2 Wakorinto 2:13 - Ila⁄imbidu Gu ⁄abu hari Burungaisoo

¹³ Teesaaqay see, kahha haa koomaaba tlakhada lensee saga gooii, sa gimba teꞌesii hhia goy Tiito hagwaa slayiiba. Teesaaqay hangugi aareemisani haa inay, hagi waaudi hhapee da Makedooniyage.

2 Wakorinto 2:13 ပူးပေါင်းရင်းမြစ်များ

Maariko 6:46

Yeesu giyaa ilii hheꞌesi aareesa hida hhakee, ina gi ilakhiinaaꞌadi onke, ma firoo kay Iliitleemu.

Yondu gu Ya⁄abimiisee 21:6

Da hheꞌesi hangugi aareemisani haa inay, dandiray gii guni meelige. Inay gi tooinaa ki⁄iri ayeema koinay.

Waruumi 15:26

Hida gu Iliitleemu gu hhapee da Makedooniya haa Akaaya hingii kurunkuriri slagumu sa iliiawa hida gu Iliitleemu hhaã gu kwaeeli gu yade waaree Yerusaleemuge.

2 Wakorinto 12:18

Ana, Tiito gwaati tlaatlaqasi miyaa khay daqa doogunay, hagwaati ya⁄abi sliimaa haa hhia waku. Inkoo, Tiito yaa slayii faydaa daqa dooguna? Gu lou, unkuray hhidintaai tuba, dandiray hoóti yondiidana harima Muunakee leẽ? Kara, hoóti ibiidanaabaslii nama teesaaqay leẽ?

2 Wakorinto 7:13

Inkoo, sa gimbaki goõ muunaiĩ koti digingiĩ ⁄atlisi. Kara, dandiray muunaiĩ koti digintii ⁄atlisi kilesiiba, haa hhaꞌaluumidani hari khisla arimaa Tiito giyaa ilii kone hhaꞌaloo, sa gimba muuna gosi hanguũ muuna boo⁄iisidiri unkuray gonkokunaa.

2 Wakorinto 7:14

Ana hanguũ dumbeesi unkuray daqa dosii, unkuray hanaa ilamuriidisidiriiba. Inkoo, kila idoo sangwaa kaawani unkuray, daati loi. Nama teesaaqay, dumbirukira kokuna daqa Tiitoge slime gwaati lou.

2 Wakorinto 8:16

Ana daareesa Iliitleemu gwaa qaasu muuna gu Tiitoge kwayrukee ga koome ana, gu iliiaꞌawuu unkuray.

2 Wakorinto 8:23

Inkoo, bere heedi slai caahha gimba gu Tiito, ina ti danaꞌa goy haa ya⁄abimiisay sliimaa haa ana tla⁄aã googunay. Inkoo, gimba gu hhiee hhanki koti wakinay gwaa khakhaakhawee sliimaa haa inay, inay diganti ya⁄abi ha kanisasuu, kara ti hhoinay gu wanqamee da Kristu.

2 Wakorinto 8:6

Teesaaqay, dandiray haa tlaatlaqasani Tiito, sa gimba ina naa tlaatleesi hii⁄atlisa muunaiĩ unkuray gimbaki gu hadimisu. Slime hiigaasiye yonduki gu muuna hhoinay tla⁄aã googunay.

Wagalatiyaa 2:1

Da hheꞌesi, daa ilii cati koraraa mibi haa cigahha, ana haa hadakay kara Yerusaleemuge sliimaa haa Barinaaba. Slime hagi hubidi Tiito, ina ma hadakay sliimaa haa dandiray.

Wagalatiyaa 2:3

Inay hinaa ila⁄imbiri haa yaa ⁄uureesiriiba Tiito duguma daba⁄i, ina giyaamati Yunaanimoo see.

2 Timoteeyo 4:10

Deema hhia goori hinaa may ana, sa gimba gu slaꞌamuu gu khooroti da inkoo, gi waaudi yaamu gu Tesaloniikege. Kreesike yaa waaudi yaamu gu Galatiyaage, kara Tiito yaa waaudi yaamu gu Dalimaatiyage.

Tiito 1:4

Cheetiti sagaani ugu handikimi, Tiito, ugu ti nankoy pahha daqa dooii, gonkotaa hoó sliimaa ⁄imbana Kristu Yeesu. Ana ha firiirima Taataa goori Iliitleemu haa Kristu Yeesu, Ilabuꞌumiisay goori sugu laqane hhoinay gu didiru haa qasaw, kara sugu qayee ibinaa da hhoi.