Yo 8:32 - Sơ̆p Hlabơar Nơ̆r 'Bok Kei-Dei

³² Na iĕm gô băt tơdrong 'Bok Kei-Dei tơpă, thoi noh na iĕm gô rơngei.”

Yo 8:32 ပူးပေါင်းရင်းမြစ်များ

Horiso 119:45

Inh gô yak nơnăm rơngei, yua kơ inh kiơ̆ chơchă tơdrong Ih bơtho tơtă.

Horiso 25:5

Apinh chông ba inh lăm trong tơpăt Ih păng bơtho tơ'bôh kơ inh, Yua kơ Ih boih Kră Yang 'Bok Kei-Dei dŏng pơklaih inh. Rim năr inh chang gô Ih.

Tơdrông Pơđơk 1:23

'Bơ̆t Inh chrih, lu iĕm wih mơ̆ng bĕ, 'nâu, Inh wă tuh jơhngơ̆m đon Inh tơ lu iĕm; Inh gô tơbăt ăn kơ iĕm nơ̆r Inh.

Tơdrông Pơđơk 1:29

Yua kơ đơ̆ng lu sư areh kơ tơdrong hlôh wao, Ưh kơ wă rơih chă tơdrong hli yom kơ Kră Yang.

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Êsai 30:21

Mă lu iĕm weh gah 'ma dah gah 'ngiĕo, đon lu iĕm gô kơtơ̆ng nơ̆r pơma đơ̆ng rŏng lu iĕm khan: “Âu jơ̆ trong mă lu iĕm athei rok kiơ̆!”

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Êsai 54:13

Đĭ-đăng kon ih gô đei Kră Yang bơtho tơ'bôh, păng tơdrong hiôk-hian kon hơ'lơ̆p ih gô tih tơpă.

Êsai 61:1

Yang Bơhngol 'lơ̆ng Kră Yang oei hơdai Inh. Kră Yang rơih inh. Wă năm bơtho ăn tơdrong 'nao 'lơ̆ng kơ lu bơngai dơnuh hin, păng pơlung lu bơngai ơh sơ'ngon Sư wơh inh roi tơdrong Sư wă tơlĕch lu bơngai đe phak, kơ roi tơbăt ăn kơ lu bơngai bơnă gơh hơgei, tơbăt tơlĕch lu bơngai đe chĭt phak đơ̆ng hnam bơnă.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Lêwi 25:41

Kơplah noh sư gô tơklah đơ̆ng hnam ih, sư păng hơ'lơ̆p sư wih tơ hnam sư. Gô iŏk chŭn mir yă 'bok sư kơdih.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Mathiơ 11:29

Yua kơ Inh bơngai dim, băt 'mêm mơnat, na apinh iĕm pŭ iŏk bĕ, pơhrăm iŏk bĕ tơdrong Inh âu, wă kơ iĕm pơdơh hiôk.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yo 16:13

Mă-lei lăp Yang Bơhngol 'Lơ̆ng mă tơbăt ăn kơ iĕm tơdrong 'Bok Kei-Dei ei truh, Sư bơtho ăn kơ iĕm tôm tơdrong 'Bok Kei-Dei. Sư ưh kơ bơtho tơdrong Sư kơdih ôh, Sư bơtho iĕm dôm tơdrong Sư kơtơ̆ng đơ̆ng 'Bă Inh. Sư kư̆m bơtho gah tơdrong ning-mônh mơ̆n.

Yo 17:17

Apinh Ih tơbăt ăn kơ lu sư tôm tơdrong Ih, wă kơ lu sư gơh jang tơdrong Ih pran kơtang lăp đon rim lu sư kơdih kơdih, trŏ thoi Ih wă.

Yo 6:45

Lu 'bok pơtruh nơ̆r 'Bok Kei-Dei chih lăm sơ̆p hla bơar lu sư sơ̆ thoi âu: ‘'Bok Kei-Dei gô bơtho đĭ-đăng bơngai.’ Inh khan kơ iĕm, bơngai bu mơ̆ng nơ̆r 'Bă Inh păng lui kơ nơ̆r Sư bơtho, lu bơngai 'noh gô truh tơ Inh.

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Yo 8:36

Thoi noh na dah Kon Sư ăn iĕm rơngei, na iĕm gô rơngei tơpă.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Rom 8:15

Ưh kơ sĭ 'Bok Kei-Dei ăn Yang Bơhngol 'Lơ̆ng wă kơ bơ̆n jing bơngai đĭch, dah wă kơ bơ̆n oei hli ôh. Sư ăn kơ bơ̆n Yang Bơhngol 'Lơ̆ng wă kơ bơ̆n jing kon Sư. Thoi noh na bơ̆n gơh krao kơ 'Bok Kei-Dei Aba, 'Bă bơ̆n.

Rom 8:2

Yua kơ bơ̆n lui kơ Yêsu Krist, na Yang Bơhngol 'Lơ̆ng ăn kơ bơ̆n tơdrong arih 'nao, bơ̆n jing klaih đơ̆ng tơdrong yoch, ưh pă hli kơ lôch dơ̆ng.

I Kor 7:22

Bơngai bu đĭch đe mă-lei Kră Yang krao sư lui, bơngai 'noh kư̆m dang rơngei mơ̆n, yua kơ sư lui kơ Kră Yang Yêsu Krist. Mă bơngai bu ưh kơ đĭch đe, Yêsu Krist krao sư lui, bơngai 'noh kư̆m dang đĭch Yêsu Krist mơ̆n.

Galati 5:1

Kră Yang Yêsu Krist ăn kơ bơ̆n rơngei đơ̆ng dôm tơdrong juăt kon bơngai boih. Thoi noh bơ̆n gơh rơngei tơpă. Na iĕm 'nĕ ăn kơ đe pơhlŭ pơlung iĕm gơnang kơ akâu iĕm kơdih wă kiơ̆ tôm tơdrong juăt Môis dơ̆ng. Dah iĕm pơm thoi noh iĕm wih jing đĭch dơ̆ng.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

II Tim 3:7

Lu bơngai drŏ-kăn ei lu sư chă pơhrăm ră tơdrong 'Bok Kei-Dei, mă-lei 'nhŏ mă hlôh tơdrong kiơ.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

Ya 2:12

Tôm tơdrong juăt 'Bok Kei-Dei pơkă wă kơ bơ̆n kiơ̆, Sư wă kơ bơ̆n klaih đơ̆ng tơdrong yoch jing rơngei. Yua kơ thoi noh na bơ̆n athei pơma rĕng đon păng pơm kiơ̆ tôm tơdrong Sư pơkă noh ling-lang, yua kơ ning-mônh Sư wă sek tơlang lu bơ̆n kiơ̆ kơ tơdrong Sư pơkă noh tơpă.

I Pet 2:16

Tơpă mơ̆n bơ̆n bơngai rơngei boih, mă-lei iĕm 'nĕ kơ tơchĕng khan, rơngei boih pơm tơdrong kiơ kư̆m bưh. Ưh ôh, bơ̆n athei pơm thoi bơngai đĭch đam 'Bok Kei-Dei.

II Yo 1:1

Inh kră wei-lăng bơngai lui chih hơpong kơ iĕm 'nhŏng oh. Yua kơ 'Bok Kei-Dei rơih iŏk iĕm na inh 'mêm kơ iĕm tơpă. Bơ̆n jing 'nhŏng oh bơngai lui. Mă-lei ưh kơ sĭ kơdrô̆ inh ôh 'mêm kơ iĕm, dôm lu bơngai băt tơdrong 'Bok Kei-Dei tơpă sư kư̆m 'mêm kơ iĕm mơ̆n.