Yo 8:17 - Sơ̆p Hlabơar Nơ̆r 'Bok Kei-Dei

¹⁷ Lăm tơdrong juăt iĕm, đei chih thoi âu: Dah đei bơngai đe wă sek tơlang, bơngai đe wă sek tơlang noh sư athei đei 'bar 'nu pơma bơ̆ng sư 'mơ̆i wă kơ đe băt sư pơma tơpăt dah ưh.

Yo 8:17 ပူးပေါင်းရင်းမြစ်များ

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

Jo 35:30

Tơdah đei bơngai bu pơlôch bơngai, lu iĕm kư̆ rôp sek kiơ̆ kơ đơ̆ng đe roi khai kơ sư na gơh pơlôch sư; mă-lei dah lăp minh 'nu bơngai đĕch roi, lei ưh tam gơh pơlôch bu ôh.

Mathiơ 18:16

Dah sư ưh kơ chu kơ nơ̆r iĕm khan, lei iĕm krao 'bar pêng 'nu 'nhŏng oh bơngai lui năm kiơ̆ mơ̆ng biĕm pơma băl, wă kơ lu bơngai mă kiơ̆ mơ̆ng biĕm noh, băt kơ tơdrong iĕm pơma dih băl noh thoi yơ.

Yo 10:34

Yêsu khan kơ lu sư: “Lăm sơ̆p hla bơar 'Bok Kei-Dei đei chih khan, 'Bok Kei-Dei anăn lu kơdră bơ̆n sơ̆ khan sư kư̆m dang yang mơ̆n.

Yo 15:25

Đe chih khan lê̆ hơdrol lăm sơ̆p hla bơar tơdrong juăt lu sư sơ̆ khan: ‘Lu sư hil areh kơ Inh ưh kơ đei tơdrong kiơ.’ Yua kơ chih thoi noh na dang ei bơ̆n 'bôh 'blep trŏ thoi noh tơpă.

II Kor 13:1

Wă pêng 'măng kơ âu boih inh năm tơ iĕm, mă-lei ưh kơ sĭ năm chă jâu đe kư̆ kă ôh; tơ̆ng 'bar pêng 'nu 'bôh sư pơm yoch tơpă, na gơh pơma kơ sư.

Galati 3:24

Pơtih gia kơ tơdrong juăt 'Bok Kei-Dei dang lĕ minh 'nu bơngai anhăk ba lu hơ'lơ̆p pơhrăm chư tơ hnam trưng. Na truh tơ hnam trưng boih na lu đe hơ'lơ̆p ưh pă kăl kơ bơngai năm ba boih. 'Noh kư̆m dang lĕ tơdrong juăt 'Bok Kei-Dei anhăk ba kon bơngai bơ̆n tơ Yêsu Krist, na 'Bok Kei-Dei jô̆ bơ̆n bơngai 'lơ̆ng tơpăt hăm sư yua kơ bơ̆n lui kơ Yêsu.

Galati 4:21

Iĕm khan wă kiơ̆ tôm tơdrong juăt Môis tơpă, na dang ei inh wă kơ iĕm đŏk lăng tôm kơ hla bơar tơdrong juăt Môis bĕ, wă kơ iĕm hlôh.

Both 17:6

Athei kiơ̆ nơ̆r 'bar dah pêng 'nu bơngai pơm kơdranh drơ̆ng khan trŏ kơ pơlôch bơngai noh; ưh kơ gơh pơlôch bơngai bu tơdah đei lăp minh 'nu đĕch khan.

Both 19:15

Kơtơ̆ng đơ̆ng minh 'nu bơngai pơm kơdranh ưh tam gơh ôh wă jô̆ kơ bu khan yoch mă khan sư pơm glăi dêh dah sư đei pơm glăi tơdrong kiơ; athei đei 'bar dah pêng 'nu bơngai pơm kơdranh, lei na gơh jô̆ sư glăi.

Hêbrơ 10:28

Bơngai bu pơm yoch kơ tơdrong juăt Môis pơkă, đei 'bar pêng 'nu bơngai kư̆m 'bôh sư pơm yoch tơpă, bơngai noh đe athei pơlôch sư, ưh kơ gơh mơnat ăn kơ sư arih ôh.

I Yo 5:9

Thoi bơ̆n lui kơ buăl bơ̆n bơngai mă pơma tơpăt ling-lang, sư roi kơ bơ̆n na bơ̆n lui kơ sư roi, thoi noh bơ̆n athei lui kơ 'Bok Kei-Dei mă loi yua kơ Sư pơma tơpăt ngăl. Na pêng tơdrong 'noh hei đơ̆ng 'Bok Kei-Dei Sư roi tơbăt ăn kơ bơ̆n Yêsu Kon Sư tơpă.

Tơdrông Tơ'bôh 11:3

Na inh wă ăn 'bar 'nu bơngai hrŭk ao 'bi năm chă pơtruh kơ đe tơdrong 'Bok Kei-Dei kơplah lăm minh-rơbâu 'bar-hrĕng tơdrâu-jĭt năr.”