Yo 8:53 - Sơ̆p Hlabơar Nơ̆r 'Bok Kei-Dei

⁵³ Ih hăm tih hloh kơ 'bok kơdră bơ̆n Abraham? Sư lôch boih, lu bơngai pơtruh nơ̆r 'Bok Kei-Dei sơ̆ kư̆m lôch boih. Na dang ei đe pôk Ih pơm kiơ boih?”

Yo 8:53 ပူးပေါင်းရင်းမြစ်များ

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Mathiơ 12:6

Inh khan kơ iĕm tơpă, tơdrong jang Inh kăl hloh kơ tơdrong jang đe noh jang lăm hnam akŭm.

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Yo 10:33

Lu bơngai Juđê khan: “Nhôn ưh kơ klơ̆m Ih ôh gah tơdrong pơm 'lơ̆ng, mă-lei nhôn wă klơ̆m păng tơmo yua kơ Ih pơma tih kơ 'Bok Kei-Dei. Ih kon bơngai đĕch, mă Ih khan Ih atŏ păng 'Bok Kei-Dei.”

Yo 12:34

Lu bơngai tơpôl lơ ei khan kơ Yêsu: “Nhôn đŏk lăng lăm sơ̆p hla bơar 'Bok Kei-Dei khan: 'Bok Krist arih ling-lang ưh kơ layơ lôch. Na Ih khan đe gô atol pơlôch Kon Bơngai tơ 'long pơglang. Kon Bơngai ei bu? Ưh kơ sĭ 'Bok Krist hă?”

Yo 19:7

Lu Juđê drơ̆ng khan: “Nhôn đei tơdrong juăt, kiơ̆ thoi tơdrong juăt 'noh athei pơlôch Sư kơlih kơ Sư khan Sư Yang, Kon 'Bok Kei-Dei.”

Yo 4:12

Bĭ Ih hăm tih hloh kơ 'bok bơ̆n Jakôp mă ăn kơ nhôn đak sơlŭng âu? Sư, lu kon sư păng sem dơrong sư nhă hơdai minh pôm sơlŭng đak âu sơ̆.”

Yo 5:18

Kơlih kơ tơdrong noh lu bơngai Juđê chă tơdrong wă kơ gơh rôp pơlôch Sư, yua kơ lu sư khan Yêsu tŭk tơdrong kơ̆m lăm năr pơdơh Sa'bat; păng khan 'Bok Kei-Dei 'Bă Sư, dang wă khan Sư tih atŏ hăm 'Bok Kei-Dei.

Yo 8:58

Yêsu khan kơ lu sư: “Inh khan kơ iĕm tơpăt, hơdrol kơ Abraham tam mă đei, Inh đei boih.”

Rom 9:5

Lu yă 'bok lu sư sơ̆ lui kơ 'Bok Kei-Dei hơdrol kơ đĭ-đăng lu bơngai nai. Na 'Bok Krist mă 'Bok Kei-Dei wơh dŏng pơklaih kon bơngai Sư kư̆m bơngai Isơrael mơ̆n tơ̆ng kiơ̆ kơ mĕ Sư tơpŭ. 'Bok Krist boih Yang tih hloh gơh pơgơ̆r tôm tơdrong, trŏ kơ kon bơngai ư-ang kơ Sư ling-lang tơpă. A-men.