Hiitlaaꞌasa 12:2 - Ila⁄imbidu Gu ⁄abu hari Burungaisoo

² Hadetee yaa konta hubay, ina yaa ⁄aa⁄ii⁄iminta sa ba⁄adaa gu hiidawaraa.

Hiitlaaꞌasa 12:2 ပူးပေါင်းရင်းမြစ်များ

Mataayo 24:8

Gimbaki sliimaa ti tlaatleesoo kilesi, ti tlaatleesoo gu ba⁄adaa gu hadee da slaꞌa hiidawa.

Yohaana 16:21

Hadee giyoó ilii ba⁄adaa, yoóti arinta slahhaaꞌamee, sa gimba qatlay gosi gu hiidawa hiĩ day. Teesaaqay see, qatlay giĩ ilii daadi, hiislaydaaba kara slahhaaꞌametee, sa gimba gu hhaꞌaloo da slawaraa daa⁄u khoorotii.

Wagalatiyaa 4:19

Hhiee koi, hatee ti waa da cada ana arimaa slahhaaꞌamee sa unkuray, taqay hadee da hubay gooay giyoó iliiante slahhaaꞌamee qatlay gu hiidawaraa. Slahhaaꞌametee ilakonta teesaaqay, yaqa naqatloo ibinaa dooguna gimaa iliilaqante ibinaa da Kristu.

Wagalatiyaa 4:27

Idoo daa ilii handikimi Handikaa da Iliitleemuge tuba, “Hhaꞌaluudi, igi hadee da mogombiisoꞌoo, igi doóba laqwaloo yaꞌay. Maahhi afoo doogi, raai hari hhaꞌaloo, igi da hhidima slahhaaꞌamee da laqwaloo, sa gimba, yaꞌay gu hadetee daa may ti wa⁄a, ba⁄ay da yaꞌay gu hatee da kooma hhawata.”

Hiitlaaꞌasa 12:4

Irimukee hari hhaysoo gosi yaagi duukhi leẽ da tami da tica⁄eerii rawgo haa giyaagii slakhi hhapeege. Da hheꞌesi, irimukee gi qadidi pandaa da hadeteesii daa daadaauusidi hiidawaraa, magi afa gwi⁄i daa⁄u gosi cira, qatlay dugoó ilii daye.