Yo 7:33 - Sơ̆p Hlabơar Nơ̆r 'Bok Kei-Dei

³³ Na Yêsu khan kơ lu bơngai tơpôl: “Inh oei hơdai iĕm ưh pă đunh boih. Klaih kơ noh Inh wă wih tơ 'Bok mă wơh Inh.

Yo 7:33 ပူးပေါင်းရင်းမြစ်များ

Markôs 16:19

Đang kơ Kră Yang Yêsu khan kơ lu bơngai pơhrăm păng Sư thoi noh boih, na 'Bok Kei-Dei atŏk Sư tơ plĕnh oei gah 'ma kơ 'Bă Sư 'Bok Kei-Dei.

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Yo 13:33

“Ơ tơpôl lu dăm, Inh oei hơdai hăm iĕm ưh pă đunh boih. Iĕm gô chă Inh; kư̆m thoi Inh khan kơ lu bơngai Juđê ki, lu iĕm ưh kơ gơh truh tơ anih Inh ôh.

Yo 14:12

Inh khan kơ iĕm tơpă, bơngai bu lui kơ Inh, bơngai 'noh gô pơm dôm tơdrong Inh pơm mơ̆n. Păng sư gô pơm tơdrong tih hloh kơ Inh dơ̆ng mơ̆n, kơlih kơ Inh wă wih tơ 'Bă Inh boih.

Yo 14:19

Pă 'biơ̆ dơ̆ng lu bơngai tơ ala teh âu ưh pă 'bôh Inh boih. Pôm lu iĕm đĕch 'bôh Inh. Inh gô oei hơdai hăm 'Bă Inh arih ling-lang, lu iĕm gô arih ling-lang thoi noh mơ̆n.

Yo 14:28

Iĕm kơtơ̆ng Inh khan kơ iĕm, khan Inh gô jăk đơ̆ng iĕm păng gô wih dơ̆ng tơ iĕm. Dah iĕm 'mêm kơ Inh tơpă, lei iĕm kư̆m hiôk chơt tơduă iĕm mơ̆n, yua Inh khan Inh wă tŏk tơ 'Bă Inh păng yua kơ Sư tih hloh kơ Inh.

Yo 16:10

Sư tơbăt kơ lu sư Inh pơm 'lơ̆ng tơpăt kơlih kơ Inh brŏk tơ 'Bă Inh 'Bok Kei-Dei, na iĕm ưh pă 'bôh Inh dơ̆ng.

Yo 16:28

Inh jur đơ̆ng 'Bă Inh 'Bok Kei-Dei tơpă oei hơdai iĕm tơ ala teh âu. Dang ei Inh jăk đơ̆ng ala teh âu brŏk tơ 'Bă Inh dơ̆ng.”

Yo 16:5

“Na dang ei Inh wă brŏk tơ 'Bok mă wơh Inh. Mă-lei iĕm ưh kơ đei tơchĕng tơdrong Inh wă brŏk tơ Sư.

Yo 17:11

Na dang ei Inh pă oei tơ ala teh âu dơ̆ng, pôm lu sư đĕch oei tơ teh âu. Inh wă tŏk tơ Ih boih. Ơ 'Bă, Ih 'lơ̆ng tơpăt, apinh Ih yua mơsêh mơyang Ih wei-lăng lu sư mă kơjăp kư̆m thoi Ih pơjao kơ Inh tơdrong mơsêh mơyang. Na apinh Ih wei-lăng lu sư wă kơ lu sư pôm đon, kư̆m thoi ba pôm đon dih băl.

Yo 17:13

“Na dang ei Inh wă tŏk oei hơdai păng Ih, mă-lei hơdrol kơ Inh wă tŏk Inh roi kơ Ih dôm nơ̆r âu wă kơ lu sư hiôk chơt tơduă lu sư, kư̆m thoi ba hiôk chơt tơduă ba.

Yo 20:17

Thoi noh Yêsu khan: “Ih 'nĕ kơ rôp Inh, yua kơ Inh ưh tam mă tŏk wih tơ 'Bă Inh. Ih năm khan kơ lu 'nhŏng oh Inh wă kơ sư băt kơ Inh wă tŏk wih tơ 'Bă Inh, Sư kư̆m 'Bă lu iĕm mơ̆n; tơ Kră Yang Inh, Sư kư̆m Kră Yang iĕm mơ̆n.”

Yo 9:4

“Dang ei oei 'năr, na bơ̆n athei jang tơdrong 'Bă Inh mă wơh Inh. Dah 'năr mơ̆t boih, ưh kơ đei bu gơh jang dơ̆ng.