Hiitlaaꞌasa 17:16 - Ila⁄imbidu Gu ⁄abu hari Burungaisoo

¹⁶ Khadami hhakira mibi gaa arinti, sliimaa haa makimokira gu daa⁄adu maati wakiyay slipalautoꞌotee. Inay gimaati afii⁄utliyay idadu kosi goõ haa gigi mayay hari slaꞌay. Kara inay maati ⁄aginay fuꞌumay gu slaqwa dosi haa gi da⁄iyay hari aslaa meetu gosi.

Hiitlaaꞌasa 17:16 ပူးပေါင်းရင်းမြစ်များ

Hiitlaaꞌasa 12:3

Da hheꞌesi, gimba waku gu bakaꞌasa gii ca⁄i yade rawaa gu rawge. Yuꞌudiyaa, hagi arimi irimu gu didiru gu daa⁄adu, gwaa kooma sagaiĩ fanqu, khadami mibi haa hhamaai fanqu sagaiĩ hhakeesii kosii.

Hiitlaaꞌasa 16:12

Malayika gu lahhoꞌo gii kuꞌusi lagabay gosi rawaa gu duudu gu didiruge gu Efuraati. Cirakiray maꞌay kosi gii goslo⁄iri goõ. Teesaaqay, amoo dagagi boo⁄imisi sa watemi gwaa ilacindoo gu rawaa dahhee.

Hiitlaaꞌasa 17:10

Slime sagaiĩ hhakee fanqu ti ilaꞌaaꞌatisa da watemi fanqu, tla⁄aã gooinay watemi kooani tawaaloo dooina hiĩ huuꞌudi, leẽ wana tawaaliilina, kara leẽ qariqaaqari yaa asu khayi. Qatlay gimaa ilii khaye, ina maati tawaalina balalu coko⁄o kilesi.

Hiitlaaꞌasa 18:19

Inay hingimaa iliikuꞌumisiyay ceceiya sagaiĩ koinay sa slahhaaꞌamee. Kara maa ⁄aa⁄iyay haa ma ⁄isiniri gaiidimoo gu didiru, tay kakaanay tuba, “Laoo! Laoo, yaamu hhanki gu didiri, gwaa hindaqaruudisee hida goõ, hari khooslay gosi, hida goõ gu koomee meelaluu tlawa da didirige. Yuꞌudiyaa hari qoomay gu saa lenge yaamu hhanki diginti hhamisi goõ.

Hiitlaaꞌasa 18:8

Teesaaqay, sagadadahhu gosi yaati khay baloo leẽ kilesi, sagadadahhu gu gwaaꞌaraa, gaiidimoo haa qori. Ina dagati hhamisi hari aslaa, sa gimba, Looimoo Iliitleemu gu kooma ⁄uuru goõ, ina naga hukuna.”

Hiitlaaꞌasa 19:18

Khocaa ⁄agima fuꞌumay gu slaqoo gu watemi, gu sirikaarii da deni, gu hida gu deni, fuꞌumay gu faraasi haa hida goó hiidadawee rawaa gu faraasige, fuꞌumay gu hida goõ, hida gu tongee gooba haa hhakaꞌa gu tongee, hida gu digidakwi haa gu deni.”