Hiitlaaꞌasa 17:18 - Ila⁄imbidu Gu ⁄abu hari Burungaisoo

¹⁸ Hadetira gaa arinti ti ilaꞌaaꞌatisa da yaamu hhakira gu didiri, goó tawaalimee watemi goõ da khooroo.”

Hiitlaaꞌasa 17:18 ပူးပေါင်းရင်းမြစ်များ

Luuka 2:1

Balalu hhakeesii, mutemi gu didiru Kaysaari Aguusito gu hhapee da Ruumi yaa ilafahhi tuba, hida goõ goó ibiidee hhapapu, doó tawaaline ha sirikariinii da Ruumi, umaiĩ koina digi faadiye.

Hiitlaaꞌasa 11:8

Tuueenaa gu masayditee da cada, hiti taataahhadiyay balabalaa da didirige da yaamu hhakee gu didiri. Yaamu hhakeesii na daqa daa ilii tluhhumisi Looimoo gooina. Yaamu hhakee digoóti eteedine hari umaiĩ gu Sodomaa haa Misiri, sa hhaꞌaleesa dooina da tlakwi.

Hiitlaaꞌasa 12:4

Irimukee hari hhaysoo gosi yaagi duukhi leẽ da tami da tica⁄eerii rawgo haa giyaagii slakhi hhapeege. Da hheꞌesi, irimukee gi qadidi pandaa da hadeteesii daa daadaauusidi hiidawaraa, magi afa gwi⁄i daa⁄u gosi cira, qatlay dugoó ilii daye.

Hiitlaaꞌasa 16:19

Yaamu hhakira gu didiri gu Babilooni, digigi deehhimi bareemoo tami, kara yaamu gu hhapapu wakinay digigi tlakweemisi sumuku. Ina Iliitleemu dugwaa afahhamiiba yaamu hhakira gu didiri gu Babilooni. Ina gigi ⁄uureesi, ma kitahhiri qulu⁄uu gu difaay da qupidaa kosaa gu didirigo.

Hiitlaaꞌasa 18:2

Ina gi maahhi hari afoo da didiri tuba: “Hiĩ huuiri! Hiĩ huuiri! Yaamu gu didiri gu Babilooni! Inkoo hiti daqa da iliiꞌibinaa sataanimaiĩ. Hiti daqa da iliiꞌibinaa gieeri paslaapasloo gu tlakwi, haa hiti daqa da iliiꞌibinaa cira⁄oo sliimaa da tlakwi.