Hiitlaaꞌasa 12:10 - Ila⁄imbidu Gu ⁄abu hari Burungaisoo

¹⁰ Da hheꞌesi, hagi akhasi afoo da didiri rawaa gu rawgo kakanta tuba, “Inkoo ilabuꞌuru, ⁄uuru haa Tawaaloo da Iliitleemu goori yaani khaydi haa hiidahhasa da Kristu gosi. Sa gimba, dugwaanii kwahhi hhapeege hikira goó sitaakiikima hhiee koti, ina goó sitaakiikima pandaa da Iliitleemuge amasi haa tleemaa.

Hiitlaaꞌasa 12:10 ပူးပေါင်းရင်းမြစ်များ

Mataayo 26:64

Yeesu gi ilaki⁄isi tuba, “Ugu niĩ kaadi teesaaqay. Inkoo, sangu kaay unkuray goõ ambee, qariqaaqari, Nanku Heedi hagu antayi, hiĩ ibiidi hari daba gu ⁄uya gu Iliitleemu gu kooma ⁄uuru goõ. Kara, hagumaa antayi ina yaa hii⁄eeti hari tlonga yadaa rawaa gu rawgo.”

Mataayo 28:18

Teꞌesii, Yeesu yaagi khay daqa dooinay, sigigi kaay tuba, “Siniĩ hadisi ⁄uuru goõ gu tawaaloo, rawaa gu rawge haa khoorooge.

Mataayo 6:10

tawaaloo doogu yaa khayde daqa doorii, slaꞌamuu koku digii gaasiye, tiꞌii khoorotii giyoó iliiwane gooay taysi rawaa gu rawge.

Luuka 11:2

Yeesu gi kaay sa inay tuba, “Qatlay ga ilii firiirintee kakaama tuba, ‘Taataa, uma googu dugu muriidiye. Tawaaloo doogu yaa khayde.

Luuka 22:31

Yeesu gi kaay tuba, “Simooni, Simooni! Yuꞌudiyaa! Sataanimoo hiĩ firimi, ma koimisi unkuray goõ, taqay dooslimiisay gooay giyoó ilii heeleꞌemisiye baruũ.

1 Wakorinto 5:4

Hari uma gu Looimoo goori Yeesu, kwanda ga etetee hiikurunkurida da kanisaa. Ana hamaa waara sliimaa haa unkuray muunage, haa ⁄uuru gu Looimoo goori Yeesu maa wana.

2 Wakorinto 12:9

Ina gi kaay daqa dooii tuba, “Hhoinay goy gu didiru yoó buꞌudisi ugu. ⁄uuru gooi dugoótii gaasi loi daqa heedi gooba ⁄uuru.” Inkoo, hangutii duuba hari hhaꞌaloo sa ⁄uuru gooi gu hhaku, ma dini hacisi ha hiidahhasa dosi Kristu.

Tiito 2:3

Nama teesaaqay leẽ, caacaahhamisi gaduũ gu tigay, konee ibinaa daa tlintiꞌisi, hhanti iliitlohhidiyay, hhanti hhareediyay, hhanti ooniimidiyay. Inay kwanda gi caacaahhamisiyee hida gimba gu hhou.

1 Peetiro 5:8

Hangu ga⁄aydee naraꞌa haa diliqa, maꞌaana fa⁄ayimoo googuna Biriisimoo, yoóti niini⁄imidi diidaw goó buruqa pahha, dabiidi heedi magu gwi⁄i.

Hiitlaaꞌasa 11:15

Da hheꞌesi, malayika gu fanqu giifahhi paranda gosi. Teꞌesii hagi akhasi afafu gu deni rawaa gu rawge kakaanay tuba: “Tawaaloo da khooroti, hinti tawaaloo da Iliitleemu goori tleehhiti haa da Kristu gosi, kara ina hiti tawaalina koraraa haa koraraa goóba hiifaakoo.”

Hiitlaaꞌasa 2:26

Heedi gumaa kaba⁄a ⁄uuru gu tlakwaroo, haa gumaa iliikooma yondu gimba ga slae ana hiifaakoo naqatloo, hikee sugumaa hadisa ⁄uuru guri tawaaliru hida gu hhapapu goõ.

Hiitlaaꞌasa 7:10

Inay gi maahhiri hari afoo da didiri, kakaanay tuba, “Afiigweeda yoó daqa Iliitleemu goori dahhada ina goó ibiida kitiĩ gu tawaalooge, haa daqa ⁄ambeenimoogo.”