Yohaana 12:40 - Ila⁄imbidu Gu ⁄abu hari Burungaisoo

⁴⁰ “Iliitleemu hiĩ guumuuꞌudisi ilaa koina, ma mayri arimaa, kara, hiĩ ⁄isimi muunaiĩ koina, ma karaarahhiri. Haã teesaaqay yondiidi, ma mayri hiifookida daqa dooii, magi hhoeesi.”

Yohaana 12:40 ပူးပေါင်းရင်းမြစ်များ

Luuka 8:10

Ina gi kaay sa inay tuba, “Unkuray dangwaa pihhi caahharaa siiri da Tawaaloo da Iliitleemu. Wakinay sigoóti gimbuumisa hari ilaꞌaaꞌaatimisu. Nama teesaaqay, Iliitleemu gimba gosii ilatahhaahhadi, kaawaraa tuba, ‘Giyoómati khuꞌuniri see, yoó anaaiiba, Giyoómati akhamisiyayi see, yoó caahhiyaaiiba.’ ”

Maariko 4:12

idoo daa ilii handikimi gooay Handikaa da Iliitleemuge tuba, ‘Giyoómati khuꞌuniri see, yoó anaiiba, kara giyoómati akhamisiyayi see, yoó caahhiyaaiiba! Teesaaqay hiifookidiyaaiiba daqa Iliitleemuge tlakwaroo dooinaa, haa digigi ilamooyina ha Iliitleemu.’ ”

Yondu gu Ya⁄abimiisee 3:19

Inkoo, fookidaaruu amamu kokunaa gu tlakwigo, iliipaꞌamu Iliitleemu, ma sanguyii ca⁄asi sukumu tlakwaroo dooguna.

Yohaana 9:39

Yeesu gi kaay tuba, “Ana haati khay khoorotii sa hukuru, hhakaꞌa gwaa ilahhamaahhamee ma khuꞌuniri, kara hhakaꞌa gu khuꞌuuꞌumee, ma ilahhamaahhaniri.”

Luuka 4:18

“Muuna gu Taataa Iliitleemu, sliimaa wana haa ana, sa gimba hiningii leehhi ana, ma kakaami Gimba gu Hhou daqa kwaeelige. Hinaani ya⁄abi ana, ma kakaami hiica⁄asaraa sa hida daa khiidimi, kara hida gwaa ilahhamaahhamee, ma slayri hiidahhasa da khuꞌuduũ, haa hida doó labaꞌasiye, ma digi afiiooyimi.

Waruumi 9:18

Teesaaqay, Iliitleemu yoóti ⁄awaarina sa heedikaꞌa sa slaiye ⁄awaariru. Kara, bere slai muuna gu heedi ma karahhi, teesaaqay laqi.

Yondu gu Ya⁄abimiisee 28:26

kakaana tuba, ‘Taa⁄a daqa hida hhankii haa lasigi kaada tuba, akhamisu maa akhasidayi, teesaaqay see, etaa hamaa caahhadaaiiba. Kara, khuꞌuru maa khuꞌuntay, gimati teesaaqay see, etaa hamaa antaaiiba.

Mataayo 15:14

Yeesu slime gi kaay sa inay tuba, “Mawakini, inay ti giyaadimiisaykaꞌa pahha gwaa ilahhamu, hiidahhasiyaaba giyaadaraa sa danaꞌa gosi gwaa ilahhamu. Gu lou, gonkoinaa hiihuhuiyay bondage.”

Yondu gu Ya⁄abimiisee 15:3

Da hheꞌesi inay digigi ya⁄abi ha kanisaa. Qatlay giyaa ilii amooge wanee, gii catiri hari hhapee da Foyiniike haa Samariyaa, gi kakaaniri, idoo hida gu hhapapu wakinay giyaa ilii fookidiri daqa Iliitleemuge. Ya⁄aboti gi hhaꞌaleesidi hari khisla hhiee hhakee goõ.

Maariko 6:52

inay yaa kahhiyay caahha gimba gu bakaꞌasa gu Yeesu gu hacisa mukaatetira, sa gimba muunaiĩ koina yaa karaarahhiri.

Yohaana 12:39

Teesaaqay, raqatee yaa hiidahhasidiiba ⁄imbaraa, sa gimba Isaaya bere kaay tuba,