Yo 8:37 - Sơ̆p Hlabơar Nơ̆r 'Bok Kei-Dei

³⁷ Inh băt mơ̆n iĕm kon sâu Abraham, mă-lei iĕm wă pơlôch Inh. Iĕm ưh kơ wă lui yom kơ Inh bơtho hơya tŏ sĕt 'biơ̆.

Yo 8:37 ပူးပေါင်းရင်းမြစ်များ

Mathiơ 13:15

Yua kơ đon lu sư kơtul dêh, Mă-lei lu sư oei wă pơchĭt đon sư kơdih khŏm khŏm 'mơ̆i, Păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, Đon lu sư gơh kơtơ̆ng nhên, lu sư gơh tơchĕng kơdih băt wih tơ 'Bok Kei-Dei, Na Sư gô pơklaih đĭ dôm tơdrong yoch lu sư.’

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Yo 10:31

Na lu bơngai Juđê kơtơ̆ng Sư khan thoi noh, lu sư iŏk tơmo wă klơ̆m pơlôch Sư ră.

Yo 11:53

Đơ̆ng năr 'noh boih lu sư chă đon wă pơlôch Yêsu.

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

Yo 7:1

Đơ̆ng rŏng kơ noh Yêsu oei năm chă bơtho tơ dêh Galilê. Sư ưh pă năm bơtho tơ dêh Juđê boih kơlih kơ lu bơngai Juđê wă pơlôch Sư.

Yo 7:19

Hăm trŏ kơ Môis ată ăn kơ iĕm tơdrong juăt, mă-lei lăm lu iĕm ưh kơ đei bu răk tơdrong juăt noh? Na iĕm khan Inh ưh kơ răk tơdrong juăt Môis, na iĕm khan wă pơlôch Inh. Kơlih kơ kiơ iĕm wă pơlôch Inh noh?”

Yo 7:25

Lăm lu kon pơlei pơla Jêrusalem đei bơngai mơ'nah khan: “Yêsu âu dah kiơ lu kră bơ̆n khan wă rôp pơlôch Sư ei?

Yo 8:33

Na lu bơngai kiơ̆ ei khan kơ Yêsu: “Nhôn kon sâu Abraham. Nhôn ưh kơ lah đĭch đe. Lơliơ Ih khan: ‘Iĕm gô rơngei’?”

Yo 8:43

Inh tơhlôh ăn kơ iĕm thoi noh boih, kơlih kơ kiơ iĕm ưh kơ wao tơdrong Inh bơtho? Hăm trŏ iĕm arăng kơ̆l ưh kơ wă lui kơ nơ̆r Inh bơtho?

Yo 8:56

'Bă iĕm Abraham hiôk chơt kơlih kơ sư băt sư gô 'bôh năr Inh truh. Sư 'bôh boih na sư hiôk chơt tơpă.”

Yo 8:59

'Bơ̆t ei lu sư iŏk hloi tơmo wă klơ̆m Sư ră; mă-lei Sư ôn akâu Sư kơdih hloi lĕch đơ̆ng hnam akŭm 'Bok Kei-Dei tơm ei.

Yo 8:6

Lu sư jet thoi noh, lu sư wă pơlong lăng Yêsu, wă kơ Sư pơma ưh kơ trŏ tơdrong juăt đe Juđê, na lu sư wă jâu Yêsu 'bơ̆t anăp đe kră sek tơlang. Mă-lei Yêsu kŭp kơ̆l, ti Sư chih ngôi tơ teh.

Jang 13:26

“Ơ lu 'nhŏng oh adrĕch adrung kon sâu Abraham păng lu bơngai tơmoi năm kơkuh kơ 'Bok Kei-Dei, Kră Yang 'Bok Kei-Dei ăn kơ bơ̆n dang ei tơdrong dŏng pơklaih.

Rom 9:7

'Bok Kei-Dei ưh kơ jô̆ đĭ-đăng lu kon sâu Abraham khan kon sâu Abraham ngăl ôh. Yua kơ 'Bok Kei-Dei khan kơ Abraham sơ̆ thoi âu: “Lu kon sâu ih mă lĕch đơ̆ng kon ih Isăk noh Inh jô̆ khan kon sâu ih.”

I Kor 2:14

Lu bơngai kiơ̆ kơ sĕch akar wă khan lu ưh kơ lui, lu sư ưh kơ iŏk ôh dôm tơdrong đơ̆ng Yang Bơhngol 'Lơ̆ng 'Bok Kei-Dei, yua kơ lu sư ưh kơ đei Yang Bơhngol 'Lơ̆ng bơtho. Na lu sư ưh kơ hlôh, lu sư lăng dôm tơdrong 'noh nhen lĕ tơdrong kơtul đĕch.

I Yo 2:14

Ơ lu kon hơ'lơ̆p, inh chih kơ iĕm kơlih kơ iĕm băt kơ 'Bă bơ̆n 'Bok Kei-Dei. Ơ lu mih ma duch nă, inh chih kơ iĕm kơlih kơ iĕm băt kơ Yêsu Krist mă oei arih đơ̆ng blŭng-a sơ̆. Ơ lu adruh tơdăm, inh chih kơ iĕm kơlih kơ iĕm pran kơtang. Iĕm kiơ̆ tơpă dôm nơ̆r 'Bok Kei-Dei, na yang Satan thuơ kơ iĕm boih.