2 ପିତର୍ 1:20 - ବ୍‌ଡ଼୍ ହ୍‌ର୍‌ଜା ବାଇବଲ

²⁰ ତୁମିମ୍‍ନ୍ ଜାଣିରିଆ ଯେ, ଦ୍‌ର୍‌ମ୍ ଶାସ୍‌ତରେ ଲେକା ଅଇରିଲା ବାବବାଣି ଇରି ମାନାଇ ନିଜାର୍ ଶ୍‌କ୍‌ତିଏ କଇଲା କ୍‌ତା ନଇ।

ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

²⁰ ହଃର୍ତୁ ଇରି ଜାଣା ଜେ, ସାସ୍ତରାର୍‌ କୁୟ୍‌ ହେଁ ବଃଚନ୍ ଅଃଲ୍‌ଗା ବାବେ ବାଡାୟ୍‌କଃରି କଃଉତା ବିସୟ୍‌ ନଃୟ୍‌ ।

2 ପିତର୍ 1:20 ပူးပေါင်းရင်းမြစ်များ

ରୋମୀୟ 12:6

ଆରେକ୍‌, ଅମିମ୍‌ନ୍‌ ଇଶ୍ଵରାର୍ ଦୟାରେ‌ ବିନ୍‌ବିନ୍ ଦାନ୍ ହାଇଆଚୁ, ସେତାକ୍ ଯଦି କାକେ ବବିସତ୍ କ୍‌ଉତା ଦାନ୍ ମିଳିଆଚେ, ସେନ୍‌ଅଇଲେକ୍ ସେ ନିଜାର୍ ବିଶ୍‍ବାସ୍ ଅନୁସାରେ ବବିସତ୍ କ୍‌ତା କ୍‌ଉଆ।

ରୋମୀୟ 13:11

ମୁଇ ଇସ୍‌ବୁ କ୍‌ତା କ୍‌ମ୍‌ଲେ, କାଇତାକ୍ ଅମାର୍ ଇ ସ୍‌ମୟ୍ ବେସି ମୁଲ୍ୟବାନ୍। ନିଦାର୍ ତ୍‌ଇହ୍‌ଣି ଜାଗ୍‌ରତ୍ ଅଉତାର୍ ସ୍‌ମୟ୍ ଅମ୍‌ଲି। ଆଗାର୍ କାଳାର୍ ବିଶ୍‍ବାସ୍ କ୍‌ର୍‌ତା ବାଟା ଅବେ ଅମି ଉଦାର୍‌ ହାଉତା ସ୍‌ମୟ୍ ଲ୍‌ଗେ ଆସିଆଚେ।

ରୋମୀୟ 6:6

ଅମି ଜାଣୁ ଯେ ଅମାର୍ ଆଗାର୍ ପାପାର୍‌ ଜୀବନ୍ ଖ୍ରୀଷ୍ଟର୍ ସ୍‌ଙ୍ଗ୍ କୁର୍‍ଶକାଟ୍ ଉହ୍‌ରେ ତାର୍‌ସ୍‍ଙ୍ଗ୍‍ ମ୍‌ରି ଯାଇ ଆଚୁ। ଅମାର୍ ପାପ୍ ବ୍‌ର୍‌ତି ଗ୍‌ଗାଳ୍ ଅମାର୍ ଉହ୍‌ରେ ରାଜ୍ ନ୍‌କେର୍‌ତା ହାଇଁ ଅନ୍‌କାର୍ ଗଟ୍‌ଲି। ତାର୍ ହ୍‌ଚେ ଅମି ପାପାର୍ ଚାକର୍‌ ଅଇନ୍‌କେରୁ।

୧ ତିମତି 1:9

ଅମି ଇରିହେଁ ଜାଣୁଲୁ ଯେ, ବ୍‍ଲ୍ ଲକେ କାଇ ନିୟମ୍ ଦ୍‌ର୍‌କାର୍ ନାଇ, ଜୁଇ ଲକ୍‌ମ୍‌ନ୍‌ ନିୟମ୍‌କେ ବିରଦ୍ କ୍‌ର୍‌ତି ଆର୍ ନିୟମ୍‌କେ ନ୍‌ମାନ୍‌ତି, ସେମ୍‍ନ୍‍କାର୍ ଗିନେ ଇ ନିୟମ୍ ତିଆର୍ ଅଇଲିଆଚେ, ଜୁଇ ଲକ୍‌ମ୍‌ନ୍‌ ଇଶ୍ଵରାର୍ ବିରଦି ଆର୍ ପାପି, ଆର୍ ଅଶୁଚି ଲକ୍, ଅଦର୍ମି, ଉବା ଆୟାକେ ମାର୍‌ତା ଲକ୍, ଆର୍ ମାନାଇ ମାର୍‌ତା ଲକ୍।

୨ ତିମତି 3:16

ସ୍‌ବୁ ଦ୍‌ର୍‌ମ୍ ଶାସ୍‌ତର୍ ଇଶ୍ଵରାର୍ ଆଦେଶ୍ ହର୍ ଲେକା ଅଇଲିଆଚେ ଆର୍ ସେସ୍‌ବୁ ସ୍‌ତ୍ ଶିକ୍ୟା ଦେତାର୍ ଗିନେ ବେସି ଲଡାଆଚେ, ସେରି ବୁଲ୍‌କଲେକ୍‌ ଚେତାଇ ଦ୍‌ଇଦ୍, ସେରି ବୁଲ୍‌କେ ଟିକ୍ କ୍‍ରେଦ୍। ଆର୍ ଟିକ୍‌ବାବେ ବାଚୁକେ ଆଦେଶ୍ ଦ୍‌ଇଦ୍।

ଜାକୁବ 1:3

କାଇତାକ୍ ତୁମି ଜାଣିଆଚାସ୍ ଯେ, ଇ ଅସୁବିଦାମ୍‌ନ୍ ତୁମାର୍ ବିଶ୍‍ବାସ୍‍କେ ପରିକ୍ୟା କ୍‍ରେଦ୍, ଆର୍ ଇ ସ୍‌ବୁ ତୁମୁକ୍ ସାସ୍ ବାଡାଇଦ୍‌।

2 ପିତର୍ 3:3

ହ୍‌ର୍‌ତୁ ତୁମିମ୍‍ନ୍ ଜାଣ୍‌ତାର୍ ଦ୍‌ର୍‌କାର୍, ଯେ ସ୍‌ରାସ୍‌ରି ଦିନ୍ ଯୀଶୁ ଖ୍ରୀଷ୍ଟ ଆସ୍‌ତା ଆଗ୍‍ତୁ ତୁମି ଯୀଶୁ ଖ୍ରୀଷ୍ଟ ଆର୍ ତରେକ୍ ଆସେଦ୍ ବ୍‌ଲି ବିଶ୍ବାସ୍ କ୍‍ରୁଲାସ୍ ଲାଗି କ୍‍ତେକ୍ ଲକ୍‍ମ୍‍ନ୍ ତୁମୁକେ ଇନସ୍ତା କ୍‌ର୍‌ତି। କାଇତାକ୍ ନିଜାର୍ ନିଜାର୍ ସ୍‌ର୍‌ଦା ଦେତା କ୍‌ରାପ୍‌କାମେ ଅବିଆସ୍ ଆତ୍‍ତି।