Hiitlaaꞌasa 18:24 - Ila⁄imbidu Gu ⁄abu hari Burungaisoo

²⁴ Asunkuilee yaamu hhakeesii dagaa arimi ceedee da tletimiisee da Iliitleemu, da hida gu Iliitleemu haa da hida goõ daa cu⁄i khoorooge sa gimba gu Kristu.

Hiitlaaꞌasa 18:24 ပူးပေါင်းရင်းမြစ်များ

Mataayo 23:27

Hoo antayi, unkuray maarimamaa da sariyaa haa Farisaayoo, haa peereehhiisee! Unkuray hangwati slaaslaaqasidiri haa ayisasu daa maakhi hari cakalaa, doó arine gu hhoi hari khooroo kilesi. Teesaaqay see, waꞌayge daati haci fararu gu hida gwaa kaka⁄ee haa slasla⁄iima wa⁄a.

Mataayo 23:35

Teesaaqay, ceedee da hida goõ gu koomee ibinaa daa tafaꞌadi, daa tuutuquti maa daqa doogunay wante. Haa teesaaqay laqadiri tlaatleesoo da ceedee da Abeeligo, gwaa kooma ibinaa daa tafaꞌadi, ceedee da Sakariyaa naqatloo nanku Barakiyaa, gaa gaasidiri mara gu didiruge gu Iliitleemu, tla⁄antla⁄a gu daqa daa tlintiꞌisige haa masabaahu.

Yondu gu Ya⁄abimiisee 7:52

Wanaa tletimiisay gu Iliitleemu lensee daa may labaꞌasaraa ha okookoiĩ kokuna? Inay yaati amoolee cu⁄iri tletimiisetira daa tletinti khawaraa dosi, Hikee goó Yondiida Hhoinay.

1 Watesaloniike 2:15

Wayahuuditee na hhakira gwaa gaasee Looimoo gu Goõ Yeesu, yaa cu⁄iri tletimiisee da Iliitleemu haa hindigi labaꞌasiri dandiray see. Inay yoó muunaboo⁄eesiyaaiiba Iliitleemu, kara inay ti fa⁄ayaa da hida goõ.

Hiitlaaꞌasa 11:7

Qatlay inay giyoo iliihheꞌesiyee ilatlatlaw ya⁄aboo da Iliitleemu sigaa hadisi, makimokira gwaa hiica⁄a bonda gu khonsleebaago, hiti gauusi haa inay, gigi kaba⁄i haa gigi cu⁄i.

Hiitlaaꞌasa 16:6

Hida gu tlakwi yaa tuutuqiri ceedee da hida koku, haa da tletimiisee doogu, ugu sigaa hadisidi inay ceedee, ma kitahhaniri. Gu lou, inay hiraa hiiboo⁄iri digima ⁄agitimi!”

Hiitlaaꞌasa 17:6

Hagagi arimi hadetee hiĩ ooniti sa kitahhu ceedee da hida gu Iliitleemu, ceedee da hida hhakira daa cu⁄i sa ilatlatlaw gimba gu Yeesu. Qatlay gaa ilii arimi hadetee, ana haati bakai hari khisla.

Hiitlaaꞌasa 19:2

Hukumuu gu Iliitleemu guti lou kara guti haaki. Ina hiĩ hukumi slipalautoꞌotira daa ca⁄atinti, daa tlakweemisidi hida gu khooroo hari slipalauumaa dosi. Kara, Iliitleemu hiĩ bui ⁄imbu, sa gimba ina yaa cu⁄udi tongee dosi.”