1 Wakorinto 11:1 - Ila⁄imbidu Gu ⁄abu hari Burungaisoo

¹ Hani ilakeesintee ana, ana gooay idoo goó ilii ilakeesime Kristu.

1 Wakorinto 11:1 ပူးပေါင်းရင်းမြစ်များ

1 Wakorinto 10:33

Ana gooay goó ilii koimise muunaboo⁄eesa kila heedi hari amamu sliimaa. Maꞌaana dabiidaaba faydaa sa ana loi, ba⁄ay hati dabiida faydaa sa hida wa⁄a, ma digii dahhasi ilabuꞌuruu.

1 Wakorinto 4:16

Inkoo, hangu tlaatlaqasa, sirakooma ilakhuukhuꞌusati toyi.

Wafiliipi 3:17

Hhiee koi, ana hangu tlaatlaqasa ambee, sirakoomaa ilakhuukhuꞌusa da ibinaa doyi, idoo ana gooay goó iliisirakoome Kristu. Kara khuꞌuma ibinaa da hhakee goó sirakoomee amoti da Kristu, ibinaa da hhoi sangwaa laqani unkuray.

1 Watesaloniike 1:6

Unkuray hagi sirakontiri ilaꞌaaꞌaatisa da ibinaa doori, haa hagi ilakeesintiri Looimoo gu Goõ. Unkuray dangwaamati labaꞌasi see hari khisla, haa oodiri ya⁄aboo da Iliitleemu, hari hhaꞌaloo da didiri, doó daqa Muuna gu Iliitleemu dahha.

2 Watesaloniike 3:9

Dandiray haa teesaaqay laqani, yaati sa gimba haati konaaba gooba haaki, da slawaraa iliiawa da hatee gooay daqa doogunaa. Dandiray haati slaꞌana, mangi laqani ilaꞌaaꞌaatisa sa unkuray.

Waeburaaniyaa 6:12

Teesaaqay, hhanti naa⁄amuumutay. Unkuray ilakeekeesa ilaꞌaaꞌaatisa da hida goó ⁄imba Kristu haa gu koomee hiikaasa. Hida hhakaꞌa goó aalimee gimbakira daa hiifadidi Iliitleemu.