Mataayo 12:17 - Ila⁄imbidu Gu ⁄abu hari Burungaisoo

¹⁷ Gimbaki yaa teesaaqay hiica⁄i, dama hiigaasi gimbakira daa kaay hari amoo da tletimiisay Isaaya tuba,

Mataayo 12:17 ပူးပေါင်းရင်းမြစ်များ

Mataayo 12:16

Teꞌesii Yeesu gigi ilii⁄oo⁄i inay, ma mayri kaawaraa sa hida ina na miyaa.

Mataayo 12:18

“Yuꞌudiyaa! Hiĩ na yondimiisay goy gwaa hiileehhi. Ina ga slae, haa dinaa muunaboo⁄eesi hari khisla ha ina. Ana sugu hadisa ina Muuna goy, ina ma kakaami haaki dooi daqa hida gu hhapapu sliimaa.

Mataayo 13:35

Gimbakee dugwaa hiigaasi daa kaay ha tletimiisay Isaaya tuba, “Hati kakaama sa inay hari amoo da ilaꞌaaꞌaatimisu, sigitii ca⁄asa gimba, daa yakwi yadaa loaa tlehhinay gu khoorotaa.”

Mataayo 21:4

Gimbaki yaay ca⁄i taqaaqay, ma dabuꞌudi gimbakira daa tletimi ha Isaaya tletimiisay gu Iliitleemu tuba,

Mataayo 8:17

Yeesu yaa teesaaqay laqi, dama hiigaasi gimbakira daa kaay ha tletimiisay Isaaya tuba, “Ina loi yaa hiioy amaaiya doori, haa haraa waaudi ga⁄ay goori.”

Luuka 21:22

Maꞌaana balalu hhakee maa balalu gu ⁄agitiru, gimaa ilii buꞌudiye gimba goõ daa handikimi Handikaa da Iliitleemuge.

Luuka 24:44

Da hheꞌesi, ina gi kaay sa inay tuba, “Hiĩ na gimbakira koyi sangwaa kaay unkuray. Qatlay gaa iliiwaare sliimaa haa unkuray, haa kaay ambee, kwanda gimba goõ dugu hiigaasiye, daa handikimi daqa dooi sariyaa da Musaage, handikaa da tletimiiseege haa Daareesooge.”

Yohaana 10:35

Iliitleemu giyaa eteedi iliitleemamee, hida hhakira saa hadisi gimba gosi. Kara, khuana tuba, Handikaa da Iliitleemu daga hiidahhasiyaaba hiifooka.

Yohaana 12:38

Teesaaqay, daatii gaasi gimba daa kaay tletimiisay Isaaya tuba, “Taataa Iliitleemu, miyaa naa ⁄imbi ya⁄aboo doori? Kara, miyaa sugunaay tlaaꞌasi ⁄uuru googu?”

Yohaana 19:28

Da hheꞌesi, Yeesu yaa caahhi tuba, yondu gosi sliimaa hindii faaki. Slime ina ma hiigaasi Handikaa da Iliitleemu, gi kaay tuba, “Haã wakhiidi.”

Yondu gu Ya⁄abimiisee 13:27

Hida gwaa ibimaamidee Yerusaleemuge haa giyaadimiisee dooina yaa caahhiriiba Yeesu tuba, ti Ilabuꞌumiisay. Yuꞌudiyaa, hari amoo da hukuru ina duguma gaasi, inay yaatii gaasiri gimba gu tletimiisee da Iliitleemu, doó somine balalu sliimaa gu Sabaato.