Yohaana 7:7 - Ila⁄imbidu Gu ⁄abu hari Burungaisoo

⁷ Hida gu khooroo hiidahhasiyaaiiba wakaraa unkuray. Ana hini wakiyay, sa gimba ana sigi ilatlatlaatlaw inay ambee, ibinaa dooina da tlakwi.

Yohaana 7:7 ပူးပေါင်းရင်းမြစ်များ

Luuka 6:26

Ha antayi qatlay hida goõ dangoó ilii dumbine unkuray, sa gimba okookoiĩ koina yaa teesaaqay hhaꞌaleesiri tletimiisee da afaꞌafuumaa.”

Yohaana 17:14

Ana sigiĩ kaay inay gimba googu, inay digigi waki ha hida gu khooroo, sa gimba inay ti hida gu khooroo gooba, da ana gooay, ti heedi gu khooroo gooba.

Yohaana 3:19

Hiĩ na hukumuu tuba, cencee yaa khaydi khoorooge, teesaaqay see, hida gi slairi hhantee ba⁄ay da cencee, sa gimba yondu gooina gwaati tlaku.

Waruumi 8:7

Sa gimba heedi doó tawaaline ha ilahudaa gu slahhaahhaau gu slaqwa ti fa⁄ayimoo gu Iliitleemu. Ina yoó akhamisiyaaba sariyaa da Iliitleemu ma akhasa see gi hiidahhasiyaaba etaa.

Wagalatiyaa 4:16

Inkoo, ana hanti fa⁄ayimoo googunaa tleehhidii, sa gimba sangu kakaakama gimba gu louu?

Yakoobo 4:4

Ye hida, unkuray ti slipalauutoꞌoo pahha, sa gimba Iliitleemu gwaa kwahhadiri. Khuꞌudaaiibaslii tuba, bere ha ⁄isintay daakaiimaa haa khooroti, fa⁄ayaa da Iliitleemu tleehhitay? Gu lou, hida gu slaee daakaiimaa haa khooroti, hhakee ti fa⁄ayaa da Iliitleemu.

1 Yohaana 4:5

Inay guti khooroti, hatee na idoo saganoó caacaahhamisiyay gimba gu khooroo, kara hida gu khooroo yoóti akhamisiyay inay.