Hiitlaaꞌasa 13:7 - Ila⁄imbidu Gu ⁄abu hari Burungaisoo

⁷ Ina dugugii geemay ma gwaatli haa hida gu Iliitleemu haa gigi kaba⁄i. Sugugi hadisi hiidahhasa da tawaaliru hida gu hhapapu goõ, hida gu kabiraa goõ, hida gu motoliya goõ, haa gu gimba goõ khooroo gonge.

Hiitlaaꞌasa 13:7 ပူးပေါင်းရင်းမြစ်များ

Luuka 4:6

Biriisimoo gi kaay sa Yeesu tuba, “Ana sugu qaw ⁄uuru gu tawaaliru hhapapu hhanki sliimaa, haa sugu qaw wanqamee dooina goõ da didiri. Maꞌaana ana sinaa taatahhi gonkoinaa dabaiĩ koi, haydahhasa qawaraa ⁄uuruki sa heedi ga slae.

Yohaana 19:11

Yeesu gugi ilaki⁄isi tuba, “Bere ugu sugwaa aloo qayaaba ⁄uuru gu tawaaliru daqa Iliitleemugo, haã aloo kontaaba ⁄uuru lensee daqa dooii. Inkoo, hiĩ guunii lu⁄u ana dabaiĩ kokuu kona tlakwaroo da didiri ba⁄ay da toogu see.”

Hiitlaaꞌasa 10:11

Da hheꞌesi, sinigi kaay tuba, “Ugu kwanda ga tletinte kara sa kabiraa wa⁄a, sa hhapapu, sa gimba haa sa watemi.”

Hiitlaaꞌasa 11:18

Hida gu hhapapu hiĩ slahhaahhaairi, sa gimba qatlay gu laqaru qupidaa koku gu didiri yaani day. Kara qatlay yaani day, gu hukuru hida gwaa kaka⁄ee. Slime hiĩ na qatlay ga iliihadiside ⁄aliya sa tongee doogu tletimiisee, haa hida koku gaa tlintiꞌisidi, sliimaa haa hhakaꞌa goó gwaa⁄ee uma googu. Hida gu deni sliimaa haa gu digidakwi, haa gi hhamisida hhakaꞌa goõ goó tlakweemisee khooroo.”

Hiitlaaꞌasa 11:7

Qatlay inay giyoo iliihheꞌesiyee ilatlatlaw ya⁄aboo da Iliitleemu sigaa hadisi, makimokira gwaa hiica⁄a bonda gu khonsleebaago, hiti gauusi haa inay, gigi kaba⁄i haa gigi cu⁄i.

Hiitlaaꞌasa 12:17

Da hheꞌesi, irimukee gi slahhaai hari khisla sa hadetee. Gi waaudi, ma gaukay haa yaꞌay gwaa meetee gu hadetee, inay na hhakee goó iliikoomee ilakaawa da Iliitleemu haa goó ilatlatlawee ilatlatlaw gu Yeesu Kristu. Da hheꞌesi, irimukee gi qadidi seehhinay gu tlawa da didirige.

Hiitlaaꞌasa 17:15

Da hheꞌesi, malayika sinigi kaay kara tuba, “Maꞌay hhakira gaa arinti, daa ilii ibiidi rawaage ha slipalautoꞌotira, ti hida gu hhapapu goõ, motoliya goõ haa gimba goõ.

Hiitlaaꞌasa 5:9

Inay gi raairi raaꞌamee da ⁄abi da daareesa ⁄ambeenimo kakaanay tuba, “Ugu haraay boo⁄odi hiiowaraa kitaabukee, haa gi babacinta tliitliqimisu gosi. Sa gimba ugu dugwaa gaasi, haa hari ceedee doogu, ugu haa afiigweeti hida sa Iliitleemu, hida gu kabiraa goõ, hida gu gimba goõ, hida gu motoliya goõ haa gu hhapapu goõ.