Yo 8:14 - Sơ̆p Hlabơar Nơ̆r 'Bok Kei-Dei

¹⁴ Yêsu khan kơ lu sư: “Mă Inh pơma tơdrong Inh kơdih, Inh pơma trŏ tơpă, yua kơ Inh băt kơdih Inh bơngai đơ̆ng yơ, wă wih tơ yơ. Mă-lei lu iĕm ưh kơ hlôh Inh bơngai đơ̆ng yơ, gô wih tơ yơ noh ôh.

Yo 8:14 ပူးပေါင်းရင်းမြစ်များ

Tơdrông Pơđơk 8:7

'Bơ̆r inh pơma tơpăt sĭt; Hơkŭng inh areh kơ tơdrong kơnê̆.

Jo 12:3

Môis boih mă iŏk đon ala iơ̆m dim hloh kơ đĭ-đăng bơngai kơpal teh âu.

Yo 10:15

kư̆m thoi 'Bă Inh băt kơ Inh, na Inh băt kơ Sư mơ̆n. Na Inh athei chu lôch yua kơ triu Inh.

Yo 10:36

Na lơliơ iĕm khan Inh pơma tih kơ 'Bok Kei-Dei Inh khan Inh Kon 'Bok Kei-Dei, yua kơ 'Bă Inh ăn kơ Inh jang tơdrong Sư tơpă păng wơh Inh jur tơ ala teh âu.

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Yo 14:10

Ih ưh kơ lui ôh hă 'Bă Inh oei lăm Inh, nhi 'Bă Inh minh jơhngơ̆m minh đon? Dôm nơ̆r Inh pơma bơtho ăn kơ iĕm ưh kơ sĭ lĕch đơ̆ng Inh kơdih ôh. Dôm tơdrong mơsêh mơyang Inh pơm ăn kơ lu iĕm 'noh lĕch đơ̆ng 'Bă Inh mă oei lăm Inh tơpă.

Yo 16:28

Inh jur đơ̆ng 'Bă Inh 'Bok Kei-Dei tơpă oei hơdai iĕm tơ ala teh âu. Dang ei Inh jăk đơ̆ng ala teh âu brŏk tơ 'Bă Inh dơ̆ng.”

Yo 17:8

Inh bơtho ăn kơ lu sư tôm tơdrong mă Ih pơkă ăn kơ Inh. Tôm lu tơdrong 'noh lu sư răk kơdih kơdih boih. Lu sư băt kơ Inh jur đơ̆ng Ih tơpă păng lu sư băt kơ Ih wơh Inh.

Yo 18:37

Pilat jet dơ̆ng: “'Noh hăm trŏ Ih 'Bok Pơtao dah ưh?” Yêsu khan: “Trŏ boih ih khan Inh 'Bok Pơtao. Kơlih kơ minh tơdrong âu Inh tơpŭ tơ ala teh âu, wă bơtho tơdrong tơpăt. Bu mă kiơ̆ tơdrong tơpăt, sư mơ̆ng nơ̆r Inh pơma.”

Yo 5:31

“Dah ưh kơ đei bu nai pơma bơ̆ng Inh, lei iĕm ưh kơ lui kư̆m bưh.

Yo 8:42

Yêsu khan kơ lu sư: “Ưh ôh. Dah 'Bok Kei-Dei 'Bă iĕm tơpă lei iĕm kư̆m 'mêm kơ Inh mơ̆n, yua kơ Inh jur đơ̆ng 'Bok Kei-Dei. Inh năm bơtho iĕm ưh kơ sĭ Inh 'maih kơdih đĕch ôh. Inh jur tơ âu yua kơ Sư wơh Inh.

II Kor 11:31

'Bok Kei-Dei 'Bă Yŏng bơ̆n Yêsu Krist, Sư trŏ kơ bơ̆n ư-ang ling-lang ưh kơ layơ tôch, Sư băt kơ inh pơma ưh kơ hơlĕnh.

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

II Kor 12:19

Iĕm tơchĕng nhôn chih đơ̆ng tơm hmơm hei, truh tơ dang ei âu, iĕm tơchĕng nhôn chih athei iĕm pơma sek tơlang tơdrong nhôn hă? Ưh ôh. Tơdrong sek tơlang, bơ̆n gô mơ̆ng kơ 'Bok Kei-Dei sek tơlang đĕch păng gô mơ̆ng kơ Yêsu Krist đĕch tơgŭm nhôn pơma. Ơ 'nhŏng oh mă nhôn 'mêm kơeng, dôm tơdrong nhôn chih bơtho iĕm noh hei ưh kơ sĭ nhôn hil kơ iĕm ôh, nhôn wă kơ iĕm lui kơjăp.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Tơdrông Tơ'bôh 3:14

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Laodisê thoi âu: “Âu boih 'Bok mă 'lơ̆ng tơpăt ling-lang, Sư pơma tơpăt ngăl tơpă. Sư boih mă 'Bok Kei-Dei yua đơ̆ng sơ̆ wă pơjing tôm tơdrong, Sư wă pơma kơ iĕm tơdrong âu: