Yakoobo 5:6 - Ila⁄imbidu Gu ⁄abu hari Burungaisoo

⁶ Ye hindaqeeri, hagiĩ hukuntiri hida guba dakoo, gigi cu⁄udiri, inay ma kanisa see, hiĩ kanisiriiba unkuray.

Yakoobo 5:6 ပူးပေါင်းရင်းမြစ်များ

Mataayo 21:38

Dooslimiisetira giyaa ilii aniri nakee yaa khoci, gi gimbuusiri inay haa inay tuba, ‘Hiĩ na aalimiisayi gu qaymoti. Inkoo, hagu gaasanee, ma hiiowani aalimee dosi.’

Mataayo 27:20

Qatlaykeesii, hhapalooee da deni haa gaduũ gu Wayahuudi yaa hiifaafahhiri raqatee da hida tuba, firinee Pilaatu, Baraaba dugu afiiooyine khiidimoogo, Yeesu dugu gaasiye.

Mataayo 5:39

Inkoo, ana sangu kaawa ambee, hagu hhanti kanisida heedi gu tlaku. Bere heedi slokhosi ugu tlooma da ⁄uyage, suguu fookide tlooma da cadii see.

Yondu gu Ya⁄abimiisee 22:14

Da hheꞌesi Ananiyaa gi kaay daqa dooii tuba, ‘Iliitleemu gu ayiĩ koti, hindii leehhi ugu, ma caahhadi slaꞌamuu kosi, magu arinti hikira gu Kooma Ibinaa daa Tafaꞌadi, haa ma akhasidi gimba gwaa afa gosi dahha.

Yondu gu Ya⁄abimiisee 7:52

Wanaa tletimiisay gu Iliitleemu lensee daa may labaꞌasaraa ha okookoiĩ kokuna? Inay yaati amoolee cu⁄iri tletimiisetira daa tletinti khawaraa dosi, Hikee goó Yondiida Hhoinay.

Yondu gu Ya⁄abimiisee 8:32

Inkoo, poohhu gu gimba giyaa somiimine heedikee naa nahiĩ, “Ina duguraati giyaadi ha hida ubee, bee⁄imokaꞌa pahha, daa gaasakakaakaye, kara ubee ⁄ambeenimokaꞌa pahha goó tlakhada diĩ, pandaa da heedi goó sika quubu gosi, nama teesaaqay ina yaa kaayiiba gimba lensee.

Waeburaaniyaa 10:38

Heedi gu kooma ibinaa daa tafaꞌadi pandaa da Iliitleemuge, hari amoo da ⁄imbaraa ibiidi. Kara, bere ina simbariigwaai sirakooma ana Iliitleemu, muuna goy dugurii boo⁄iyaaba ha ina.”

Yakoobo 2:6

Inkoo, unkuray hagiyaa muritiriiba kwaeeli. Bere ilatahhaday, caba ti hindaqeeri noó labaꞌasiyay unkuray, noó dukhudukhunay unkuray balasaage?

Yakoobo 4:2

Hoó slahhaahhaaꞌaday hari khisla idadu paslaapasloo, gimati teesaaqay see, hagiyoó slaydaaiiba. Sa gimbakee kontay tloomu, cu⁄uduũ see hoóti slaꞌaday, gimati teesaaqay see, hoó slaydaaiiba idadu hhakee gi slaꞌadeei. Saganoó tlaatleesiday naanaqamoo haa gau, kaslenkwaa, hagiyoó slaydaaiiba, sa gimba hoó Iliitleemu firintaaiiba.

1 Peetiro 4:18

Bere, heedi gu kooma ibinaa daa tafaꞌadi ti maana ba⁄aru, maa malaaꞌay daqa heedi goóba muriida Iliitleemu haa gu kooma tlakwaroo?