Hiitlaaꞌasa 18:15 - Ila⁄imbidu Gu ⁄abu hari Burungaisoo

¹⁵ Teꞌesii hida goó kirigimee gwaa slawee hindaqaruumaa daqa dosaa, maati qadimidiyay segenge loii, sa tlaꞌamee da labaꞌasukee. Inay maa ⁄aa⁄iyay haa gi ⁄isinay gaiidimoo gu didiri.

Hiitlaaꞌasa 18:15 ပူးပေါင်းရင်းမြစ်များ

Maariko 11:17

Da hheꞌesi gigi tlaatleesi caacaahhamisu inay, gi kaay tuba, “Daa handikimiibaslii Handikaa da Iliitleemuge tuba, ‘Mara goy duguti eteedina mara gu ilii firoo sa hida gu hhapapu sliimaa’? Inkoo unkuray maraki gwaatii fookidiri ‘maraiya da fiisiisee.’ ”

Yondu gu Ya⁄abimiisee 16:19

Qatlay looee dosi giyaa ilii caahhiri tuba, iliipaꞌaru gooina gu slaslaw peesay hingii faaki, gi ooyiri Pawlo haa Siila, gigi dukhudukhuniri sokoonii naqatloo pandaa da hida gu denige gu yaamu.

Hiitlaaꞌasa 18:12

gu sahaabu, feesa, tle⁄eẽ gu kaari haa luulu. Kara hhaku heedi gu kirigima qayroo daa boo⁄imisi hari puteeri gu hhoi gu ⁄abakwi, qayroo gu hhoi gu kalay gu daahhiya, kalay gu da⁄adani haa daa boo⁄imisi hari puteeri gu hariiri. Kara wanaaba heedi gu kiriga khooslay daa boo⁄imisi hari khai doó uudi oine, khooslay sliimaa daa boo⁄imisi hari khadami gu daw haa khooslay daa boo⁄imisi hari khai gu kaari. ⁄aray, sikhimi haa tle⁄eẽ gu hhoi guri tlehhinay.

Hiitlaaꞌasa 18:13

Hhaku heedi gu kiriga mudalasiini, hiliiki, ufumba, marihaamu, ubaanii, difaay, du⁄iya da seyituuni, gubaraa gu hhou haa ganoo. Kara hhaku heedi gu kiriga yakway, bee⁄u, faraasi haa kokoteenaaee, tongee haa ibinaa da hida see.

Hiitlaaꞌasa 18:14

Hida goó kirigimee hiti kaayay tuba, “Idadu hhakira goõ gaa slaꞌade haa daa slahhaai ha muuna googi, hhaki hingii hhancooiri daqa doogaa. Idadu goõ gu dumbii doogi, hingii hhancooiri. Wanaaiiba, hagimaa kara slaydaaba coko⁄o see, koraraa haa koraraa goóba hiifaakoo!”

Hiitlaaꞌasa 18:19

Inay hingimaa iliikuꞌumisiyay ceceiya sagaiĩ koinay sa slahhaaꞌamee. Kara maa ⁄aa⁄iyay haa ma ⁄isiniri gaiidimoo gu didiru, tay kakaanay tuba, “Laoo! Laoo, yaamu hhanki gu didiri, gwaa hindaqaruudisee hida goõ, hari khooslay gosi, hida goõ gu koomee meelaluu tlawa da didirige. Yuꞌudiyaa hari qoomay gu saa lenge yaamu hhanki diginti hhamisi goõ.

Hiitlaaꞌasa 18:3

Sa gimba, hida gu hhapapu goõ hiĩ kitahhaniri difaay da dihhi da kwayru gu slipalauuma dosi. Watemi da khooroo yaa yondiidiri slipalauuma haa ina, kara hida gu khooroo goó kirigimee haa goó naadiidimee, hingii ndaqaruumidiri hari hacimaa gu hindaqaruumaa dosi.”