Yo 7:30 - Sơ̆p Hlabơar Nơ̆r 'Bok Kei-Dei

³⁰ Thoi noh na lu đe ei wă rôp Sư ră, mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

Yo 7:30 ပူးပေါင်းရင်းမြစ်များ

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Êsai 46:10

Inh roi bơih tơdrong năr tuch-luch đơ̆ng blŭng-a sơ̆. Inh roi tơbăt bơih đơ̆ng chăl adrol sơ̆ dôm tơdrong mă ưh tam đei truh. Inh pơma khan: Tơdrong Inh, kơnhăm wă gô dơ̆ng kơjăp, Inh gô pơm dôm tơdrong mă Inh lăp đon.

Mathiơ 12:14

Lu khŭl Pharisi noh lĕch đơ̆ng hnam akŭm noh năm pơđâu chă tơdrong wă kơ gơh rôp pơlôch Yêsu.

Markôs 11:18

Lu 'bok soi tih păng lu 'bok thây bơtho tơdrong juăt đe Juđê kơtơ̆ng tơdrong 'noh, na lu sư chă tơdrong wă rôp pơlôch Sư. Lu sư hli kơ Yêsu kơlih kơ đĭ-đăng bơngai 'maih mơ̆ng tơdrong Sư bơtho, yua kơ lu sư mơ̆ng hlĭch tơpă.

Luka 20:19

Lu thây bơtho tơdrong juăt đe Juđê păng lu 'bok soi tih wă rôp hloi Yêsu kơplah noh ră yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla mă oei mơ̆ng bơtho 'bơ̆t ei, na lu sư jing ưh kơ yĕng kơ rôp Yêsu ôh.

Luka 22:53

Bĭ rim năr Inh oei tơ tŏk-bŏk lu iĕm tơ lăm hnam akŭm tơm, na iĕm kuă kơ kiơ kơ rôp Inh tơ noh lĕ? Mă-lei iĕm oei kiơ̆ kơ yang Satan mă oei pơgơ̆r dôm lu bơngai oei lăm măng mu na trŏ năr iĕm rôp Inh boih.”

Yo 10:31

Na lu bơngai Juđê kơtơ̆ng Sư khan thoi noh, lu sư iŏk tơmo wă klơ̆m pơlôch Sư ră.

Yo 10:39

Thoi noh lu bơngai Juđê wă rôp Sư ră, mă-lei Sư jăk hloi đơ̆ng anih noh.

Yo 11:57

Lu 'bok soi tih păng lu bơngai Pharisi pơkă khan: “Bơngai bu băt kơ Sư oei tơ yơ, 'bôh Sư tơ yơ, bơngai 'noh athei roi kơ nhôn wă kơ nhôn năm rôp.”

Yo 7:19

Hăm trŏ kơ Môis ată ăn kơ iĕm tơdrong juăt, mă-lei lăm lu iĕm ưh kơ đei bu răk tơdrong juăt noh? Na iĕm khan Inh ưh kơ răk tơdrong juăt Môis, na iĕm khan wă pơlôch Inh. Kơlih kơ kiơ iĕm wă pơlôch Inh noh?”

Yo 7:32

Bơngai Pharisi kơtơ̆ng ang kon pơlei pơma 'bơm Yêsu thoi noh, na lu bơngai Pharisi păng lu 'bok soi tih wơh lu linh sư năm rôp Yêsu.

Yo 7:6

Yêsu khan kơ lu oh Sư: “Ưh tam mă trŏ Inh wă năm tơ Pơlei Jêrusalem tơbăt kơ đe tơdrong Inh ôh. Mă-lei dah iĕm wă năm, layơ kư̆m bưh.

Yo 7:8

Na iĕm năm hơpong bĕ năr giĕng noh. Gah Inh tam mă năm ôh, kơlih kơ tam mă trŏ kơ Inh wă năm.”

Yo 8:20

Yêsu bơtho tơdrong âu, Sư bơtho lăm hnam akŭm 'Bok Kei-Dei tơm, 'bơ̆t anih đe tah jên pơyơ̆r kơ Kră Yang. Mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

Yo 8:37

Inh băt mơ̆n iĕm kon sâu Abraham, mă-lei iĕm wă pơlôch Inh. Iĕm ưh kơ wă lui yom kơ Inh bơtho hơya tŏ sĕt 'biơ̆.

Yo 8:59

'Bơ̆t ei lu sư iŏk hloi tơmo wă klơ̆m Sư ră; mă-lei Sư ôn akâu Sư kơdih hloi lĕch đơ̆ng hnam akŭm 'Bok Kei-Dei tơm ei.

Yo 9:4

“Dang ei oei 'năr, na bơ̆n athei jang tơdrong 'Bă Inh mă wơh Inh. Dah 'năr mơ̆t boih, ưh kơ đei bu gơh jang dơ̆ng.