1 ପିତର୍ 2:17 - ବ୍‌ଡ଼୍ ହ୍‌ର୍‌ଜା ବାଇବଲ

¹⁷ ସ୍‌ବ୍‌କେ ସନ୍‌ମାନ୍ ଦିଆସ୍। ସ୍‌ବୁ ଖ୍ରୀଷ୍ଟାନ୍ ବାଇ ବେଣିମ୍‌ନ୍‌କେ ଲାଡ୍‌କ୍‌ରା। ଇଶ୍ଵର୍‍କେ ଡିରା ଆର୍ ର୍‌ଜାକେ ସନ୍‌ମାନ୍ ଦିଆସ୍।

ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

¹⁷ ସଃବ୍‌କେ ଲାଡ୍‌ କଃରା, ବିସ୍ୱାସି ବାୟ୍‌ବେଣିମଃନ୍‌କେ ମାୟ୍‌ନ୍‌ ଦଃକାଉଆ । ଇସ୍ୱର୍‌କେ ଡିରା, ରଃଜାକେ ମାୟ୍‌ନ୍‌ କଃରା ।

1 ପିତର୍ 2:17 ပူးပေါင်းရင်းမြစ်များ

ମାତିଉ 22:21

ସେମ୍‍ନ୍ କଇଲାଇ, “କାଇସର୍ ର୍‍ଜାର୍।” ସେତିର୍ ଲାଗି ଯୀଶୁ ସେମ୍‍ନ୍‍‍କେ କଇଲା, “ଯାଇରି କାଇସରାର୍ ର୍‍ଜାର୍, ସେରି କାଇସର୍ ର୍‌ଜାକେ ଦିଆସ୍। ଆରେକ୍‌, ଯାଇରି ଇଶ୍ଵର୍‌ରାର୍‌, ସେରି ଇଶ୍ଵର୍‍କେ ଦିଆସ୍।।”

ଜହନ୍‌ 13:35

ଯଦି ତୁମିମ୍‍ନ୍ ତୁମାର୍ ତୁମାର୍ ବିତ୍‌ରେ ଲାଡ୍ କ୍‌ରାକ୍‌ରି ଅମ୍‍ଲାସ୍ ତ୍‍ବେ ସ୍‍ବୁ ଲକ୍‍ମ୍‍ନ୍ ଜାଣ୍‌ତି ଯେ ତୁମିମ୍‍ନ୍ ମର୍ ଚେଲାବ୍‍ଲି।”

ରୋମୀୟ 12:10

ବାଇ ଆର୍ ବେଣି ହ୍‌ର୍ ଅଇ ମିଶି ର୍‌ଇ ଏକ୍‍ଲା ଆର୍ ଗଟେକ୍ ଏକ୍‍ଲାକେ ଦୟା ସ୍‌ଙ୍ଗ୍ ଲାଡ୍‌କ୍‌ରା। ତୁମି ନିଜେ ଜ୍‌ତେକ୍ ସନ୍‌ମାନ୍ ହାମ୍‌କେ ମ୍‌ନ୍ କ୍‍ରାସ୍ ତାର୍ ତ୍ଇହ୍‍ଣି ଅଦିକ୍ ସନ୍‌ମାନ୍ ଇ ବାଇ ବେଣିମ୍‌ନ୍‌କେ ଦିଆସ୍।

ରୋମୀୟ 13:7

ସମାଜେ ଜାର୍ ଜାଇରି ଦ୍‌ର୍‌କାର୍ ତାକେ ସେରି ଦିଆସ୍। ଜାକେ ସିସ୍‌ତୁ ଦେତା କ୍‌ତା, ତାକେ ସିସ୍‌ତୁ ଦିଆସ୍, ଜାକେ ଡିର୍‌ତା କ୍‌ତା ଡିରା, ଜାକେ ସନ୍‌ମାନ୍ କ୍‌ର୍‌ତା କ୍‌ତା, ତାକ୍ ସନ୍‌ମାନ୍ କ୍‍ରା।

୨ କରନ୍ତି 7:1

ତ୍‌ବେ, ଏ ମର୍‌ ଲାଡାର୍ ବାଇମ୍‌ନ୍, ଇରିସ୍‌ବୁ ଶପତ୍ ହାଇରିଲାର୍ ଲାଗି ଆଶା ଅମିମ୍‌ନ୍ ଅମାର୍ ଗ୍‌ଗାଳ୍ ଆର୍ ଆତ୍ମା ସ୍‌ବୁ ଅଚୁଆ ତ୍ଇହ୍‍ଣି ନିର୍‌ମୁଳ୍ କ୍‍ରି ଇଶ୍ଵର୍‍କେ ଡିରି ସ୍‌ନ୍‌ମାନ୍ ଦେଇ ପବିତର୍‌ ତ୍‌ଇ ସିଦ୍ ଅମା।

ଏପିସିୟ 5:21

ଖ୍ରୀଷ୍ଟକେ ଡିରିକ୍‍ରି ତୁମିମ୍‍ନ୍ ତୁମାର୍ ତୁମାର୍ ବିତ୍‌ରେ ମାନା ମାନି ଅଉଆ।

ପିଲିପିୟ 2:3

ନିଜାର୍ ଗିନେ କି ବ୍‌ଡ୍‌ହାଣ୍ ହାଇଁ କାଇରି ନ୍‌କେରା, ମ୍‍ତର୍ ଦ୍‌ର୍‌ମ୍ ବାବେ ତୁମି ଆର୍ ଗଟେଲକ୍‌କେ ତୁମାର୍ ଲ୍‌ଗେହ୍‍ଣି ଅଦିକ୍ ବ୍‍ଲ୍ ବ୍‌ଲି ମାନା।

୧ ତିମତି 6:1

ଜୁଇ ବିଶ୍‍ବାସି ଗତି ଦ୍‍ଙ୍ଗ୍‍ଳା, ତୁମିମ୍‍ନ୍ ନିଜାର୍ ନିଜାର୍ ସାଉକାର୍‍କେ ବ୍‌ଲ୍‌କ୍‍ରି ସନ୍‌ମାନ୍ ଦେତା ଦ୍‌ର୍‌କାର୍। ଜ୍‌ନ୍‌କ୍‌ରି ବିନ୍ ଲକ୍‍ମ୍‍ନ୍ ଇଶ୍ଵର୍‍କେ ଆର୍ ଅମାର୍ ଶିକ୍ଯାକେ କାଇ ଦସି ଦ୍‍ରୁ ନ୍‌ହାର୍‌ତି।

ଏବ୍ରି 13:1

ଖ୍ରୀଷ୍ଟାନ୍ ବାଇ ବେଣିମ୍‌ନ୍ ତୁମାର୍ ତୁମାର୍ ବିତ୍‌ରେ ଲାଡ୍ କ୍‌ରାକ୍‌ରି ଅଉତି ରିଆ, ଆର୍ ତୁମାର୍ ଗ୍‍ରେ ଆସ୍‌ତା ଲକ୍‌ମ୍‍ନ୍‌କେ କାମ୍‌କେ ହିମ୍‌କେ ଦିଆସ୍।

1 ପିତର୍ 1:22

ଅବେ ସ୍‌ତକେ ମାନ୍‌ତା ଦ୍ବାରା ତୁମିମ୍‍ନ୍ ନିଜେ ଜୀବନ୍‍କେ ପବିତର୍‌ କ୍‍ରିଆଚାସ୍। ତୁମିମ୍‍ନ୍ ତୁମାର୍‌ମ୍‌ନ୍‌କାର୍ ବିଶ୍‍ବାସି ବାଇ ଆର୍ ବେଣିମ୍‌ନ୍‌କେ ସ୍‌ତ୍ ଲାଡ୍ ଦ୍‌କାମ୍ ହାରାସ୍, ତ୍‌ବେ ହୁରା ବାବ୍‌ରେ ନିଜାର୍ ନିଜେ ଲାଡ୍‌କ୍‌ରା।

1 ପିତର୍ 2:13

ମାପ୍‌ରୁର୍‌ ଲାଗି ଇ ଜ୍‍ଗତେ ରେତା ଅଦିକାରିମ୍‌ନ୍‌କାର୍ କ୍‌ତା ମାନା। ସ୍‌ବ୍‌କେ ଗବର୍‍ନର୍ କ୍‌ତା ମାନା।

1 ପିତର୍ 5:5

ସେନ୍‌କାହ୍‌ର୍, ଏ ଦ୍‌ଙ୍ଗ୍‌ଳାମ୍‌ନ୍ ତୁମିମ୍‍ନ୍ ପାରାଚିନ୍ ଲକାର୍ କ୍‌ତା ମାନ୍‌ତା ଉଚିତ୍। ତୁମି ସ୍‌ବୁଲକ୍ ନିଜାର୍ ନିଜାର୍ ବିତ୍‌ରେ ଦ୍‌ର୍‌ମ୍ ବାବ୍‌ରେ ସାଇଜ କ୍‌ରାକ୍‌ରି ଅଉଆ। କାଇତାକ୍ ପବିତର୍‌ ଶାସ୍‌ତର୍ ତ୍‌ଇ ଲେକାଆଚେ “ଇଶ୍ଵର୍ ଆକାରିଆମ୍‌ନ୍‌କେ ତେବାଇ କ୍‍ରି ଦ୍‌ର୍‌ମ୍ ଲକ୍‌ମ୍‍ନ୍‌କେ ଦୟା କ୍‍ରେଦ୍।”