Hiitlaaꞌasa 7:12 - Ila⁄imbidu Gu ⁄abu hari Burungaisoo

¹² kakaanay tuba, “Gu lou! Iliitleemu dugu daareesiye sa hhoinay haa waaway gosi, sugu laqane muree haa ⁄iisoo, ⁄uuru haa hiidahhasa goõ ti kosi Iliitleemu goori, koraraa haa koraraa goóba hiifaakoo! Hiti teesaaqay!”

Hiitlaaꞌasa 7:12 ပူးပေါင်းရင်းမြစ်များ

Mataayo 6:13

Kara, handi hhanti hiilu⁄uda koimisuge, handiti ilabuꞌunte daqa Biriisimoogo.’

Waruumi 11:36

Idadu sliimaa yoó daqa dosi dahhiyay, haa idadu hhakee ti wanay hari hiidahhasa dosi, haa ti wanay sa ina. Ina dugu daareesiye koraraa haa koraraa gooba hiifaakoo! Guti lou.

1 Wakorinto 14:16

Bere hhaꞌaleesida Iliitleemu hari muuna googu, heedi waku gi may caahharaa gimba googu, malee hiidahhasi kaawaraa tuba, “Guti lou” daqa daareesaraa dooguu? Hikira hhidina gimba ga gimaamiside.

2 Wakorinto 4:15

Gimbaki sliimaa ti sa faydaa dooguna, hhoinaykee gu didiru gu Iliitleemu giyoó ilii daye daqa hida wa⁄a loii, daareesoo see hiiroogite hari khisla loi, hari wanqamee da Iliitleemu.

Wakolosaay 2:7

Unkuray slaw kibeeri daqa dosii, ina ma musingi googuna tleehhidi, haa gi qadimitay naraꞌa ⁄imbage, dangwaa ilii caacaahhamisi gooay. Unkuray ilaqinca daareesa hari khisla.

Wakolosaay 3:17

Yondu sliimaa goó yonditee, gimati hari gimba goõ baku hari yondu, kwanda ga yonditee haa ga gimbuusidee gimba sliimaa hari uma gu Looimoo gu Goõ Yeesu. Teesaaqay laqa, tay toogunaa kaaday ⁄iisoo daqa Iliitleemu Taataage hari amoo da yondu daa yondiidi ha Kristu sa unkuray.

Yuuda 1:25

Ina na Iliitleemu gu ina lenkosi, Ilabuꞌumiisay goori hari amoo da Looimoo goori, Yeesu Kristu. Wanqamee, diira, hiidahhasa haa ⁄uuru gu tawaaloo ti kosi ina, yadaa koraraa goóbago hiifaakoo, inkoo haa koraraa goóba hiifaakoo! Gu lou.

Hiitlaaꞌasa 1:18

Ana na ina gu slafa! Ana na hikira gwaa gwaau, yuꞌudaa, inkoo ana ha slafa koraraa haa koraraa goóba hiifaakoo. Ana na kooma ⁄uuru gu ilabuꞌuru hida gwaaꞌaraago, kara ha kooma ⁄uuru gu gweedaraa haa gu ilakhiidiru hida khonsleebaage.

Hiitlaaꞌasa 19:4

Gaduũ hhakira gu mibeeri cada haa cigahha haa hhakira cigahha gu slafee, gi keebeeꞌemidiri hhapeege haa gi hhaꞌaleesiri Iliitleemu gwaa ibiidu kitiĩ gu tawaalooge. Inay gi kaayri hari afoo da didiri tuba, “Guti lou! Iliitleemu dugu daareesiye!”