Waeburaaniyaa 8:9 - Ila⁄imbidu Gu ⁄abu hari Burungaisoo

⁹ Ila⁄imbiduki gu ⁄abu, ti hikira pahhaaba gaa qaasi haa okookoiĩ koina, qatlay giyaa iliica⁄asi inay hhapee da Misirigo. Inay yaa iliiqaasiriiba ila⁄imbidukee koi, teesaaqay, ana gigi siꞌi inay. Ti ana, Taataa Iliitleemu na kakaakama.

Waeburaaniyaa 8:9 ပူးပေါင်းရင်းမြစ်များ

Wagalatiyaa 4:24

Hagarii daa tongitoꞌoo ti ilaꞌaaꞌaatisa da Ila⁄imbidu gu sariyaa da Musaa daa yondiidi Oõ gu Sinaayige. Ila⁄imbidukee yaa ⁄isimi hida ma tongee da sariyaa tleehhidiri.

Maariko 8:23

Teꞌesaa, Yeesu gugi ooyi dabage heedikee gwaa ilahhamu, gurigii ca⁄i kenga gu tongoteesii. Da hheꞌesi, yade Yeesu gugi iliicubuqi ilaage, gi tuntuki ilaa gu heedikee hari dabaiĩ kosi. Da hheꞌesi, Yeesu gugi maasi tuba, “Handii dahhasidii arimaa ma idoo lensee?”

Yondu gu Ya⁄abimiisee 13:11

Inkoo, arimi ⁄uuru gu Looimoo gu Goõ ti wana sa ⁄agitiru googu, ugu ha ilahhanta, hiidahhasidaaba khuꞌuduũ qatlaykaꞌa naqatloo daa hiileehhi ha Iliitleemu.” Cirakiray daagii ca⁄i guuliyoo haa ⁄oona ilaa gu Eliimage, gi tlaatleesi palapalaꞌamiduu, tay tosaa dabiidi hida, magu ooyiri dabage, ma sugu laqami amoo.

Yondu gu Ya⁄abimiisee 9:8

Sawlo gii tlay. Teꞌesii qatlay giyaa ilii diliqisi ilaa kosi, yaa hiidahhasiiba arimaa idoo lenseei. Da hheꞌesi, inay gugi ooyiri dabage, gurigi giyaadiri Dameesiko naqatloo.

Yondu gu Ya⁄abimiisee 7:36

Musaa haraa giyaadi hida gu Israeeli yadaa hhapee da Misirigo, gi laqami gimba gwaa bakaꞌasu hida taysi Misirige, kenga gu tlawa da didirige da Saamuge haa koraraa mibeeri cigahhage giyaa ilii hatlige wanee.