Yo 8:46 - Sơ̆p Hlabơar Nơ̆r 'Bok Kei-Dei

⁴⁶ “Lăm lu iĕm ưh kơ đei bu 'bôh Inh pơm yoch kiơ. Dah Inh pơma tơpăt lơliơ iĕm ưh kơ wă lui kơ Inh?

Yo 8:46 ပူးပေါင်းရင်းမြစ်များ

Mathiơ 21:25

Bĭ tơdrong Yôhan pơm kơ đe 'batem noh sơ̆ đơ̆ng bu ăn, đơ̆ng 'Bok Kei-Dei dah đơ̆ng kon bơngai?” Na lu sư pơđâu băl khan: “Bơ̆n wă khan kơ Sư thoi yơ? ‘Dah bơ̆n khan đơ̆ng 'Bok Kei-Dei,’ lei Sư khan: ‘Iĕm kuă kơ kiơ lui kơ Yôhan bơtho?’

Markôs 11:31

Lu sư pơđâu băl khan: “Bơ̆n wă khan kơ Sư thoi yơ? Dah bơ̆n khan đơ̆ng 'Bok Kei-Dei lei Sư khan: ‘Iĕm kuă kơ kiơ lui kơ Yôhan bơtho?’

Yo 14:30

Dang ei Inh oei pơma dơnuh păng iĕm ưh pă đunh boih, kơlih kơ yang Satan kră pơgơ̆r tơ ala teh âu wă truh boih. Mă-lei sư ưh kơ kĕ pơgŏ Inh pơm tơdrong kiơ ôh.

Yo 15:10

Dah iĕm răk dôm tơdrong Inh bơtho, lei inh 'mêm kơ iĕm tơpă, wei-lăng iĕm khŏm khŏm, kư̆m thoi Inh răk dôm tơdrong 'Bă Inh bơtho na Sư 'mêm kơ Inh tơpă păng wei-lăng Inh khŏm khŏm mơ̆n.

Yo 16:8

Lăp Sư jur, Sư tơbăt ăn kơ lu bơngai ala teh âu lu sư đei tơdrong yoch; Sư tơbăt ăn kơ lu sư Inh, Inh 'lơ̆ng tơpăt; păng tơbăt kơ lu sư gah tơdrong 'Bok Kei-Dei wă phak lu bơngai ưh kơ lui kơ Sư.

Yo 18:37

Pilat jet dơ̆ng: “'Noh hăm trŏ Ih 'Bok Pơtao dah ưh?” Yêsu khan: “Trŏ boih ih khan Inh 'Bok Pơtao. Kơlih kơ minh tơdrong âu Inh tơpŭ tơ ala teh âu, wă bơtho tơdrong tơpăt. Bu mă kiơ̆ tơdrong tơpăt, sư mơ̆ng nơ̆r Inh pơma.”

Yo 8:47

Bơngai bu đơ̆ng 'Bok Kei-Dei, bơngai 'noh mơ̆ng nơ̆r 'Bok Kei-Dei. Iĕm ưh kơ mơ̆ng nơ̆r 'Bok Kei-Dei noh iĕm ưh kơ sĭ đơ̆ng 'Bok Kei-Dei ôh.”

Yo 8:7

Lu đe ei nŏng jet Sư 'bơ'bel. Na Sư ngơk khan kơ lu đe ei thoi âu: “Lăm lu iĕm bơngai bu tam lah pơm yoch, iĕm ăn kơ sư klơ̆m duch 'noh păng tơmo hơdrol kơ lu bơngai mă pơm yoch.”

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

I Pet 2:22

“Sư ưh kơ đei pơm minh tơdrong yoch kiơ, păng Sư ưh kơ đei layơ hơlĕnh kơ đe.”