Hiitlaaꞌasa 7:11 - Ila⁄imbidu Gu ⁄abu hari Burungaisoo

¹¹ Qatlaykee, malayika goõ yaati qadimidiri, inay hiĩ niini⁄idiri kitiĩ gu tawaaloo, gaduũ hhakira haa hhakira cigahha gu slafee. Inay gi huhuiri pandaa da kitiĩ gu tawaalooge, tay hingii gupu⁄umisiri pandadu koina hhapee, haa gi hhaꞌaleesiri Iliitleemu,

Hiitlaaꞌasa 7:11 ပူးပေါင်းရင်းမြစ်များ

Mataayo 4:10

Yeesu gugi ilaki⁄isi tuba, “Sataanimoo, waaudi tiaa! Maꞌaana daa handikimi taqay, ‘Ugu daareesi Taataa Iliitleemu, Iliitleemu googu, haa sugu yondite ina lenkosi kilesi.’ ”

Yohaana 5:23

hida goõ ma muriidiri Naw, idoo giyoó ilii muriidiyee gooay Taataa. Heedi guba muriida Naw, slime muriidiyaaba Taataa gwaa ya⁄abu Naw.

Waeburaaniyaa 1:6

Kara, qatlay Iliitleemu giyaa ilii ya⁄abi badiisu gosi khoorotii, yaati kaay tuba, “Malayika goõ da Iliitleemu, gi keebeeꞌemiti daqa dosii.”

Hiitlaaꞌasa 11:16

Da hheꞌesi, gaduũ hhakira gu mibeeri cada haa cigahha, goó ibiidee kiteeri koinay gu tawaalooge pandaa da Iliitleemuge, gi huhuiri haa gii gupu⁄umisiri pandadu koina hhapeege, gi hhaꞌaleesiri Iliitleemu,

Hiitlaaꞌasa 15:4

Ye Looimoo gu Goõ, miyaa nugu muriidiyaaba ugu? Miyaa noó daareesiyaaba uma googu? Ugu kilesi na kontaaba dakoo. Hhapapu goõ yaa khayay pandaa dooguu, haa gugi hhaꞌaleesiyay ugu, sa gimba yondu googu gu haaki dugungii tlaaꞌasi.”

Hiitlaaꞌasa 22:9

Teꞌesii, ina sinigi kaay ana tuba, “May hhanti laqada teesaaqay! Ana see ti tongimoo danaꞌa googu, sliimaa haa hhiee koku tletimiisee da Iliitleemu haa hhakee goõ, goó iliikoomee gimba gu kitaabuki. Iliitleemu kilesi na hhaꞌaleesi!”

Hiitlaaꞌasa 4:10

Teꞌesii gaduũ hhakira gu mibeeri cada haa cigahha, gi huhuiyay hhapeege pandaa dosii ina guũ ibiidu kitiĩ gu tawaalooge, haa gugi hhaꞌaleesiyay, ina gu ibiida koraraa haa koraraa goóba hiifaakoo. Inay gi qamidiyay hhamaai koina pandaa da kitikeesii gu tawaalooge, tay kakaanay tuba,

Hiitlaaꞌasa 4:4

Slime, kitikee gu tawaaloo dugwaa niini⁄idi ha kiteeri wakinay gu tawaaloo mibeeri cada haa cigahha. Rawaa gu kiteeri hhakeesii, yaa ibiidiri gaduũ mibeeri cada haa cigahha, hiĩ daamisiri qayroo gu ⁄abakwi, haa hhamaai gu sahaabu sagaiĩ koinay.

Hiitlaaꞌasa 4:6

Slime, teꞌesii pandaa da kitikeesii gu tawaalooge, daa wana idoo da bakaꞌasa tlawa pahha, daa wanqaaqada kiyoo pahha. Kara tlaa⁄ataꞌa pahha da ⁄abaakwi doó wanqa hari khisla. Kara, tla⁄antla⁄a gu kitiĩ gu tawaalooge, haa hiikhangaꞌasa dosi bareemoo goõ, yaa wanay gu slafee cigahha gu bakaꞌasa, gwaa koomee ilaa bareemoo goõ, pandaage haa aluũ naqatloo.

Hiitlaaꞌasa 4:8

Hhaã cigahha gu slafee, gonkoinaa yaa konay hhababeeraa lahhoꞌo lahhoꞌo. Hhababeerii hhakee yaa konay ilaa bareemoo goõ, haã hari waꞌay gu hhababeeraa see. Tleemaa haa amasi yoó mayaaiiba raaꞌamee, raaꞌamu gu daareesa Iliitleemu kakaanay tuba, “Gooba dakoo, Gooba dakoo, Gooba dakoo, ti Looimoo Iliitleemu gu kooma ⁄uuru, gwaa waara, gu waara haa gwaa khawa.”