Yo 9:18 - Sơ̆p Hlabơar Nơ̆r 'Bok Kei-Dei

¹⁸ Lu bơngai Juđê ưh kơ lui kơ bơngai noh đơ̆ng măt tol sơ̆ na 'nao klaih dang ei. Na lu sư năm krao mĕ 'bă bơngai đêl măt tol ei năm tơ lu sư.

Yo 9:18 ပူးပေါင်းရင်းမြစ်များ

Bl 19:14

Na Lot lĕch roi hloi kơ ŏng wă jê̆ oei kơ bre kon sư thoi âu: “Iung bĕ, lĕch đơ̆ng anih âu, yua kơ Kră Yang wă pơrăm boih pơlei âu.” Mă-lei bre kon ŏnga sư ngeh kơ Lot pơma hơnul.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 53:1

Bơngai bu lui tơdrong lu nhôn roi tơbăt bơih, păng ti Kră Yang đei pơdah ăn kơ bu bơih?

Luka 16:31

Na Abraham khan: ‘Dah lu sư ưh kơ wă mơ̆ng lu đe bơtho tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei, mă sư 'bôh bơngai iung arih đơ̆ng lôch, sư kư̆m ưh kơ lui 'mơ̆i.’ ”

Yo 1:19

Bơngai Juđê wơh lu 'bok soi păng lu bơngai Lêwi mă jang lăm hnam akŭm 'Bok Kei-Dei tơm năm đơ̆ng Pơlei Jêrusalem tơ Pơlei Bethani pah to krong Jôrđăn wă jet lăng Yôhan. Chă Yôhan 'bôh boih na jet thoi âu: “Ih bu mă tơpă?”

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

Yo 9:19

Na lu sư jet: “Bơngai âu hăm trŏ kơ kon biĕm? Đơ̆ng tơpŭ kơ sư sơ̆ sư hăm măt tol ưh? Păng thoi yơ sư gơh 'bôh hơdah dang ei?”

Yo 9:22

Mĕ 'bă sư ưh kơ wă khan Yêsu pơklaih sư yua kơ sư hli kơ lu bơngai Juđê. Lu bơngai Juđê khan bơngai bu khan Yêsu 'Bok Krist mă 'Bok Kei-Dei wơh wă pơgơ̆r kon bơngai, bơngai 'noh lu sư ưh kơ ăn năm mơ̆t akŭm tơ hnam 'Bok Kei-Dei.

Hêbrơ 4:11

Kơlih kơ thoi noh na bơ̆n athei adrin lui mă tơpă wă kơ gơh mơ̆t pơdơh tơ 'Bok Kei-Dei păng wă kơ bơ̆n huay kơ đei bu hiong kơ tơdrong 'noh thoi lu bơngai arăng kơ̆l kuă kơ lui sơ̆.