Hiitlaaꞌasa 18:10 - Ila⁄imbidu Gu ⁄abu hari Burungaisoo

¹⁰ Watemitee maati qadimidiyay segenge loii, sa tlaꞌamee da labaꞌasu gosi. Inay maa ⁄aa⁄iyay haa gi kaayay tuba, “Laoo! Laoo, ye yaamu hhanki gu didiri gu Babilooni, yaamu gu koomee ⁄uuru hari khisla! ⁄agitiru googi yanti khay qoomay gu saa lenge.”

Hiitlaaꞌasa 18:10 ပူးပေါင်းရင်းမြစ်များ

Hiitlaaꞌasa 11:8

Tuueenaa gu masayditee da cada, hiti taataahhadiyay balabalaa da didirige da yaamu hhakee gu didiri. Yaamu hhakeesii na daqa daa ilii tluhhumisi Looimoo gooina. Yaamu hhakee digoóti eteedine hari umaiĩ gu Sodomaa haa Misiri, sa hhaꞌaleesa dooina da tlakwi.

Hiitlaaꞌasa 14:8

Malayika waku gu cada yaagi sirakoomi alunkosaa, gi kaay tuba, “Hiĩ huuiri! Hiĩ huuiri yaamu hhakira gu didiri gu Babilooni. Yaamu hhanki naa ⁄isiniri hhapapu goõ, ma kitahhaniri difaay da qupidaa gu slipalauuma dosi.”

Hiitlaaꞌasa 16:19

Yaamu hhakira gu didiri gu Babilooni, digigi deehhimi bareemoo tami, kara yaamu gu hhapapu wakinay digigi tlakweemisi sumuku. Ina Iliitleemu dugwaa afahhamiiba yaamu hhakira gu didiri gu Babilooni. Ina gigi ⁄uureesi, ma kitahhiri qulu⁄uu gu difaay da qupidaa kosaa gu didirigo.

Hiitlaaꞌasa 17:12

Khadami hhakira gu mibi gaa arinti, ti ilaꞌaaꞌatisa da watemi mibi gu kahhee tlaatleesa tawaaliru. Inay goõ sigiti hadisi hiidahhasa da tawaaliru sliimaa haa makimokira, hari qatlay gu saa leẽ kilesi.

Hiitlaaꞌasa 18:18

Qatlay gimaa ilii anee eehha gu ci⁄araa da yaamu hhakee, inay maati ⁄aa⁄iyay hari khisla, tay kakaanay tuba, “Wanaaiiba yaamu wakinay gu didiri da yaamu hhankaa gooay gu didiri!”

Hiitlaaꞌasa 18:19

Inay hingimaa iliikuꞌumisiyay ceceiya sagaiĩ koinay sa slahhaaꞌamee. Kara maa ⁄aa⁄iyay haa ma ⁄isiniri gaiidimoo gu didiru, tay kakaanay tuba, “Laoo! Laoo, yaamu hhanki gu didiri, gwaa hindaqaruudisee hida goõ, hari khooslay gosi, hida goõ gu koomee meelaluu tlawa da didirige. Yuꞌudiyaa hari qoomay gu saa lenge yaamu hhanki diginti hhamisi goõ.

Hiitlaaꞌasa 18:21

Da hheꞌesi, malayika leẽ gu kooma ⁄uuru gii oyi tlaa⁄a da didiri, hataꞌa pahha da saadiru, gigii lihhi waꞌay gu tlawa da didirige, tay kakaana tuba, “Teesaaqay, Yaamu hhakee gu didiri gu Babilooni, diginimaa ilii lihhi hari ⁄uuru waꞌay loii, digimaa arinaaba kara.

Hiitlaaꞌasa 18:8

Teesaaqay, sagadadahhu gosi yaati khay baloo leẽ kilesi, sagadadahhu gu gwaaꞌaraa, gaiidimoo haa qori. Ina dagati hhamisi hari aslaa, sa gimba, Looimoo Iliitleemu gu kooma ⁄uuru goõ, ina naga hukuna.”