Hiitlaaꞌasa 15:3 - Ila⁄imbidu Gu ⁄abu hari Burungaisoo

³ Inay yaa raaꞌaaꞌaminay raaꞌamee da Musaa tongimoo gu Iliitleemu haa raaꞌamee da ⁄ambeenimoo tuba, “Looimoo Iliitleemu gu kooma ⁄uuru goõ, yondu googu guti denu haa guti bakaꞌasa hari khisla! Ugu ye Mutemi gu hhapapu goõ, Amamu koku guti loi haa guti haaki!

Hiitlaaꞌasa 15:3 ပူးပေါင်းရင်းမြစ်များ

Yohaana 1:17

Sa gimba, sariyaa dagaati hadisi ha Iliitleemu hari amoo da Musaa. Hhoinay gu didiru haa gimba gu lou, yaati khay hari amoo da Yeesu Kristu.

1 Timoteeyo 1:17

Teesaaqay, muree haa wanqamee da ina lenkosi ti kosi ina Mutemi goó ibiida koraraa haa koraraa goóba hiifaakoo, goóba gwaaꞌaraa, doóba arimaa, ina leẽ na Iliitleemu koraraa haa koraraa goóba hiifaakoo! Guti lou.

Waeburaaniyaa 3:5

Musaa yaati yondimiisay daa ⁄imbi daqa hida goõ gu mara gu Iliitleemu, yaa ilatlay gimba damaa kaaye qariqaaqari ha Yeesu.

Hiitlaaꞌasa 1:8

Looimoo Iliitleemu gu kooma ⁄uuru Goõ kakaakana tuba, “Ana na Tlaatleesoo haa Hiifaakoo, gu waara, gwaa waara, haa gwaa khoca.”

Hiitlaaꞌasa 11:17

kakaanay tuba, “Hakaawana ⁄iisoo, daqa dooguu, Iliitleemu Taataa gu kooma ⁄uuru goõ, Ugu haa wanta tlaatleesoogo ha wanta inkoo haa ha wanta balalu sliimaa. Ugu hangii oodi ⁄uuru googu gu didiru, haa gi qadidisidi tawaaloo doogu.

Hiitlaaꞌasa 14:3

Hida hhakira gu mibeeri mibi leẽ haa mibeeri cigahha haa cigahha, yaa qadimidiri pandaa da kitiĩ gu tawaalooge, pandaa da hhakiray cigahha gu slafee haa pandaa da gaduũ hhakiray. Inay yaa raaꞌaaꞌaminay raaꞌamee da ⁄abi, wanaaba lensee gungwaay dahhasu caacaahhamisu raaꞌametee, ti hida hhakee kilesi, daa afiigweedi khooroogo.

Hiitlaaꞌasa 14:8

Malayika waku gu cada yaagi sirakoomi alunkosaa, gi kaay tuba, “Hiĩ huuiri! Hiĩ huuiri yaamu hhakira gu didiri gu Babilooni. Yaamu hhanki naa ⁄isiniri hhapapu goõ, ma kitahhaniri difaay da qupidaa gu slipalauuma dosi.”

Hiitlaaꞌasa 17:14

Watemiti da mibi hingi ilagaasiyay sliimaa haa makimoki, ma qwaatliri haa ⁄ambeenimoo. Teesaaqay see, ⁄ambeenimoo higimati kaba⁄i inay, sa gimba ina na Looimoo gu looee haa Mutemi gu watemi. Ina maa sliimaa wana haa hida kosi giyaa eteedi haa gigii leehhi, inay ti sirakoomiisee dosi, doó iliipaꞌane.”

Hiitlaaꞌasa 19:16

Daqa jurungii dosii haa daqa tlaana dosii, daa handikimi umaki tuba, “Mutemi gu watemi haa Looimoo gu looee.”

Hiitlaaꞌasa 19:2

Hukumuu gu Iliitleemu guti lou kara guti haaki. Ina hiĩ hukumi slipalautoꞌotira daa ca⁄atinti, daa tlakweemisidi hida gu khooroo hari slipalauumaa dosi. Kara, Iliitleemu hiĩ bui ⁄imbu, sa gimba ina yaa cu⁄udi tongee dosi.”

Hiitlaaꞌasa 4:8

Hhaã cigahha gu slafee, gonkoinaa yaa konay hhababeeraa lahhoꞌo lahhoꞌo. Hhababeerii hhakee yaa konay ilaa bareemoo goõ, haã hari waꞌay gu hhababeeraa see. Tleemaa haa amasi yoó mayaaiiba raaꞌamee, raaꞌamu gu daareesa Iliitleemu kakaanay tuba, “Gooba dakoo, Gooba dakoo, Gooba dakoo, ti Looimoo Iliitleemu gu kooma ⁄uuru, gwaa waara, gu waara haa gwaa khawa.”