Yo 9:17 - Sơ̆p Hlabơar Nơ̆r 'Bok Kei-Dei

¹⁷ Lu sư jet dơ̆ng bơngai đêl măt tol ei: “'Bok ei, ih khan Sư pơklaih măt ih 'bôh hơdah, na ih anăn Sư 'Bok kiơ ei?” Na bơngai măt tol ei khan: “Inh anăn Sư 'Bok pơtruh nơ̆r 'Bok Kei-Dei tơpă 'noh.”

Yo 9:17 ပူးပေါင်းရင်းမြစ်များ

Mathiơ 21:11

Lu bơngai tơpôl kiơ̆ jơ̆ng Yêsu ei khan: “Sư 'noh Yêsu, Sư bơngai pơtruh nơ̆r 'Bok Kei-Dei, Sư đơ̆ng Pơlei Nasaret, dêh Galilê.”

Luka 24:19

Na Yêsu jet dơ̆ng: “Tơdrong kiơ kih?” Na bre sư khan: “Tơdrong Yêsu đơ̆ng Pơlei Nasaret, Sư bơngai pơtruh nơ̆r 'Bok Kei-Dei. 'Bok Kei-Dei ăn kơ Sư hơgei tơpă bơtho tơdrong 'Bok Kei-Dei păng ăn kơ Sư gơh pơm lơ tơdrong mơsêh mơyang mơ̆n. Na đĭ-đăng lu kon tơring tơrang wang ư-ang kơ Sư.

Yo 4:19

Duch ei khan kơ Sư: “Ơ 'Bok, inh băt boih Ih, Ih bơngai pơtruh nơ̆r 'Bok Kei-Dei.

Yo 6:14

Thoi noh na dôm lu bơngai tơpôl ei 'bôh Yêsu pơm tơdrong mơsêh mơyang Sư thoi noh na lu sư khan: “'Bok âu boih 'Bok mă bơ̆n chang gô đơ̆ng sơ̆ khan gô truh tơ ala teh âu wă pơtruh nơ̆r 'Bok Kei-Dei.”

Yo 9:15

Lu bơngai Pharisi jet sư: “Thoi yơ ih gơh 'bôh hơdah boih?” Sư khan: “Kơlih kơ 'Bok ei kơsoh đak hai tơ teh pik kơ măt inh, na inh năm 'nhao tơ đak gơh 'bôh hơdah hloi.”

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 2:22

Pêtrôs oei pơma: “Ơ lu đe Isơrael, mơ̆ng inh bĕ. Yêsu Pơlei Nasaret, bơngai mă 'Bok Kei-Dei wơh Sư pơm tơdrong mơsêh mơyang, pơm tơdrong hlĭch hlăch, tơ'bôh kơ iĕm tơdrong chrơp, 'Bok Kei-Dei yua Sư pơm lu tơdrong 'noh tơ lăm lu iĕm, thoi lu iĕm đei băt boih.

Both 18:15

Đơ̆ng lăm lu iĕm Kră Yang 'Bok Kei-Dei iĕm gô pôk minh 'nu bơngai pơm 'bok khan lê̆ adrol thoi inh; đơ̆ng lăm lu 'nhŏng oh iĕm, lu iĕm athei mơ̆ng kiơ̆ sư!