Hiitlaaꞌasa 18:11 - Ila⁄imbidu Gu ⁄abu hari Burungaisoo

¹¹ Hida goó kirigimee gu khooroo, maa ⁄aa⁄iyay haa gi ⁄isinay gaiidimoo gu didiri sa ina, sa gimba inkoo hhaku heedi gu kiriga kara khooslay gooina,

Hiitlaaꞌasa 18:11 ပူးပေါင်းရင်းမြစ်များ

Mataayo 22:5

Teesaaqay see, hhakira daa kwahhasuusi, yaa iliiqaasiriiba hadakawa losonage. Inay gi tooinaa waaumidiri amamu koinayge, leẽ qaymoo dosii, waku yondu gosii.

Yohaana 2:16

Ina gi kaay sa hhakira gwaa naadiidimee kundee tuba, “Surukusa idadu kokuna tiaa! Mawu gimbaki! Hhantii fookiday mara gu taataa goy daqa da iliikirigiru haa naadiidiru idadu.”

2 Peetiro 2:3

Slime, inay hari slahhaahhaau gooina, himaa slayay faydaa daqa doogunaa, hari kakaaru sa unkuray gimba gu afaꞌafuumaa daa pohhidi. Inkoo, hukumuu gooina yadaa tlaatleesoogo, dugwaa hheꞌesi kereꞌesa, kara, hhamisaraa dooina yaay kaaꞌadaaba khawaraa.

Hiitlaaꞌasa 18:15

Teꞌesii hida goó kirigimee gwaa slawee hindaqaruumaa daqa dosaa, maati qadimidiyay segenge loii, sa tlaꞌamee da labaꞌasukee. Inay maa ⁄aa⁄iyay haa gi ⁄isinay gaiidimoo gu didiri.

Hiitlaaꞌasa 18:20

Kara hagi akhasi afotira rawaa gu rawge, kakaanta tuba, ‘Hhaꞌaluumida unkuray goó ibiidee rawaa gu rawge! Hhaꞌaluumida hida gu Iliitleemu, ya⁄abimiisee haa tletimiisee! Iliitleemu hiĩ hukumi yaamu hhakee, sa gimbakira giyaa yondiidi daqa doogunay.’ ”

Hiitlaaꞌasa 18:23

Cencee da taa dagamaa arinaaba waꞌay kosii kara, Afoo da khabimiisay haa da khabimiisoꞌoo etaa dagamaa akhasiyaaba kara waꞌay kosii. Yaamu gu Babilooni digimaati laqi taqay, sa gimba hida goó kirigimee teꞌesii, yaati hida gu deni haa gu tlakwi hari khisla. Kara, sa gimba hida gu hhapapu goõ, digaa hiicoridi hari miislay gu yaamu hhakee gu didiri!”

Hiitlaaꞌasa 18:3

Sa gimba, hida gu hhapapu goõ hiĩ kitahhaniri difaay da dihhi da kwayru gu slipalauuma dosi. Watemi da khooroo yaa yondiidiri slipalauuma haa ina, kara hida gu khooroo goó kirigimee haa goó naadiidimee, hingii ndaqaruumidiri hari hacimaa gu hindaqaruumaa dosi.”

Hiitlaaꞌasa 18:9

Watemi da khooroo gwaa yondiidee slipalauuma haa ina, haa hingigi ilagaasiri haa ibinaa dosi da hhaꞌaloo, maa ⁄aa⁄iyay haa gi gaiidiyay sa ina, gimaa ilii anee eehha gu ci⁄araa dosi.