Hiitlaaꞌasa 5:13 - Ila⁄imbidu Gu ⁄abu hari Burungaisoo

¹³ Da hheꞌesi, hagi akhasi afafu gu idadu goõ gu slafee rawaa gu rawge, khoorooge, khonsleebaage, tlawoo gu denige haa idadu goõ gu waꞌay koinay waaree, kakaanay tuba, “Daareesa, muree, wanqamee haa ⁄uuru, ti kosi ina guũ ibiidu kitiĩ gu tawaalooge haa ⁄ambeenimoo, koraraa haa koraraa goóba hiifaakoo!”

Hiitlaaꞌasa 5:13 ပူးပေါင်းရင်းမြစ်များ

Mataayo 6:13

Kara, handi hhanti hiilu⁄uda koimisuge, handiti ilabuꞌunte daqa Biriisimoogo.’

Luuka 2:14

“Iliitleemu dugu daareesiye rawaa gu rawge! Kara khoorooge qasaw wane, daqa hida hhakaꞌay saa laqami ha Iliitleemu hhoinay gosi gu didiru.”

Yohaana 1:29

Heetlaalee dosii, Yohaana yaa arimi Yeesu yaa khoci daqa dosii, gi kaay tuba, “Yuꞌudaa! Hiĩ na ⁄ambeenimoo gu Iliitleemu gu hiiowa tlakwaroo da khooroo.

Waruumi 11:36

Idadu sliimaa yoó daqa dosi dahhiyay, haa idadu hhakee ti wanay hari hiidahhasa dosi, haa ti wanay sa ina. Ina dugu daareesiye koraraa haa koraraa gooba hiifaakoo! Guti lou.

Waruumi 16:27

Iliitleemu, ina kilesi gu kooma waaway, dugu daareesiye koraraa haa koraraa gooba hiifaakoo hari amoo da Yeesu Kristu! Guti lou.

Waruumi 9:5

Inay ti laqwaloo da okookoiĩ koti gu tlaatleesoo. Kara, Kristu yaati daqa afamaraa gooina dahhi, hiidawaraa dosi heedi pahha. Ina, Iliitleemu rawaa gu idadu gonge wana, doó daareesiye koraraa haa koraraa goóba hiifaakoo. Guti lou.

Waefeeso 3:21

Iliitleemu dugu daareesiye sa wanqamee dosi doó laqane daqa hida gu kanisaa dosii haa daqa Kristu Yeesuge, koraraa haa koraraa goóba hiifaakoo. Guti lou.

Wafiliipi 2:10

Iliitleemu yaa taqay laqi, daqa uma gu Yeesuge, idadu sliimaa gu rawaa gu raw, gu khooroo haa gu khonsleebaage waaree, keebeeimidiyee, ma laqaniri muree.

Wakolosaay 1:23

Inkoo, unkuray ilakooma ibinaa daa hii⁄atlidi ⁄imbaraage, danguma may rinqirinqisa haa gi hhamisiday iliipaꞌarukira gaa slaydiri qatlay gaa ilii akhasidiri Gimba gu Hhou. Ana, Pawlo dinaati qaasi, ma yondimiisay gu kakaaru gu Gimba gu Hhou tleehhidi, daa kakaami daqa hida gu khooroo sliimaage.

1 Timoteeyo 4:16

Hangu ga⁄ayde naraꞌa, idoo goó ilii ibite, kara karahhasi gimbakee kilesi gu lou goó caacaahhamiside. Ilakoomi gimbaki, maꞌaana teesaaqay laqaraa, Iliitleemu ilabuꞌuna ugu haa hhaã see goó itatiimisee ugu.

1 Peetiro 4:11

Bere heedi kakaana gimba, ina hiti kakaane ubee, ti gimba gu Iliitleemu. Bere heedi yondiidi, ina hiti yondiidiye hari ⁄uuru doó hadisiye ha Iliitleemu. Hari amoti, Iliitleemu duguma daareesi gimba sliimaage, hari amoo da Yeesu Kristu. Daqa dosii wanta wanqamee haa ⁄uuru gu koraraa haa koraraa goóba hiifaakoo. Guti lou.

1 Peetiro 5:11

Daqa dosii wana ⁄uuru gu tawaaloo da koraraa goóba hiifaakoo. Gu lou.

Yuuda 1:25

Ina na Iliitleemu gu ina lenkosi, Ilabuꞌumiisay goori hari amoo da Looimoo goori, Yeesu Kristu. Wanqamee, diira, hiidahhasa haa ⁄uuru gu tawaaloo ti kosi ina, yadaa koraraa goóbago hiifaakoo, inkoo haa koraraa goóba hiifaakoo! Gu lou.

Hiitlaaꞌasa 1:6

Kara ina hindii hida gu Tawaaloo dosi tleehhedisi haa hhapalooee dosi, ma yondiidani sa Iliitleemu Taataa gosi. Wanqamee haa ⁄uuru ti kosi, koraraa haa koraraa goóba hiifaakoo! Guti lou.

Hiitlaaꞌasa 13:8

Hida goõ, khooroo gonge hiti hhaꞌaleesiyay makimokee, hida goõ umaiĩ koina daaba handikiru kitaabuu gu slafimaage gu ⁄ambeenimoo, daa gaasi yadaa tlaatleesoo da tlehhinay gu khooroogo.

Hiitlaaꞌasa 5:1

Da hheꞌesi, hagi arimi kitaabuu daa taagi daba gu ⁄uyage gu hikira guũ ibiidu kitiĩ gu tawaalooge. Kitaabukee dugwaa ilii handikimi hari bareemoo kosi goõ cada, kara dugwaa tliitliqisi hari munda⁄aayee daqeemoo fanqu.

Hiitlaaꞌasa 5:12

Inay gi tlaatleesiri raaꞌamu, hari afoo da didiri kakaanay tuba, “⁄ambeenimoo ina daa gaasi, haraay boo⁄i oowaraa, hiidahhasa, hindaqaruumaa, waaway, ⁄uuru, muree wanqamee haa daareesa.”

Hiitlaaꞌasa 5:3

Teesaaqay see, yaa wanaaba heedi lenseei rawaa gu rawge, khooroge, gimati waꞌay gu khonsleebaage gwaa hiidahhasu tlaaꞌasa kitaabuki, gimati hiiyuꞌuda see waꞌay kosii.

Hiitlaaꞌasa 5:6

Kara, hagi arimi tla⁄antla⁄a gu kitiĩ gu tawaalooge, ⁄ambeenimoo hiĩ qadidi ubee dugunti gaasi pahha. Ina duguũ niini⁄idi bareemoo goõ ha hhakira cigahha gu slafee haa gaduũ hhakira gu mibeeri cada haa cigahha. ⁄ambeenimokee yaa kona khadami fanqu haa ilaa fanqu. Ilaa hhakee yaati Muunaiĩ fanqu gu Iliitleemu daa ya⁄abi bareemoo goõ gu khooroo.

Hiitlaaꞌasa 5:9

Inay gi raairi raaꞌamee da ⁄abi da daareesa ⁄ambeenimo kakaanay tuba, “Ugu haraay boo⁄odi hiiowaraa kitaabukee, haa gi babacinta tliitliqimisu gosi. Sa gimba ugu dugwaa gaasi, haa hari ceedee doogu, ugu haa afiigweeti hida sa Iliitleemu, hida gu kabiraa goõ, hida gu gimba goõ, hida gu motoliya goõ haa gu hhapapu goõ.

Hiitlaaꞌasa 6:16

Kara inay gi kaayri sa omeeri haã hhafideerii tuba, “Ye omeeri haa hhafideerii! Handaa iliihuuꞌudee, kara handi yakwidee dandiray, dandiray ma dandi may arimaa, ha ina goó ibiida kitiĩ gu tawaalooge, kara sandii ⁄ipidee slahhaaꞌametee da ⁄ambeenimoo, ma hindi may ⁄agitiru!