Maariko 1:2 - Ila⁄imbidu Gu ⁄abu hari Burungaisoo

² Idoo daa ilii handikimi gooay kitaabuu gu tletimiisay gu Iliitleemu Isaaya tuba, “Yuꞌudiyaa, ha ya⁄aba ya⁄abimiisay goy, ina sugu giyaadi, ma boo⁄imisu kay amoo sa ugu.

Maariko 1:2 ပူးပေါင်းရင်းမြစ်များ

Mataayo 11:10

Heediki na hikira daa handikimi Handikaa da Iliitleemuge tuba, ‘Yuꞌudiyaa, ana ya⁄aba ya⁄abimiisay goy, ina sugu giyaadi, ma hiinaꞌa kay amoo sa ugu.’

Mataayo 2:5

Inay gugi ilaki⁄isiri tuba, “Dugumaa yaamu gu Beteleheemuge hiiday gu hhapee da Yudaayage waaree. Maꞌaana tletimiisay Miika ginaa ilii handikimi gimbaki tuba,

Mataayo 26:24

Gu lou, Nanku Heedi gwaai, idoo daa ilii handikimi gooay Handikaa da Iliitleemuge. Inkoo, yoo ana heedikaꞌa gu hiifookida Nanku Heedi! Yaati ba⁄ay daqa heedikeesii, bere dugwaati aloo may laqwaloo.”

Mataayo 26:31

Qatlay giyaa ilii dayri onke, Yeesu gi kaay sa sirakoomiisee dosi tuba, “Hari amasi hhanki gu letuti, unkuray gonkokunaa hanoo lakitay ana. Gimbaki dugwaa handikimi Handikaa da Iliitleemuge tuba, ‘Ana hamaa sagadahha deꞌemiisay, teꞌesii bee⁄u goõ gu raqa maati pasidi.’

Luuka 1:70

idoo giyaa ilii kaay gooay wakaꞌalee hari amoo da tletimiisee dosi daa tlintiꞌisi.

Luuka 1:76

Da hheꞌesi Sakariyaa gi kaay daqa nankosii tuba, “Ugu nankoy, hida gumaati eteedinay tuba, na tletimiisay gu Iliitleemu gu Rawaa gu Idadu Sliimaage Waara. Inay maa teesaaqay laqiyay, sa gimba ugu ha giyata pandaa da Looimoo gu Gonge, ma haraa boo⁄imisidi amamu kosi sa khaymuu gosi.

Luuka 18:31

Da hheꞌesi, Yeesu hirigi waaudi afayige sirakoomiisee dosi da mibi haa cada, sigigi kaay tuba, “Yuꞌudiyaa, inkoo Yerusaleemu kakaakayna. Gimba sliimaa daa handikimi ha tletimiisee da Iliitleemu sa Nanku Heedi, dugu hiigaasi.