Mataayo 5:6 - Ila⁄imbidu Gu ⁄abu hari Burungaisoo

⁶ Digaa ⁄aafi ha Iliitleemu hhakaꞌa gu koomee qori haa wakhaa muunaiĩ koinay, gu ibiidee ibidinaa daa tafaꞌadi pandaa da Iliitleemuge, sa gimba Iliitleemu higimaa ankhisi inay.

Mataayo 5:6 ပူးပေါင်းရင်းမြစ်များ

Luuka 1:53

Hida gu koomee qori giyaa ⁄agimisi ⁄agoo da hhoi. Kara hindaqeeri giyaati gusimi, dabainge konaaiiba idoo lensee.

Luuka 6:21

Dangwaa ⁄aafi ha Iliitleemu unkuray gu koomee qori inkoo, sa gimba Iliitleemu hangu ankhasi! Dangwaa ⁄aafi unkuray goó gaiidee inkoo, sa gimba asunkuilee maa hhaꞌaluumitay.

Luuka 6:25

Ha antayi unkuray goó akhaakhamee inkoo, sa gimba maa antayi qori! Ha antayi unkuray goó qasaasawe hari hhaꞌaloo inkoo, sa gimba hamaa slahhaahhaꞌaday haa gaitay!

Yohaana 4:14

Teesaaqay see, heedi gu kitahha maꞌay sugu hadise ana, etaa ina maa arinaaba wakhaa koraraa haa koraraa goóba hiifaakoo. Kara maꞌay sugu hadise ana, hhaahhiyoo tleehhidiyay waꞌay kosii, yaagi bontlogomidiyay slafimaa gu koraraa haa koraraa goóba hiifaakoo.”

Yohaana 6:27

Unkuray hhanti yonditay sa ⁄agoo doó tlakwaakwawa, ba⁄ay hiti yondiida sa ⁄agoo doó hiikaasa slafimaa gu koraraa haa koraraa goóba hiifaakoo. Nanku Heedi sangu hadisi unkuray ⁄agoti. Caahha tuba, ina dugunaa ilii qaasi chapaa ha Iliitleemu Taataa.”

Yohaana 7:37

Inkoo, baloo da hiifaakoo da losonakee gu cuuraiĩ yaa baloo da didiri. Teꞌesii Yeesu gi qadidi, gi kaay hari afoo da didiri tuba, “Heedi gu kooma wakhaa yaa khaye daqa dooii, ma kitahhi maꞌay gu slafimaa.

Hiitlaaꞌasa 7:16

Teꞌesii, etaa inay maa kara anaaiiba qori, gimati wakhaa maa wantaaba kara. Digimaa da⁄anaaba ha tleemaa, digimaa daada⁄anaaba gimati hameeriya see.