌ହରେ ଗ୍‌ଲୁ। ବିଦବାମ୍‌ନ୍‌କେ ସେବା କ୍‌ରୁକେ ଜୁଇ ସାତ୍ ଲକ୍‌କେ ଯିରୁଶାଲମ୍‌ ସ୍‌ହରେ ବାଚି ରିଲାଇ ସେ ବିତ୍‌ରେ ଏ ଫିଲିପ୍ପ ରିଲା। ସୁବ୍‌କ୍‌ବର୍ ପର୍‍ଚାର୍ କ୍‌ର୍‌ତାଲକ୍ ଫିଲିପ୍ପାର୍ ଗ୍‍ରେ ଗ୍‍ଲାଇ ତାର୍‌ସ୍‍ଙ୍ଗ୍‍ ରିଲାଇ।

ପେରିତ୍‌ 5:42

ଆର୍ ସେସ୍‍ବୁ ବିଶ୍‍ବାସିମ୍‌ନ୍‌ ସ୍‌ବୁଦିନ୍ ମନ୍ଦିରେ ଆର୍ ଗ୍‍ରେ ଗ୍‍ରେ ଯୀଶୁ ଖ୍ରୀଷ୍ଟର୍ ସୁବ୍‌କ୍‌ବର୍ ପର୍‍ଚାର୍ କ୍‌ର୍‌ତି ରିଲାଇ, ଆର୍ ଶିକ୍ୟା ଦେତିରିଲାଇ।

ପେରିତ୍‌ 6:5

ତ୍‍ବେ ମ୍‌ଣ୍ଡଳିର୍ ବିଶ୍‍ବାସିମ୍‌ନ୍‌ ହ୍‌ଟାଇଲା ଚେଲାମ୍‌ନ୍‌କାର୍ କ୍‌ତାଇ ରାଜି ଅଇଲାଇ, ବିଶ୍‍ବାସ୍ ଆର୍ ପବିତର୍ ଆତ୍ମାଇ ବର୍‌ତି ଅଇରିଲାର୍ ସ୍ତିଫାନ୍ ନାଉଁର୍ ଗଟେକ୍ ମାନାଇ, ଫିଲିପ୍ପ, ପ୍ରଖରେ, ନୀକାନୋର୍, ତୀମୋନ୍, ପାମନା ଆର୍ ଅନ୍ତିୟଖିଆର୍ ଯିହୁଦି ଅଇରିଲାର୍ ନୀକଲାୟକେ ସେମ୍‍ନ୍ ବାଚ୍‌ଲାଇ,

ପେରିତ୍‌ 8:1

ଶାଉଲ ସ୍ତିଫାନାର୍ ମ୍‌ର୍‌ନ୍‌ କେ ଟିକ୍ ବ୍‌ଲି କ୍‌ଉତିରିଲା, ସେଦିନ୍ ହ୍‍ଣି ଯିରୁଶାଲମ୍‌ ସ୍‌ହରେ ରିଲା ମ୍‌ଣ୍ତଳିର୍ ବିଶ୍‍ବାସିମ୍‌ନ୍‌କେ ଯିହୁଦିମ୍‍ନ୍ ବେସି ଲିନ୍ଦା ତାଳ୍‌ନା କ୍‌ଲାଇ। ତ୍‍ବେ ହ୍‌ଟାଇଲା ଚେଲାମ୍‌ନ୍ ଆର୍ ଅଲ୍‍ଗା ବିଶ୍‍ବାସିମ୍‌ନ୍‌ ଯିହୁଦା ଆର୍ ଶମିରୋଣୀଆ ଚାରିବାଟ୍ ଚିନ୍‍ବିନ୍ ଅଇ ହ୍‌ଳାଇଲାଇ।

ପେରିତ୍‌ 8:26

ହ୍‌ଚେ ମାପ୍‌ରୁର୍ ଗଟେକ୍ ଦୂତ୍ ଫିଲିପ୍ପ କଇଲା, “ଉଟ୍‌ ଦକିଣ ଦିଗ୍ ଜୁଇବାଟ୍ ଯିରୁଶାଲମ୍‌ ସ୍‌ହରେ ହ୍‍ଣି ଗ୍‌ଜା ସ୍‌ହର୍‌ ବାଟ୍ ଅଦ୍‍ରି ଆଚେ, ସେ ବାଟ୍‌କେ ଜ୍‌ହା ସେରି ଶୁନ୍‌ସାନ୍ ଜାଗା।”

ପେରିତ୍‌ 8:30

ସେତାର୍‌ଲାଗି ଫିଲିପ୍ପ ଦ୍‍ବ୍‍ଳି ଜାଇ ର୍‌ତ୍‌ ଲ୍‌ଗେ ହଚ୍‌ଲା ଆର୍ ଯିଶାଇୟ ବବିଶତ୍ କ୍‌ତା କ୍‌ଉତା ଲକାର୍ ଶାସ୍‌ତର୍ ହାଟ୍ ହଳ୍‍ତି ରିଲାର୍ ଶୁଣି ହ୍‌ଚାର୍‌ଲା, “ତୁଇ ଜାଇରି ହ୍‌ଳୁଲିସ୍, ସେରି କାଇରି ବୁଜୁଲିସ୍‌?”

ପେରିତ୍‌ 8:40

ମ୍‍ତର୍ ଫିଲିପ୍ପ ଅଷ୍‌ଦୋଦ୍ ସ୍‌ହରେ ଲ୍‌ଗେ ଆଚେ ବ୍‍ଲି ଜାନ୍‌ଲା, ସେତିହ୍‍ଣି କାଇସରିୟା ଦେଶେ ଜ୍‌ମ୍ ଜ୍‌ମ୍ ଜାତାବାଟେ ରିଲା ସ୍‌ହର୍‌ମ୍‌ନ୍‌କେ ସେ ସୁବ୍‌କ୍‌ବର୍ ପର୍‍ଚାର୍ କ୍‍ଲା।

ପେରିତ୍‌ 8:6

ଆର୍ ସେତିର୍ ଲକ୍‍ମ୍‍ନ୍ ଫିଲିପ୍ପାର୍ କ୍‌ତାଶୁଣି ଆର୍ ଚମ୍‌ତ୍‍କାର୍ କାମ୍ ସ୍‍ବୁ ଦ୍‌ରିକ୍‌ରି ଆରେକ୍‌ ତାର୍‌କ୍‍ତା ଶୁଣୁକେ ମ୍‌ନ୍‌କ୍‌ଲାଇ।

ପେରିତ୍‌ 9:20

ଆରେକ୍‌ ଯୀଶୁ ଯେ ଇଶ୍ଵରାର୍ ହଇସି ଇରି ସେ ବେଗିଆସି ପାର୍‌ତେନା ଗ୍‍ର୍‍ଲ୍‌ଗେ ପର୍‍ଚାର୍ କ୍‌ରୁକେ ଲାଗ୍‌ଲା।

୧ କରନ୍ତି 1:23

ମ୍‌ତର୍ ଅମିମ୍‌ନ୍ କୁର୍‍ଶକାଟେ ମ୍‌ଲା ଖ୍ରୀଷ୍ଟର୍ ପର୍‍ଚାର୍ କ୍‌ରୁଲୁ, ଇ କ୍‌ବର୍ ଯିହୁଦିମ୍‌ନ୍‌କେ ବାଦା ଦେମ୍‌ଲି, ଆର୍ ଯିହୁଦି ଚାଡି ବିନ୍‍ଜାତି ଲକ୍‌ମ୍‌ନ୍‌କାର୍‌ ଗିନେ ମୁର୍‌କ ଅମ୍‌ଲି।

୧ କରନ୍ତି 2:2

ମ୍‌ତର୍ ଜ୍‌ଡେବ୍‌ଳ୍ ମୁଇ ତୁମାର୍ ସ୍‌ଙ୍ଗ୍ ରେତିରିଲେ ସ୍‌ଡେବ୍‌ଳ୍ ମୁଇ ଯୀଶୁ ଖ୍ରୀଷ୍ଟର୍ ଆର୍ ତାର୍ କୁର୍‍ଶକାଟେ ମ୍‌ଲା କ୍‌ତାକେ ବେସି କଇରିଲେ ତାର୍ ବିନା ଆରେକ୍‌ ବିନ୍‌କୁଇ ବିଷୟ୍ ମୁଇ ଜାଣୁକେ ମ୍‌ନ୍‌କ୍‌ରି ନ୍‌ରିଲେ।

୧ କରନ୍ତି 3:11

କାଇତାକ୍ ଇଶ୍ଵର୍ ଯୀଶୁ ଖ୍ରୀଷ୍ଟକେ ଗଟେକ୍ ହ୍‌କା କୁନାଦି କ୍‍ରି ର୍‌କିଆଚେ, ଆର୍ ତାର୍ ବାଦୁଲେ କେ ହେଁ ବିନ୍‌କୁଇ କୁନାଦି କ୍‌ରୁନାହାର୍‌ତି।